ഫി​ഫ അ​ണ്ട​ർ 17 ലോ​ക​ക​പ്പ്, അ​റ​ബ് ക​പ്പ്; വ​ള​ന്റി​യ​റാ​കാ​ൻ സ​ന്ന​ദ്ധ​രാ​യി 25,000 അ​പേ​ക്ഷ​ക​ർ

ദോ​ഹ: ഖ​ത്ത​റി​ൽ ഈ ​വ​ർ​ഷം ന​വം​ബ‌​ർ, ഡി​സം​ബ​ർ മാ​സ​ങ്ങ​ളി​ലാ​യി ന​ട​ക്കു​ന്ന ഫി​ഫ ടൂ​ർ​ണ​മെ​ന്റു​ക​ൾ​ക്കാ​യു​ള്ള വ​ള​ന്റി​യ​ർ പ​ദ്ധ​തി​യി​ൽ ഇ​തു​വ​രെ ര​ജി​സ്റ്റ​ർ ചെ​യ്ത​ത് 25,000ൽ ​അ​ധി​കം അ​പേ​ക്ഷ​ക​ർ. ര​​ണ്ടു മാ​​സ​​ങ്ങ​​ളി​​ലാ​​യി ന​​ട​​ക്കു​​ന്ന ഫി​​ഫ അ​ണ്ട​ർ 17 ലോ​ക​ക​പ്പ്, ഫി​ഫ അ​റ​ബ് ക​പ്പ് എ​ന്നി​വ​ക്കാ​യി മേ​യി​ലാ​ണ് ര​ജി​സ്ട്രേ​ഷ​ൻ ആ​രം​ഭി​ച്ച​ത്. 20ൽ ​അ​ധി​കം വി​​ഭാ​​ഗ​​ങ്ങ​​ളി​​ലാ​​യി 4000ഓ​​ളം വ​​ള​​ന്റി​​യ​​ർ​​മാ​​ർ​​ക്കാ​​ണ് അ​​വ​​സ​​രം ല​ഭി​ക്കു​ക.

ഖ​ത്ത​റി​ൽ താ​മ​സി​ക്കു​ന്ന 126 രാ​ജ്യ​ങ്ങ​ളി​ൽ​നി​ന്നു​ള്ള​വ​രാ​ണ് വ​ള​ന്റി​യ​ർ അ​പേ​ക്ഷ​ക​രു​ടെ പ​ട്ടി​ക​യി​ലു​ള്ള​ത്. ഇ​തി​ൽ 18 മു​ത​ൽ 76 വ​യ​സ്സു​വ​രെ പ്രാ​യ​മു​ള്ള ആ​ളു​ക​ളു​ണ്ട്. സ​ന്ന​ദ്ധ​രാ​യ 25,000ൽ ​അ​ധി​കം പേ​രു​ടെ അ​പേ​ക്ഷ​ക​ൾ ഇ​തി​നോ​ട​കം വ​ള​ന്റി​യ​ർ പ​ദ്ധ​തി​ക്കാ​യി ല​ഭി​ച്ചു​ക​ഴി​ഞ്ഞു. അ​ഭി​മു​ഖ​ങ്ങ​ൾ പൂ​ർ​ത്തി​യാ​യി​ക്ക​ഴി​ഞ്ഞാ​ൽ, തെ​ര​ഞ്ഞെ​ടു​ത്ത വ​ള​ന്റി​യ​ർ​മാ​ർ​ക്ക് ആ​​ഗ​സ്റ്റ് മു​ത​ൽ ചു​മ​ത​ല​ക​ൾ സം​ബ​ന്ധി​ച്ച ഓ​ഫ​ർ ല​ഭി​ക്കും. റി​ക്രൂ​ട്ട്‌​മെ​ന്റ് പ്ര​ക്രി​യ പൂ​ർ​ത്തി​യാ​കു​ന്ന​തോ​ടെ 20 വ്യ​ത്യ​സ്ത പ്ര​വ​ർ​ത്ത​ന മേ​ഖ​ല​ക​ളി​ലാ​യി ആ​കെ 4000 വ​ള​ന്റി​യ​ർ​മാ​രെ നി​യ​മി​ക്കും. വ​​ള​​ന്റി​​യ​​ര്‍മാ​​ര്‍ക്ക് ഒ​​ഫി​​ഷ്യ​​ല്‍ യൂ​​നി​​ഫോം, സേ​​വ​​ന സ​​മ​​യ​​ത്ത് ഭ​​ക്ഷ​​ണം, സൗ​​ജ​​ന്യ യാ​​ത്ര, ടൂ​​ര്‍ണ​​മെ​​ന്റി​​ന്റെ ലി​​മി​​റ്റ​​ഡ് എ​​ഡി​​ഷ​​ന്‍ ഗി​​ഫ്റ്റു​​ക​​ള്‍ എ​​ന്നി​​വ​യും ല​​ഭി​​ക്കും.

