മ​ത്സ്യ​ബ​ന്ധ​ന തു​റ​മു​ഖ വി​ക​സ​നം അ​വ​സാ​ന​ഘ​ട്ട​ത്തി​ൽ

ദോ​ഹ: രാ​ജ്യ​ത്തെ മ​ത്സ്യ​ബ​ന്ധ​ന തു​റ​മു​ഖ​ങ്ങ​ൾ വി​ക​സി​പ്പി​ക്കാ​നു​ള്ള പ​ദ്ധ​തി ഉ​ട​ൻ പൂ​ർ​ത്തി​യാ​കു​മെ​ന്ന് ന​ഗ​ര​സ​ഭ പ​രി​സ്ഥി​തി മ​ന്ത്രാ​ല​യം. അ​ൽ വ​ക്റ, അ​ൽ​ഖോ​ർ, റു​വൈ​സ്​ മ​ത്സ്യ​ബ​ന്ധ​ന തു​റ​മു​ഖ​ങ്ങ​ളു​ടെ വി​ക​സ​ന​വും അ​ൽ ദ​ഖീ​റ​യി​ലെ ഫി​ഷി​ങ്​ ഹാ​ർ​ബ​ർ നി​ർ​മാ​ണ​വും ഉ​ൾ​പ്പെ​ടെ​യാ​ണ്​ വി​ക​സ​ന പ​ദ്ധ​തി​ക​ൾ.

അ​ടു​ത്ത മൂ​ന്നു മാ​സ​ങ്ങ​ൾ​ക്കു​ള്ളി​ൽ പ്ര​വ​ർ​ത്ത​നം ആ​രം​ഭി​ക്കു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്നും മ​ത്സ്യ​ബ​ന്ധ​ന ക​പ്പ​ലു​ക​ൾ​ക്കും ബോ​ട്ടു​ക​ൾ​ക്കും ന​ങ്കൂ​ര​മി​ടാ​നു​ള്ള സൗ​ക​ര്യ​വും ഇ​തോ​ടൊ​പ്പം പ്ര​വ​ർ​ത്ത​ന സ​ജ്ജ​മാ​കു​മെ​ന്നും ന​ഗ​ര​സ​ഭ പ​രി​സ്ഥി​തി മ​ന്ത്രാ​ല​യം വെ​ബ്സൈ​റ്റി​ലൂ​ടെ വ്യ​ക്ത​മാ​ക്കി. പ​ദ്ധ​തി പൂ​ർ​ത്തി​യാ​കു​ന്ന​തോ​ടെ രാ​ജ്യ​ത്തെ മ​ത്സ്യ​ബ​ന്ധ​ന മേ​ഖ​ല​യു​െ​ട​യും മ​ത്സ്യ​ബ​ന്ധ​ന ക​പ്പ​ലു​ക​ളു​ടെ​യും ബോ​ട്ടു​ക​ളു​ടെ​യും ഉ​ൽ​പാ​ദ​ന ക്ഷ​മ​ത വ​ർ​ധി​പ്പി​ക്കാ​നും രാ​ജ്യ​ത്തിെൻറ മ​ത്സ്യ ഉ​ൽ​പ​ന്ന​ങ്ങ​ളു​ടെ ഗു​ണ​മേ​ന്മ നി​ല​നി​ർ​ത്താ​നും സാ​ധി​ക്കു​മെ​ന്ന് ഫി​ഷ​റീ​സ്​ വ​കു​പ്പ് മേ​ധാ​വി അ​ബ്​​ദു​ൽ​അ​സീ​സ്​ മു​ഹ​മ്മ​ദ് അ​ൽ ദി​ഹൈ​മി പ​റ​ഞ്ഞു. മ​ത്സ്യ​ബ​ന്ധ​ന തു​റ​മു​ഖ​ങ്ങ​ൾ, സൗ​ക​ര്യ​ങ്ങ​ൾ, സേ​വ​ന​ങ്ങ​ൾ എ​ന്നി​വ മ​ത്സ്യ​ബ​ന്ധ​ന ജീ​വ​ന​ക്കാ​ർ​ക്ക് ഏ​റെ പ്ര​ധാ​ന​പ്പെ​ട്ട​താ​ണെ​ന്നും അ​ബ്​​ദു​ൽ അ​സീ​സ്​ മു​ഹ​മ്മ​ദ് അ​ൽ ദി​ഹൈ​മി കൂ​ട്ടി​ച്ചേ​ർ​ത്തു.

