ആ​ഘോ​ഷ​ത്തി​ന് കൊ​ടി​യി​റ​ക്കം ഇ​നി തി​ര​ക്കി​ലേ​ക്ക്

ദോ​ഹ: പെ​രു​ന്നാ​ൾ ആ​ഘോ​ഷ​ത്തി​ന്റെ അ​വ​ധി​ക്കാ​ല​ത്തോ​ട് വി​ട​പ​റ​ഞ്ഞ് ചൊ​വ്വാ​ഴ്ച​മു​ത​ൽ ഖ​ത്ത​ർ വീ​ണ്ടും സ​ജീ​വ​മാ​കു​ന്നു. അ​ഞ്ചു ദി​വ​സ​ത്തോ​ളം നീ​ണ്ട ഈ​ദ് അ​വ​ധി​ക്കു​ശേ​ഷം, ഖ​ത്ത​റി​ലെ സ​ർ​ക്കാ​ർ ഓ​ഫി​സു​ക​ൾ, പൊ​തു​മേ​ഖ​ല സ്ഥാ​പ​ന​ങ്ങ​ൾ, മ​ന്ത്രാ​ല​യ​ങ്ങ​ൾ, വി​ദ്യാ​ഭ്യാ​സ സ്ഥാ​പ​ന​ങ്ങ​ൾ എ​ന്നി​വ ചൊ​വ്വാ​ഴ്ച​മു​ത​ൽ പ​തി​വു​​പോ​ലെ പ്ര​വ​ർ​ത്ത​ന​മാ​രം​ഭി​ക്കും. പെ​രു​ന്നാ​ളി​നോ​ട​നു​ബ​ന്ധി​ച്ച് വ്യാ​ഴാ​ഴ്ച​മു​ത​ലാ​യി​രു​ന്നു ഖ​ത്ത​റി​ൽ പൊ​തു അ​വ​ധി ആ​രം​ഭി​ച്ച​ത്. പെ​രു​ന്നാ​ളും അ​വ​ധി​യും ഖ​ത്ത​റി​ലും അ​യ​ൽ​രാ​ജ്യ​ങ്ങ​ളി​ലും നാ​ട്ടി​ലും ആ​ഘോ​ഷ​മാ​ക്കി​യാ​ണ് രാ​ജ്യം വീ​ണ്ടും സ​ജീ​വ​മാ​കു​ന്ന​ത്. ​സ്വ​കാ​ര്യ​മേ​ഖ​ല​ക​ളി​ൽ തി​ങ്ക​ളാ​ഴ്ച​മു​ത​ൽ ത​ന്നെ ഓ​ഫി​സു​ക​ൾ പ്ര​വ​ർ​ത്തി​ച്ചു തു​ട​ങ്ങി​യി​രു​ന്നു. ബാ​ങ്കു​ക​ൾ ഉ​ൾ​പ്പെ​ടെ ധ​ന​കാ​ര്യ സ്ഥാ​പ​ന​ങ്ങ​ളും ഈ​ദ് അ​വ​ധി ക​ഴി​ഞ്ഞ് ജൂ​ൺ 10 ചൊ​വ്വാ​ഴ്ച​യോ​ടെ സ​ജീ​വ​മാ​കും. ​

ആ​രോ​ഗ്യ​മേ​ഖ​ല​യി​ൽ സ്‍പെ​ഷാ​ലി​റ്റി​യും ചി​ല ഹെ​ൽ​ത്ത് സെ​ന്റ​റു​ക​ൾ​ക്കും അ​വ​ധി ന​ൽ​കി​യി​രു​ന്നു. എ​ന്നാ​ൽ, ഈ​ദ് അ​വ​ധി​യി​ലും ഹ​മ​ദ് മെ​ഡി​ക്ക​ല്‍ കോ​ര്‍പ​റേ​ഷ​ൻ ആ​ശു​പ​ത്രി​ക​ളി​ലെ അ​ടി​യ​ന്ത​ര​വി​ഭാ​ഗ​ങ്ങ​ളും പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​നു കീ​ഴി​ലെ 20 ഹെ​ല്‍ത്ത് സെ​ന്റ​റു​ക​ളും സ​ജീ​വ​മാ​യി പ്ര​വ​ർ​ത്തി​ച്ചു.പെ​രു​ന്നാ​ൾ അ​വ​ധി​ക്കാ​ല​ത്ത് എ​ച്ച്.​എം.​സി​ക്ക് കീ​ഴി​ലെ എ​മ​ർ​ജ​ൻ​സി, ആം​ബു​ല​ൻ​സ് സ​ർ​വി​സ് വി​ഭാ​ഗ​ങ്ങ​ൾ മു​ട​ക്ക​മി​ല്ലാ​തെ പ്ര​വ​ർ​ത്തി​ച്ചു. ര​ണ്ടാം പെ​രു​ന്നാ​ൾ ദി​ന​ത്തി​ൽ എ​മ​ർ​ജ​ൻ​സി​യി​ൽ 1946 രോ​ഗി​ക​ൾ എ​ത്തി​യ​താ​യാ​ണ് റി​പ്പോ​ർ​ട്ട്.

