ക​ട​ൽ​പൈ​തൃ​കം പ​ക​ർ​ന്ന് മ​ത്സ്യ​ബ​ന്ധ​ന പ്ര​ദ​ർ​ശ​ന​ത്തി​ന് കൊ​ടി​യി​റ​ക്കം

ദോ​ഹ: ഖ​ത്ത​റി​ന്റെ​യും ഗ​ൾ​ഫ്​ മേ​ഖ​ല​യു​ടെ​യും മ​ത്സ്യ​ബ​ന്ധ​ന, സ​മു​ദ്ര പൈ​തൃ​ക ജീ​വി​തം ത​ല​മു​റ​ക​ളി​ലേ​ക്ക്​ പ​ക​ർ​ന്നു​കൊ​ണ്ട്​ പ്ര​ഥ​മ മ​ത്സ്യ​ബ​ന്ധ​ന പ്ര​ദ​ർ​ശ​ന​ത്തി​ന്​ ദോ​ഹ ഓ​ൾ​ഡ്​ പോ​ർ​ട്ടി​ൽ സ​മാ​പ​ന​മാ​യി. നാ​ലു ദി​വ​സ​ങ്ങ​ളി​ലാ​യി പ​തി​നാ​യി​ര​ത്തി​ലേ​റെ സ​ന്ദ​ർ​ശ​ക​രെ ആ​ക​ർ​ഷി​ച്ച പ്ര​ദ​ർ​ശ​ന​ത്തി​ലേ​ക്ക്​ സ്വ​ദേ​ശി​ക​ളും പ്ര​വാ​സി​ക​ളും ഉ​ൾ​പ്പെ​ടെ സ്​​ത്രീ​ക​ളും കു​ട്ടി​ക​ളും മു​തി​ർ​ന്ന​വ​രു​മെ​ല്ലാം കൗ​തു​ക​ത്തോ​ടെ എ​ത്തി.

ശ​നി​യാ​ഴ്​​ച സ​മാ​പ​ന ദി​വ​സ​ത്തി​ൽ മീ​ൻ​പി​ടി​ത്ത മ​ത്സ​രം ശ്ര​ദ്ധേ​യ​മാ​യി. വ​ൻ​തു​ക സ​മ്മാ​ന​ത്തു​ക നി​ശ്ച​യി​ച്ച മീ​ൻ​പി​ടി​ത്ത മ​ത്സ​ര​ത്തി​ൽ 132 ടീ​മു​ക​ളാ​ണ്​ ര​ജി​സ്​​റ്റ​ർ ചെ​യ്​​ത​ത്. എ​ല്ലാ ടീ​മു​ക​ളി​ലു​മാ​യി 578 പേ​ർ മീ​ൻ​പി​ടി​ത്ത​ത്തി​ന്റെ ഭാ​ഗ​മാ​യി. ടീ​മു​ക​ളു​ടെ ആ​ധി​ക്യം കാ​ര​ണം വെ​ള്ളി​യാ​ഴ്​​ച ത​ന്നെ മ​ത്സ​ര​ത്തി​ന്​ തു​ട​ക്കം കു​റി​ച്ചി​രു​ന്നു. ഏ​റ്റ​വും വേ​ഗ​ത്തി​ൽ വ​ലി​യ മീ​ൻ പി​ടി​ച്ച​വ​രെ ശ​നി​യാ​ഴ്​​ച ന​ട​ന്ന ച​ട​ങ്ങി​ൽ വി​ജ​യി​ക​ളാ​യി പ്ര​ഖ്യാ​പി​ച്ചു.

ബോ​ട്ടി​ൽ മീ​ൻ പി​ടി​ക്കു​ന്ന വി​ഡി​യോ സ​ഹി​തം സ​മ​ർ​പ്പി​ച്ചാ​യി​രു​ന്നു മ​ത്സ​രം. ഏ​റ്റ​വും വ​ലി​യ മീ​ൻ​പി​ടി​ത്ത ടീ​മി​ന്​ ഒ​ന്നാം സ​മ്മാ​ന​മാ​യി​ ഒ​ന്ന​ര ല​ക്ഷം റി​യാ​ൽ സ​മ്മാ​നി​ച്ചു. ര​ണ്ടാം സ​മ്മാ​നം 75,000 റി​യാ​ലും, മൂ​ന്നാം സ​മ്മാ​നം 45,000 റി​യാ​ലും സ​മ്മാ​ന​മാ​യി ന​ൽ​കി. ആ​ദ്യ 25 സ്​​ഥാ​ന​ക്കാ​ർ അ​വ​കാ​ശി​ക​ളാ​യി.

ഖ​ത്ത​റി​ന്റെ സ​മു​ദ്ര, മ​ത്സ്യ​ബ​ന്ധ​ന മേ​ഖ​ല​യി​ൽ പു​തു അ​ധ്യാ​യ​മാ​യി നാ​ലു ദി​വ​സ​ത്തെ പ്ര​ദ​ർ​ശ​നം ​ഓ​ൾ​ഡ്​ പോ​ർ​ട്ടി​ൽ സ​മാ​പി​ച്ചു. ചൂ​ണ്ട​യും വ​ല​യും കൊ​ട്ട​യും മു​ത​ൽ അ​ത്യാ​ധു​നി​ക മ​ത്സ്യ​ബ​ന്ധ​ന ഉ​പ​ക​ര​ണ​ങ്ങ​ളും ബോ​ട്ടു​ക​ൾ, ര​ക്ഷാ ഉ​പ​ക​ര​ണ​ങ്ങ​ൾ തു​ട​ങ്ങി​യ​വ ഉ​ൾ​പ്പെ​ടു​ന്ന​താ​യി​രു​ന്നു പ്ര​ദ​ർ​ശ​നം.