ഫ്രീസ്റ്റൈൽ ഫുട്ബാളർ ഹാദിയക്ക് ആദരം

ദോഹ: ലോകകപ്പ് ഫുട്ബാളിന്‍റെ പ്രാദേശിക സംഘാടകരായ സുപ്രീം കമ്മിറ്റി ഫോർ ഡെലിവറി ആൻഡ് ലഗസി സംഘടിപ്പിച്ച ഇൻഫ്ലുൻസർ കപ്പ്‌ ടൂര്‍ണമെന്‍റിൽ ഏഷ്യൻ ടീമിന്‍റെ ഭാഗമായി പങ്കെടുത്ത കോഴിക്കോട് ചേന്ദമംഗലൂർ സ്വദേശി ഹാദിയ അബ്ദുൽ ഹക്കീമിനെയും കോഴിക്കോട് എ.സി. മിലാൻ അക്കാദമി പരിശീലകനായ സഹോദരൻ ഹിഷാമിനെയും വെസ്റ്റ് ചേന്ദമംഗലൂർ കൂട്ടായ്മയായ അൻസാർ ഖത്തർ ആദരിച്ചു. സെക്രട്ടറി കബീർ ഇ.കെ, സത്താർ എ.പി എന്നിവർ ഉപഹാരം നൽകി. ശംസുദ്ദീൻ എടോളിപ്പാലി, ഷമീം ടി.കെ, റഷീദ് എം.ടി പരിപാടിക്ക് നേതൃത്വം നൽകി.