സീ​ലൈ​ൻ നാ​ചു​റ​ൽ റി​സ​ർ​വി​ൽ മ​ത്സ്യ​ക്കു​ഞ്ഞു​ങ്ങ​ളെ തു​റ​ന്നു​വി​ട്ടു

ദോ​ഹ: ഭാ​വി ത​ല​മു​റ​ക​ൾ​ക്കാ​യി പ്ര​കൃ​തി​വി​ഭ​വ​ങ്ങ​ളു​ടെ സം​ര​ക്ഷ​ണം ഉ​റ​പ്പാ​ക്കു​ത്ത​തി​നും സ​മു​ദ്ര ജൈ​വ​വൈ​വി​ധ്യം സം​ര​ക്ഷി​ക്കു​ന്ന​തി​ന്റെ​യും ഭാ​ഗ​മാ​യി പ​രി​സ്ഥി​തി കാ​ലാ​വ​സ്ഥ​വ്യ​തി​യാ​ന മ​ന്ത്രാ​ല​യം രാ​ജ്യ​ത്തി​ന്റെ തെ​ക്ക​ൻ മേ​ഖ​ല​യി​ലെ സീ​ലൈ​ൻ നാ​ചു​റ​ൽ റി​സ​ർ​വി​ൽ ക​ട​ലി​ലേ​ക്ക് മ​ത്സ്യ​ക്കു​ഞ്ഞു​ങ്ങ​ളെ തു​റ​ന്നു​വി​ട്ടു.

പ​രി​സ്ഥി​തി മ​ന്ത്രാ​ല​യ​ത്തി​നു കീ​ഴി​ലു​ള്ള നാ​ചു​റ​ൽ റി​സ​ർ​വ് ഡി​പ്പാ​ർ​ട്മെ​ന്റി​ന്റെ​യും മ​റൈ​ൻ പ്രൊ​ട്ട​ക്ഷ​ൻ ഡി​പ്പാ​ർ​ട്മെ​ന്റി​ന്റെ​യും പ​ങ്കാ​ളി​ത്ത​ത്തോ​ടെ മു​നി​സി​പ്പാ​ലി​റ്റി മ​ന്ത്രാ​ല​യ​ത്തി​ന് കീ​ഴി​ലു​ള്ള അ​ക്വാ​ട്ടി​ക് റി​സ​ർ​ച് സെ​ന്റ​റു​മാ​യി സ​ഹ​ക​രി​ച്ചാ​ണ് പ​രി​പാ​ടി ന​ട​ത്തി​യ​ത്.പ​രി​സ്ഥി​തി സു​സ്ഥി​ര​ത​ക്കാ​യു​ള്ള ഖ​ത്ത​ർ നാ​ഷ​ന​ൽ വി​ഷ​നു​മാ​യി യോ​ജി​ച്ച് രാ​ജ്യ​ത്തെ സ​മു​ദ്ര ആ​വാ​സ​വ്യ​വ​സ്ഥ​യെ സം​ര​ക്ഷി​ക്കു​ന്ന​തി​നും ജൈ​വ​വൈ​വി​ധ്യം വ​ർ​ധി​പ്പി​ക്കു​ന്ന​തി​നു​മു​ള്ള മ​ന്ത്രാ​ല​യ​ത്തി​ന്റെ വി​ശാ​ല​മാ​യ ന​യ​ങ്ങ​ളു​ടെ ഭാ​ഗ​മാ​ണി​ത് ന​ട​പ്പാ​ക്കി​യ​ത്.

പ്രാ​ദേ​ശി​ക മ​ത്സ്യ​സ​മ്പ​ത്ത് വ​ർ​ധി​പ്പി​ക്കു​ന്ന​തി​നു​ള്ള ശ്ര​മ​ങ്ങ​ളു​ടെ ഭാ​ഗ​മാ​യാ​ണ് മ​ത്സ്യ​ങ്ങ​ളെ തു​റ​ന്നു​വി​ട്ട​ത്. ഇ​തു ദേ​ശീ​യ ഭ​ക്ഷ്യ​സു​ര​ക്ഷ​ക്ക് വ​ലി​യ സം​ഭാ​വ​ന ന​ൽ​കു​ന്നു. അ​ക്വാ​ട്ടി​ക് റി​സ​ർ​ച് സെ​ന്റ​ർ ന​ട​ത്തി​യ ശാ​സ്ത്രീ​യ പ​ഠ​ന​ത്തെ അ​ടി​സ്ഥാ​ന​മാ​ക്കി​യാ​ണ് മ​ത്സ്യ​ങ്ങ​ളെ തെ​ര​ഞ്ഞെ​ടു​ത്ത​തും തു​റ​ന്നു​വി​ടു​ന്ന സ​മ​യ​വും തീ​രു​മാ​നി​ച്ച​ത്. സം​ര​ക്ഷ​ണ കേ​ന്ദ്ര​ത്തി​ന്റെ പ​രി​സ്ഥി​തി​ക്ക് അ​നു​സൃ​ത​മാ​യി, മ​ത്സ്യ​ക്കു​ഞ്ഞു​ങ്ങ​ളു​ടെ വ​ള​ർ​ച്ച​ക്കും പു​ന​രു​ൽ​പാ​ദ​ന​ത്തി​നും അ​നു​യോ​ജ്യ​മാ​യ മ​ത്സ്യ​ങ്ങ​ളെ​യാ​ണ് പു​റ​ത്തു​വി​ട്ട​ത്.

ആ​വാ​സ​വ്യ​വ​സ്ഥ​യെ സം​ര​ക്ഷി​ക്കു​ക​യും പു​ന​ര​ധി​വ​സി​പ്പി​ക്കു​ക​യും ചെ​യ്യു​ക, തീ​ര​ദേ​ശ-​സ​മു​ദ്ര മേ​ഖ​ല​ക​ളി​ൽ മ​നു​ഷ്യ​ന്റെ ക​ട​ന്നു​ക​യ​റ്റം കു​റ​ക്കു​ക തു​ട​ങ്ങി കൃ​ത്യ​മാ​യ സ​മു​ദ്ര സം​ര​ക്ഷ​ണ ന​യം മ​ന്ത്രാ​ല​യം പി​ന്തു​ട​രു​ന്നു​ണ്ട്.

ഖ​ത്ത​റി​ലെ പ്ര​ധാ​ന പ്ര​കൃ​തി സം​ര​ക്ഷ​ണ കേ​ന്ദ്ര​ങ്ങ​ളി​ലൊ​ന്നാ​യ സീ​ലൈ​ൻ റി​സ​ർ​വ് സ​മ്പ​ന്ന​മാ​യ ജൈ​വ​വൈ​വി​ധ്യ​ത്തി​നും സ​വി​ശേ​ഷ​മാ​യ പാ​രി​സ്ഥി​തി​ക ചു​റ്റു​പാ​ടു​ക​ൾ​ക്കും പേ​രു​കേ​ട്ട ഇ​ട​മാ​ണ്.