ദീ​ർ​ഘ​കാ​ല​മാ​യി തു​ട​രു​ന്ന മ​ത്സ്യ​ബ​ന്ധ​ന തു​റ​മു​ഖ​ങ്ങ​ളു​ടെ വി​ക​സ​ന പ്ര​വ​ർ​ത്ത​ന​ങ്ങ​ൾ പൂ​ർ​ത്തി​യാ​യെ​ന്നും അ​ൽ​ഖോ​ർ, അ​ൽ​വ​ക്റ, ദ​ഖീ​റ മ​ത്സ്യ​ബ​ന്ധ​ന തു​റ​മു​ഖ​ങ്ങ​ൾ എ​ന്നി​വ​യു​ടെ നി​ർ​മാ​ണ പ്ര​വ​ർ​ത്ത​ന​ങ്ങ​ൾ നൂ​റു​ശ​ത​മാ​നം പൂ​ർ​ത്തി​യാ​യ​താ​യും അ​ദ്ദേ​ഹം വ്യ​ക്ത​മാ​ക്കി. റു​വൈ​സ്​ തു​റ​മു​ഖ വി​ക​സ​ന പ്ര​വ​ർ​ത്ത​നം 95 ശ​ത​മാ​നം പൂ​ർ​ത്തി​യാ​യ​താ​യും അ​ദ്ദേ​ഹം സൂ​ചി​പ്പി​ച്ചു. ദേ​ശീ​യ വി​ക​സ​ന ത​ന്ത്ര​പ്ര​ധാ​ന പ​ദ്ധ​തി 2018-22ലെ ​ഏ​റ്റ​വും പ്ര​ധാ​ന​പ്പെ​ട്ട പ​ദ്ധ​തി​ക​ളി​ലൊ​ന്നാ​ണ് രാ​ജ്യ​ത്തെ മ​ത്സ്യ​ബ​ന്ധ​ന തു​റ​മു​ഖ​ങ്ങ​ളു​ടെ വി​ക​സ​ന പ​ദ്ധ​തി​ക​ളെ​ന്നും 2019 തു​ട​ക്ക​ത്തി​ൽ വി​ക​സ​ന പ്ര​വ​ർ​ത്ത​ന​ങ്ങ​ൾ​ക്ക് തു​ട​ക്കം കു​റി​ച്ച​താ​യും അ​ദ്ദേ​ഹം പ​റ​ഞ്ഞു. ​

േഫ്ലാ​ട്ടി​ങ്​ ബെ​ർ​ത്തു​ക​ളു​ടെ നി​ർ​മാ​ണം തു​റ​മു​ഖ​ങ്ങ​ളി​ലെ ക​പ്പ​ലു​ക​ളു​ടെ​യും ബോ​ട്ടു​ക​ളു​ടെ​യും തി​ര​ക്ക് കു​റ​ക്കു​ന്ന​തി​ൽ വ​ലി​യ പ​ങ്കു വ​ഹി​ക്കും. അ​ത്യാ​ധു​നി​ക സാ​ങ്കേ​തി​ക​വി​ദ്യ​ക​ളോ​ടെ​യു​ള്ള മു​ന്ന​റി​യി​പ്പ് സം​വി​ധാ​നം, അ​ഗ്നി​ശ​മ​ന സം​വി​ധാ​നം, നി​രീ​ക്ഷ​ണ കാ​മ​റ​ക​ൾ, ബോ​ട്ട് ലാ​ൻ​ഡി​ങ്​ സ്ലി​പ്പു​ക​ൾ, പെേ​ട്രാ​ൾ സ്​​റ്റേ​ഷ​നു​ക​ൾ, അ​ഡ്മി​ൻ ഓ​ഫി​സു​ക​ൾ എ​ന്നി​വ​യും വി​ക​സ​ന പ​ദ്ധ​തി​ക​ളി​ൽ ഉ​ൾ​പ്പെ​ടും. ദ​ഖീ​റ​യി​ൽ ബോ​ട്ടു​ക​ൾ​ക്കാ​യി 69 പാ​ർ​ക്കി​ങ്​ പോ​യ​ൻ​റു​ക​ളും ക​പ്പ​ലു​ക​ൾ​ക്കാ​യി മൂ​ന്നു കേ​ന്ദ്ര​ങ്ങ​ളും നി​ർ​മി​ച്ചി​ട്ടു​ണ്ട്.

ക​പ്പ​ലു​ക​ൾ​ക്കും ബോ​ട്ടു​ക​ൾ​ക്കു​മാ​യി അ​ൽ​ഖോ​ർ തു​റ​മു​ഖ​ത്ത് 208 പാ​ർ​ക്കി​ങ്​ കേ​ന്ദ്ര​ങ്ങ​ളും വ​ക്റ​യി​ൽ 368 കേ​ന്ദ്ര​ങ്ങ​ളും റു​വൈ​സ്​ തു​റ​മു​ഖ​ത്ത് 233 കേ​ന്ദ്ര​ങ്ങ​ളു​മാ​ണ് നി​ർ​മി​ച്ചി​രി​ക്കു​ന്ന​ത്.