ആം​ബു​ല​ൻ​സ് സേ​വ​ന​വു​മാ​യി ബ​ന്ധ​പ്പെ​ട്ട് 745ഓ​ളം ഫോ​ൺ കാ​ളു​ക​ൾ എ​ത്തി. 21 റോ​ഡ് അ​പ​ക​ട കേ​സു​ക​ളും റി​പ്പോ​ർ​ട്ട് ചെ​യ്യ​പ്പെ​ട്ടു.പെ​രു​ന്നാ​ൾ അ​വ​ധി​യും ക​ഴി​ഞ്ഞ് പ​രീ​ക്ഷാ തി​ര​ക്കി​ലേ​ക്കാ​ണ് ഖ​ത്ത​റി​ലെ ഇ​ന്ത്യ​ൻ സ്കൂ​ളു​ക​ൾ തു​റ​ക്കു​ന്ന​ത്. അ​ടു​ത്ത​യാ​ഴ്ച​യോ​ടെ​ത​ന്നെ പ​രീ​ക്ഷ​ക​ൾ​ക്ക് തു​ട​ക്കം കു​റി​ക്കും. ജൂ​​ലൈ ആ​ദ്യ​വാ​ര​ത്തി​ലാ​ണ് ഖ​ത്ത​റി​ലെ ഇ​ന്ത്യ​ൻ സ്കൂ​ളു​ക​ളി​ൽ വേ​ന​ല​വ​ധി ആ​രം​ഭി​ക്കു​ന്ന​ത്. ആ​ഘോ​ഷ​ങ്ങ​ൾ​ക്ക് കൊ​ടി​യി​റ​ക്കം

അ​ഞ്ചു ദി​വ​സ​ങ്ങ​ളി​ലാ​യി ന​ഗ​രം നി​റ​യെ ആ​ഘോ​ഷ​രാ​വു​ക​ളൊ​രു​ക്കി​യാ​ണ് ഇ​ത്ത​വ​ണ​ത്തെ പെ​രു​ന്നാ​ളി​ന് കൊ​ടി​യി​റ​ങ്ങു​ന്ന​ത്. വെ​ടി​ക്കെ​ട്ട് മു​ത​ൽ ദോ​ഹ പോ​ർ​ട്ടി​ലെ​യും ക​താ​റി​യി​ലെ​യും മു​ശൈ​രി​ബി​ലെ​യും വ​രെ വൈ​വി​ധ്യ​മാ​ർ​ന്ന പെ​രു​ന്നാ​ൾ ആ​ഘോ​ഷ പ​രി​പാ​ടി​ക​ളു​മാ​യി സു​ര​ക്ഷി​ത​മാ​യി ഈ​ദ് ദി​വ​സ​ങ്ങ​ൾ സ​മാ​പി​ച്ച​ത് അ​ധി​കൃ​ത​ർ​ക്കും ആ​ശ്വാ​സം പ​ക​രു​ന്നു.

സൂ​ഖ് അ​ൽ വ​ക്റ​യി​ലെ ക​ട​ൽ​തീ​ര​ത്താ​യി ന​ട​ന്ന വെ​ടി​ക്കെ​ട്ടു​ക​ൾ ഞാ​യ​റാ​ഴ്ച രാ​ത്രി​യോ​ടെ സ​മാ​പി​ച്ചു. പെ​രു​ന്നാ​ളി​ന്റെ നാ​ലു​ദി​വ​സ​ങ്ങ​ളി​ലാ​ണ് സൂ​ഖ് വ​ക്റ നി​റ​പ്പ​കി​ട്ടാ​ർ​ന്ന പെ​രു​ന്നാ​ൾ വെ​ടി​ക്കെ​ട്ടി​ന് വേ​ദി​യൊ​രു​ക്കി​യ​ത്. വെ​സ്റ്റ​വാ​ക്, ജി​വാ​ൻ ഐ​ല​ൻ​ഡ്, ക​താ​റ ക​ൾ​ച​റ​ൽ വി​ല്ലേ​ജ്, പേ​ൾ ഖ​ത്ത​ർ, ​​േപ്ല​സ് വെ​ൻ​ഡോം മാ​ൾ എ​ന്നി​വ സ​ന്ദ​ർ​ശ​ക സാ​ന്നി​ധ്യം​കൊ​ണ്ട് ശ്ര​ദ്ധേ​യ​മാ​യി.

പ്ര​ധാ​ന ആ​ഘോ​ഷ കേ​ന്ദ്ര​ങ്ങ​ൾ ക​ഴി​ഞ്ഞാ​ൽ, സൂ​ഖ് വാ​ഖി​ഫ് ത​ന്നെ​യാ​യി​രു​ന്നു സ​ന്ദ​ർ​ശ​ക​രു​ടെ ഇ​ഷ്ട സ്ഥ​ലം. വി​വി​ധ ദേ​ശ​ക്കാ​രു​ടെ സാ​ന്നി​ധ്യ​വു​മാ​യി സൂ​ഖ് ക​ഴി​ഞ്ഞ ദി​വ​സ​ങ്ങ​ളി​ൽ നി​റ​ഞ്ഞു​ക​വി​ഞ്ഞു.ഖ​ത്ത​റി​ൽ​നി​ന്നു​ള്ള​വ​ർ വി​ദേ​ശ​ങ്ങ​ളി​ലെ​ത്തു​ന്ന​തു​പോ​ലെ, സൗ​ദി, ഒ​മാ​ൻ, ദു​ബൈ, കു​വൈ​ത്ത് ഉ​ൾ​പ്പെ​ടെ ജി.​സി.​സി രാ​ജ്യ​ങ്ങ​ളി​ൽ​നി​ന്നു​ള്ള സ​ന്ദ​ർ​ശ​ക​രു​ടെ എ​ണ്ണ​ത്തി​ലും ഇ​ത്ത​വ​ണ വ​ർ​ധ​ന​യു​ണ്ടാ​യ​താ​യി ടൂ​റി​സം ​മേ​ഖ​ല​യി​ലു​ള്ള​വ​ർ സാ​ക്ഷ്യ​പ്പെ​ടു​ത്തു​ന്നു.