Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightQatarchevron_rightഭാഗ്യവാനേ... എല്ലാ...

ഭാഗ്യവാനേ... എല്ലാ കളിയും കാണാൻ 'സൂപ്പർ ബംപർ' പ്രഖ്യാപിച്ച്​ ലോകകപ്പ്​ സംഘാടകർ

text_fields
bookmark_border
ഭാഗ്യവാനേ... എല്ലാ കളിയും കാണാൻ സൂപ്പർ ബംപർ പ്രഖ്യാപിച്ച്​ ലോകകപ്പ്​ സംഘാടകർ
cancel

ദോഹ: ലോകകപ്പ്​ ടിക്കറ്റിനായി കാത്തിരിക്കുന്ന ആരാധകരിലെ ഭാഗ്യവാന്​​ സൂപ്പർ ബംപർ പ്രഖ്യാപിച്ച്​ സുപ്രീം കമ്മിറ്റി ഫോർ ഡെലിവറി ആൻറ്​ ലെഗസി. ലോകകപ്പിലെ 64 മത്സരങ്ങളും കാണാനും വി.ഐ.പി പരിവേഷത്തോടെ സ്​റ്റേഡിയങ്ങളിൽ നിന്ന്​ സ്​റ്റേഡിയങ്ങളിലേക്ക്​ സഞ്ചരിക്കാനമുള്ള സൂപ്പർ ബംപറാണ്​ പ്രഖ്യാപിച്ചിരിക്കുന്നത്​.

സുപ്രീം കമ്മിറ്റി വെബ്​സൈറ്റിൽ അപേക്ഷിക്കുകയാണ്​ ആദ്യ നടപടി. നിർദേശിക്കുന്ന യോഗ്യതയുള്ളവരിൽ നിന്നും തെരഞ്ഞെടുക്കുന്നവനെയാണ്​ ഓണം ബംപറിനേക്കാൾ വിലപ്പെട്ട ഭാഗ്യം കാത്തിരിക്കുന്നത്​.

'എവരി ബ്യൂട്ടിഫുൾ ഗെയിം' എന്ന തലക്കെട്ടിൽ പ്രഖ്യാപിച്ച മത്സരത്തിലൂടെയാണ്​ പങ്കാളിയാവാൻ അവസരം ഒരുക്കുന്നത്​. സുപ്രീം കമ്മിറ്റിയുടെ വെബ്​സൈറ്റിലെ അപേക്ഷ പൂരിപ്പിച്ചു നൽകി, 20 മുതൽ 60 സെക്കൻഡ്​ വരെയുള്ള ആമുഖ വീഡിയോയും അയച്ച്​ 21 വയസ്സ്​പൂർത്തിയായ ആർക്കും മത്സരത്തിൽ പ​ങ്കെടുക്കാം.

ആരോഗ്യ ഫിറ്റ്​നസ്​ തെളിയിക്കണം. സാമൂഹിക മാധ്യമ മികവ്​, കാമറ കൈകാര്യം ചെയ്യാനുള്ള മികവ്​, ഇംഗ്ലീഷ ഭാഷാ പ്രാവീണ്യം എന്നിവയുണ്ടായിരിക്കണം.

നിശ്​ചിത മാനദണ്ഡങ്ങളുള്ളവരിൽ നിന്നും നറുക്കെടുപ്പിലൂടെ വിജയിയെ കണ്ടെത്തും. ഇയാൾക്ക്​ ഖത്തറിലേക്കുള്ള വിമാന ടിക്കറ്റ്​, ഹോട്ടൽ താമസം, ഭക്ഷണം, യാത്രാ, എല്ലാ മത്സരങ്ങൾക്കുമുള്ള ടിക്കറ്റ്​ എന്നിവ സൗജന്യമാണ്​. ഒപ്പം, സുപ്രീം കമ്മിറ്റിയുടെ പ്രതിനിധി സ്​റ്റേഡിയങ്ങളിലേക്ക്​ നയിക്കാനുമുണ്ടാവും.

https://www.qatar2022.qa/en/every-beautiful-game-competition എന്ന ലിങ്ക്​ വഴി താൽപര്യമുള്ളവർക്ക്​ മത്സരത്തിൽ പ​ങ്കെടുക്കാം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:FIFAFIFA World Cup
News Summary - FIFA World Cup announced Beautiful Game Competition to watch every game
Next Story