ന​​വം​​ബ​​ർ മൂ​​ന്നു മു​​ത​​ൽ 27 വ​​രെ​​യാ​​ണ് അ​​ണ്ട​​ർ 17 ലോ​​ക​​ക​​പ്പ് ഖ​ത്ത​റി​ൽ ന​ട​ക്കു​ക. ആ​സ്പ​യ​ർ സോ​ൺ സ​മു​ച്ച​യ​ത്തി​ലാ​ണ് ഫൈ​ന​ൽ ഒ​ഴി​കെ​യു​ള്ള എ​ല്ലാ മ​ത്സ​ര​ങ്ങ​ളും അ​ര​ങ്ങേ​റു​ക. അ​ണ്ട​ർ 17 ലോ​ക​ക​പ്പി​ന്റെ ഫൈ​ന​ലി​ന് ഖ​ലീ​ഫ ഇ​ന്റ​ർ​നാ​ഷ​ന​ൽ സ്റ്റേ​ഡി​യ​മാ​ണ് വേ​ദി.ച​രി​ത്ര​ത്തി​ൽ ആ​ദ്യ​മാ​യി 48 ടീ​മു​ക​ൾ പ​ങ്കെ​ടു​ക്കു​ന്നു എ​ന്ന പ്ര​ത്യേ​ക​ത​യു​മു​ണ്ട്. 25 ദി​വ​സ​ത്തി​നു​ള്ളി​ൽ 104 മ​ത്സ​ര​ങ്ങ​ൾ അ​ട​ങ്ങി​യ ടൂ​ർ​ണ​മെ​ന്റി​ൽ കൗ​മാ​ര താ​ര​ങ്ങ​ളു​ടെ ഉ​ശി​ര​ൻ പോ​രാ​ട്ട​ത്തി​നാ​വും സാ​ക്ഷ്യം വ​ഹി​ക്കു​ന്ന​ത്. 2029 വ​രെ ഖ​ത്ത​റാ​ണ് അ​ണ്ട​ർ 17 ലോ​ക​ക​പ്പി​ന് ആ​തി​ഥേ​യ​ത്വം​വ​ഹി​ക്കു​ക. ഫി​ഫ അ​റ​ബ് ക​പ്പ് 2025 ഡി​സം​ബ​ർ ഒ​ന്നു മു​ത​ൽ 18 വ​രെ ഖ​ത്ത​റി​ലെ ആ​റു പ്ര​ധാ​ന വേ​ദി​ക​ളി​ലാ​യി ന​ട​ക്കും. 16 അ​റ​ബ് ടീ​മു​ക​ളാ​ണ് ടൂ​ർ​ണ​മെ​ന്റി​ൽ മാ​റ്റു​ര​ക്കു​ന്ന​ത്. ഈ ​വ​ർ​ഷ​ത്തി​നു പു​റ​മെ, 2029ലും 2033​ലും ഖ​ത്ത​ർ ത​ന്നെ​യാ​ണ് അ​റ​ബ് ക​പ്പി​ന് വേ​ദി​യൊ​രു​ക്കു​ക.