സൗജന്യവിമാനടിക്കറ്റ്​ ആരോഗ്യ പ്രവർത്തകർക്കുള്ള അംഗീകാരമെന്ന്​ വിദേശകാര്യ മന്ത്രാലയം

ദോഹ: ആഗോള തലത്തിൽ കോവിഡ്–19 പ്രതിരോധ പ്രവർത്തനങ്ങളിൽ മുൻനിരയിൽ നിൽക്കുന്ന ആരോഗ്യപ്രവർത്തകർക്കുള്ള അംഗീകാരമാണ് ഖത്തർ എയർവേസി​െൻറ സൗജന്യ ടിക്കറ്റ് സംരംഭമെന്ന് ഖത്തർ വിദേശകാര്യ മന്ത്രാലയം. കോവിഡ്–19നെതിരായി വിശ്രമമില്ലാതെ നിസ്വാർഥരായാണ് ആരോഗ്യ പ്രവർത്തകർ കർമരംഗത്തുള്ളതെന്നും വിദേശകാര്യ മന്ത്രാലയം വ്യക്തമാക്കി. കോവിഡ്–19 കാലത്ത് ഖത്തറും ഖത്തർ എയർവേസും വലിയ മാനുഷിക പ്രവർത്തനങ്ങളാണ് നടത്തുന്നതെന്നും ഇതിനകം തന്നെ ഒരു ദശലക്ഷത്തിലധികം ആളുകളെ സ്വദേശങ്ങളിലെത്തിക്കാൻ ഖത്തർ എയർവേസിന് സാധിച്ചുവെന്നും മന്ത്രാലയം ചൂണ്ടിക്കാട്ടി.ലോകനഴ്​സസ്​ ദിനത്തിനോടനുബന്ധിച്ചാണ്​ ആരോഗ്യ പ്രവർത്തകർക്ക് സൗജന്യ വിമാന ടിക്കറ്റ് സമ്മാനമായി നൽകാൻ ഖത്തർ എയർവേസ്​ തീരുമാനമെടുത്തത്​.ലോകത്തി​െൻറ വിവിധ ഭാഗങ്ങളിൽ നിന്നുള്ള 10000 ആരോഗ്യ പ്രവർത്തകർക്കാണ് സൗജന്യ ടിക്കറ്റ് നൽകുക. 

കോവിഡ്–19നെതിരായ പോരാട്ടത്തിൽ ഏർപ്പെട്ടിരിക്കുന്ന മുൻനിര ആരോഗ്യ പ്രവർത്തകരുടെ പ്രവർത്തനങ്ങൾക്കുള്ള ആദരവാണിത്​.മെയ് 18 അർധരാത്രി 11.59 വരെ രജിസ്​റ്റർ ചെയ്യാം. ആഗോളതലത്തിൽ ഡോക്ടർമാർ, മെഡിക്കൽ പ്രാക്ടീഷ്യണർമാർ, നഴ്സുമാർ, പാരാ മെഡിക്കൽ ജീവനക്കാർ, ഫാർമസിസ്​റ്റ്, ലാബ് ടെക്നീഷ്യൻമാർ, ക്ലിനിക്കൽ ഗവേഷകർ എന്നിവരെല്ലാം സൗജന്യ ടിക്കറ്റിന് യോഗ്യരായിരിക്കും. ടിക്കറ്റ് ലഭിക്കുന്നതിനായി ഖത്തർ എയർവേസി​െൻറ https://www.qatarairways.com/en/offers/thankyoumedics.html എന്ന പോർട്ടൽ സന്ദർശിച്ച്​ രജിസ്​റ്റർ ചെയ്യണം. രജിസ്​റ്റർ ചെയ്യുന്നതോടെ ഉപഭോക്താവിന് സൗജന്യ ടിക്കറ്റിനായുള്ള പ്രമോഷൻ കോഡ് ലഭിക്കും. ഇത് ഉപയോഗിച്ച് എകണോമി ക്ലാസിൽ രണ്ട് റിട്ടേൺ ടിക്കറ്റ് വരെ ഒരാൾക്ക് കരസ്​ഥമാക്കാം. 
ആദ്യം ബുക്ക് ചെയ്യുന്നവർക്ക് ആദ്യം എന്നയടിസ്​ഥാനത്തിലാണ് ടിക്കറ്റ്. അപേക്ഷകൾ എളുപ്പമാക്കുന്നതി​െൻറയും സുതാര്യമാക്കുന്നതി​െൻറയും ഭാഗമായി ഓരോ രാജ്യങ്ങളിൽ നിന്നുള്ളവർക്കും ദിവസേന നിശ്ചിത ടിക്കറ്റുകളാണ് നൽകുന്നത്.

