അധ്യാപകർക്ക് സൗജന്യ വിമാനടിക്കറ്റ്: മികച്ച പ്രതികരണം

ദോഹ: കോവിഡ്–19 മഹാമാരിയുയർത്തിയ പ്രതിസന്ധികൾക്കിടെ ലോകമെമ്പാടുമുള്ള യുവജനങ്ങളെ ബോധവൽകരിക്കുന്നതിൽ സുപ്രധാന പ്രവർത്തനങ്ങൾ നടത്തുന്ന അധ്യാപകർക്കുള്ള അംഗീകാരമായി ഖത്തർ എയർവേയ്സ്​ പ്രഖ്യാപിച്ച സൗജന്യ റിട്ടേൺ ടിക്കറ്റ്​ പദ്ധതിക്ക്​ ലോകത്തിെൻറ വിവിധ ഭാഗങ്ങളിൽ നിന്നും മികച്ച പ്രതികരണം.

ഖത്തറിെൻറ ദേശീയ വിമാനക്കമ്പനിയായ ഖത്തർ എയർവേയ്സ്​ അധ്യാപകർക്കുള്ള സമ്മാനമായി 21000 റിട്ടേൺ സൗജന്യ ടിക്കറ്റുകളാണ് പ്രഖ്യാപിച്ചിരിക്കുന്നത്. കഴിഞ്ഞ മൂന്ന് ദിവസത്തിനിടെ നേരത്തെ പ്രഖ്യാപിച്ച 21000 ടിക്കറ്റുകളും അധ്യാപകർക്ക് നൽകിയതായി ഖത്തർ എയർവേയ്സ്​ അറിയിച്ചു. ടിക്കറ്റുകൾ കരസ്​ഥമാക്കിയ മുഴുവൻ അധ്യാപകർക്കും അഭിനന്ദങ്ങൾ നേരുന്നതായും കമ്പനി​ അറിയിച്ചു.

ലോക അധ്യാപക ദിനമായ ഒക്ടോബർ 5ന് ആരംഭിച്ച ടിക്കറ്റ് നൽകൽ ഒക്ടോബർ 7 വരെ നീണ്ടുനിന്നു. 75 രാജ്യങ്ങളിൽ നിന്നുള്ള അധ്യാപകരാണ് ടിക്കറ്റുകൾക്ക് അർഹരായത്. ടിക്കറ്റ് പ്രഖ്യാപിച്ചതിെൻറ രണ്ടാം ദിനത്തിൽ 14000 ടിക്കറ്റുകൾ നൽകിയതായി കമ്പനി ട്വീറ്റ് ചെയ്തിരുന്നു. ഖത്തർ എയർവേയ്സ്​ സർവീസ്​ നടത്തുന്ന ഏതെങ്കിലുമൊരിടത്തേക്കും തിരിച്ചുമുള്ള ഇക്കണോമി ക്ലാസ്​ റിട്ടേൺ ടിക്കറ്റാണ് ലഭിക്കുക.

ഇതോടൊപ്പം ഭാവിയിൽ ഒരു റിട്ടേൺ ടിക്കറ്റിന് 50 ശതമാനം ഓഫർ നൽകുന്ന വൗച്ചറും ലഭിക്കും. ഈ വൗച്ചർ സ്വന്തമായോ കുടുംബത്തിനോ സുഹൃത്തുക്കൾക്കോ ഉപയോഗിക്കാം. രണ്ട് ടിക്കറ്റുകൾക്കും അടുത്ത വർഷം സെപ്തംബർ വരെയുള്ള യാത്രകൾക്കായി ബുക്ക് ചെയ്യാം. നേരത്തെ ഒരു ലക്ഷം ആരോഗ്യ പ്രവർത്തകർക്കും സൗജന്യ റിട്ടേൺ ടിക്കറ്റുകൾ നൽകി ഖത്തർ എയർവേയ്സ്​ ലോകശ്രദ്ധ നേടിയിരുന്നു.