Begin typing your search above and press return to search.
exit_to_app
exit_to_app
Homechevron_rightGulfchevron_rightQatarchevron_rightധനമന്ത്രിയെ നീക്കി;...

ധനമന്ത്രിയെ നീക്കി; വാണിജ്യ വ്യവസായ മ​ന്ത്രിക്ക്​ ചുമതല

text_fields
bookmark_border
ധനമന്ത്രിയെ നീക്കി; വാണിജ്യ വ്യവസായ മ​ന്ത്രിക്ക്​ ചുമതല
cancel

ദോഹ: അറസ്​റ്റ്​ വാറൻറ്​​ നേരിടുന്ന സാമ്പത്തികകാര്യ മന്ത്രി അലി ശരീഫ്​ അൽ ഇമാദിയെ പദവിയിൽനിന്ന്​ നീക്കി. അമീർ ശൈഖ്​ തമീം ബിൻ ഹമദ്​ ആൽഥാനിയുടെ 2021ലെ ഒന്നാം നമ്പർ അമീരി ഉത്തരവ്​ പ്രകാരമാണിത്​. വാണിജ്യ വ്യവസായ മന്ത്രി അലി ബിൻ അഹ്​മദ്​ അൽ ക​ുവാരിക്കാണ്​ പുതിയ ചുമതല നൽകിയിരിക്കുന്നത്​. ഔദ്യോഗിക ഗെസറ്റിൽ പ്രസിദ്ധീകരിക്കുന്നതോടെ ഇത്​ നിലവിൽ വരും.

അലി ശരീഫ് അല്‍ ഇമാദിക്കെതിരെ കഴിഞ്ഞദിവസമാണ്​ അറ്റോണി ജനറല്‍ അറസ്​റ്റ്​ വാറൻറ്​ പുറപ്പെടുവിച്ചത്​. പൊതുസ്വത്ത് ദുരുപയോഗം, അധികാര ദുര്‍വിനിയോഗം, മന്ത്രിയുടെ ഓഫിസ് ദുരുപയോഗം ചെയ്യൽ തുടങ്ങിയ കുറ്റങ്ങളുടെ അടിസ്ഥാനത്തിലാണ് നടപടി.

പൊതുമേഖലയുമായി ബന്ധപ്പെട്ട കുറ്റകൃത്യങ്ങൾ സംബന്ധിച്ച രേഖകളും റിപ്പോർട്ടുകളും അവലോകനം ചെയ്ത ശേഷമാണ് തീരുമാനം. 2013 മുതല്‍ ധനമന്ത്രിയുടെ ചുമതല വഹിക്കുന്നത് അല്‍ ഇമാദിയാണ്.

Show Full Article
TAGS:Finance Minister 
News Summary - Finance Minister removed; Minister in charge of Commerce and Industry
Next Story