പ്രമോഷൻ കോഡ് ഉപയോഗിച്ച് 2020 നവംബർ 26ന് മുമ്പായി ടിക്കറ്റ് ബുക്ക് ചെയ്യണം. 2020 ഡിസംബർ 10 ന് മുമ്പായി യാത്ര ചെയ്തിരിക്കണം. ഈ ടിക്കറ്റുകൾ ഉപയോഗിച്ച് ലോകത്തി​െൻറ ഏത് ഭാഗത്തേക്കും യാത്ര ചെയ്യാൻ സാധിക്കും. കൂടാതെ സൗജന്യമായി തന്നെ യാത്രയുടെ തിയ്യതി മാറ്റാനും സാധിക്കും. എന്നാൽ വിമാനത്താവള നികുതി യാത്രക്കാർ നൽകേണ്ടി വരും.സൗജന്യ ടിക്കറ്റിനോടൊപ്പം ഖത്തർ ഡ്യൂട്ടി ഫ്രീ ശാഖകളിൽ നിന്നും 35 ശതമാനം ഇളവ് ലഭിക്കുന്നതിനുള്ള കൂപ്പണും ആരോഗ്യ പ്രവർത്തകർക്ക് ലഭിക്കും. ഡിസംബർ 31വരെയാണ് ഇതി​െൻറ കാലാവധി.
 

• ഖത്തർ എയർവേസിന് പ്രശംസയുമായി ​യൂറോപ്യൻ യൂണിയൻ
ദോഹ: ആരോഗ്യ പ്രവർത്തകർക്ക് സൗജന്യ ടിക്കറ്റുകൾ നൽകാനുള്ള ഖത്തർ എയർവേസി​െൻറ നടപടി സ്വാഗതാർഹവും പ്രശംസനീയവുമാണെന്ന് യൂറോപ്യൻ യൂണിയൻ അറിയിച്ചു. ആരോഗ്യ പ്രവർത്തർക്കുള്ള ആദര സൂചകമായുള്ള സൗജന്യ ടിക്കറ്റ് സംരംഭം അഭിനന്ദനാർഹമാണെന്ന് യൂറോപ്യൻ യൂണിയൻ ഖത്തർ അംബാസഡർ ഡോ. ക്രിസ്​റ്റ്യൻ ടുഡോർ പറഞ്ഞു. കോവിഡ്– 19നെതിരായ പോരാട്ടത്തിൽ ആരോഗ്യ പ്രവർത്തകരുടെ പങ്ക് തുല്യതയില്ലാത്തതാണെന്നും അദ്ദേഹം ചൂണ്ടിക്കാട്ടി.യൂറോപ്യൻ പൗരന്മാരെ സ്വന്തം നാടുകളിലെത്തിക്കാൻ ഖത്തർ എയർവേസ്​ പോലെയുള്ള എയർലൈനുകളുടെ പിന്തുണ നിർണായകമായെന്നും മഹാമാരിയുടെ ഏറ്റവും പ്രതിസന്ധി നിറഞ്ഞ സമയങ്ങളിലാണ് ഖത്തർ എയർവേസ്​​ തങ്ങളുടെ പൗരന്മാരെ സ്വദേശങ്ങളിലെത്തിക്കാൻ സർവീസ്​ നടത്തിയതെന്നും ഡോ. ക്രിസ്​റ്റ്യൻ വ്യക്തമാക്കി.