Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightQatarchevron_rightസാ​േങ്കതിക തകരാർ :...

സാ​േങ്കതിക തകരാർ : ബംഗളൂരു–ദോഹ വിമാനം മണിക്കൂറുകൾ വൈകി

text_fields
bookmark_border
സാ​േങ്കതിക തകരാർ : ബംഗളൂരു–ദോഹ വിമാനം മണിക്കൂറുകൾ വൈകി
cancel

ബംഗളൂരു: ഖത്തർ എയർവേ​സി​​െൻറ ബംഗളൂരു-ദോഹ ക്യു.ആർ 573 വിമാനം സാ​േങ്കതിക തകരാറിനെ തുടർന്ന്​ അനിശ്ചിതമായി വൈകിയതോടെ യാത്രക്കാർ മണിക്കൂറുകളോളം വലഞ്ഞു. വ്യാഴാഴ്​ച പുലർ​െച്ച 3.40ന്​ പുറപ്പെടേണ്ട വിമാനം രാത്രി വൈകിയും പുറപ്പെട്ടിട്ടില്ല. എട്ടു മണിക്കൂറിലേറെ യാത്രക്കാരെ വിമാനത്തിൽ കയറ്റി റൺവേയിലിട്ട ശേഷമാണ്​ യാത്ര പുറപ്പെടാനാവില്ലെന്ന്​ അറിയിച്ചത്​. ഇതോടെ മലയാളികളടക്കമുള്ള 270ഒാളം യാത്രക്കാർ പ്രയാസത്തിലായി. യാത്രക്കാരെ ബംഗളൂരു ഒാൾഡ്​ എയർപോർട്ട്​ റോഡ്​, വൈറ്റ്​ഫീൽഡ്​ എന്നിവിടങ്ങളിലെ ഹോട്ടലുകളിലേക്ക്​ മാറ്റി. വിമാനം അനിശ്ചിതമായി വൈകിയതോടെ കണക്​ഷൻ ഫൈറ്റുകളിൽ പുറപ്പെടേണ്ട യാത്രക്കാരുടെ ദോഹയിൽനിന്നുള്ള തുടർയാത്രകളുടെ കാര്യവും അനിശ്ചിതത്വത്തിലായി. ഇവയുടെ കാര്യത്തിലും വിമാനക്കമ്പനി അധികൃതർ ഇതുവ​െര കൃത്യമായ വിവരം നൽകിയിട്ടില്ലെന്ന്​ യാത്രക്കാരിലൊരാളായ ബംഗളൂരുവിൽ ജോലിചെയ്യുന്ന കൊച്ചി സ്വദേശി ഫ്രാൻസിസ്​ സേവ്യർ പറഞ്ഞു. ബുധനാഴ്​ചയും ഖത്തർ എയർവേസി​​െൻറ വിമാനത്തിന്​ തകരാർ സംഭവിച്ചതിനെ തുടർന്ന്​ മണിക്കൂറുകളോളം ബംഗളൂരു^ദോഹ വിമാനം വൈകിയിരുന്നു. പുലർച്ചെ 3.30ന്​ പുറപ്പെടേണ്ട വിമാനം ബുധനാഴ്​ച രാത്രി ഒമ്പതോടെയാണ്​ തകരാർ പരിഹരിച്ച്​ പുറപ്പെട്ടത്​.


വ്യാഴാഴ്​ച പുലർ​െച്ച യാത്രക്കാർ മുഴുവൻ കയറി ഒരു മണിക്കൂർ കഴിഞ്ഞിട്ടും വിമാനം പുറ​പ്പെടാതായപ്പോൾ സാ​േങ്കതിക പ്രശ്​നമാണെന്നും പരിഹരിച്ച്​​ വൈകാതെ പുറപ്പെടുമെന്നും ഉദ്യോഗസ്​ഥർ അറിയിച്ചത്രെ. ഒാരോ മണിക്കൂർ കഴിയു​േമ്പാഴും അറിയിപ്പ്​ നൽകുന്നതല്ലാതെ പ്രശ്​നം പരിഹരിക്കാനായില്ല. ഇന്ധന ടാങ്കിലെ റീഡിങ്​ കാണിക്കുന്നില്ലെന്നും പരിശോധന പൂർത്തിയായി തകരാർ പരിഹരിച്ചാൽ ഉടൻ പുറപ്പെടുമെന്നും അറിയിച്ചു. സാധാരണ ഇത്തരം സമയങ്ങളിൽ പൈലറ്റാണ്​ കൃത്യമായ വിവരം നൽകേണ്ടതെങ്കിലും അതുണ്ടായില്ലെന്ന്​ യാത്രക്കാർ ആരോപിക്കുന്നു. ഇൗ സമയം ബുധനാഴ്​ചത്തെ ദോഹ വിമാനത്തിനും തകരാറുണ്ടായിരുന്നതായും തങ്ങൾക്ക്​ പകരം യാത്ര ഏർപ്പെടുത്തിയതാണെന്നും രണ്ട്​ യാത്രക്കാർ ചൂണ്ടിക്കാട്ടി. ബുധനാഴ്​ചത്തെ വിമാനം തകരാർ പരിഹരിച്ച്​ രാത്രിയോടെയാണ്​ ബംഗളൂരു വിട്ടത്​. സുരക്ഷഭീഷണിയുള്ളതിനാൽ ഇൗ വിമാനത്തിൽ യാത്രചെയ്യാനാവില്ലെന്ന്​ പറഞ്ഞ്​ ചില യാത്രക്കാർ ഇറങ്ങിപ്പോയതോടെ, യാത്ര റദ്ദാക്കുകയാണെന്നും താമസ സൗകര്യവും പകരം യാത്രാസംവിധാനവും ഏർപ്പാടാക്കുമെന്നറിയിച്ച്​ രാവിലെ 11 ഒാടെ യാത്രക്കാരെ മുഴുവൻ വിമാനത്തിൽനിന്ന്​ ഇറക്കി.


എമിഗ്രേഷൻ റദ്ദാക്കാനും മറ്റു നടപടികൾക്കും യാത്രക്കാർ പിന്നെയും പ്രയാസ​െപ്പട്ടു. സംശയ ദൂരീകരണത്തിന്​ ഉദ്യോഗസ്​ഥർ നൽകിയ ഫോൺ നമ്പറുകളിൽ വിളിച്ചിട്ട്​ മറുപടിയില്ലെന്ന പരാതിയുമുയർന്നു. പുലർച്ച അഞ്ചോടെ പ്രഭാത ഭക്ഷണം നൽകിയെങ്കിലും പിന്നീട്​ ഹോട്ടലിലെത്തി വൈകീട്ട്​ മൂന്നരയോടെയാണ്​ യാത്രക്കാർക്ക്​ ഭക്ഷണം ലഭിച്ചത്​. വ്യാഴാഴ്​ച രാത്രി എട്ടരയോടെ ദോഹയിൽനിന്ന്​ സ്​പെയർപാർട്​സും മെക്കാനിക്കിനെയും എത്തിച്ച്​ വിമാനം തകരാർ പരിഹരിക്കാനുള്ള ശ്രമത്തിലാണ്. വെള്ളിയാഴ്​ച പുലർച്ചെ ഒന്നരയോടെ വിമാനം പുറപ്പെടുമെന്നാണ്​ ഷെഡ്യൂളിൽ കാണിക്കുന്നതെങ്കിലും പിന്നെയും ​ൈവകിയേക്കുമെന്നാണ്​ വിവരം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:qatarflightgulf news
News Summary - flight-qatar-gulf news
Next Story