ഫിഫ റാങ്ക്​: ഖത്തറിന്​ ചരിത്ര നേട്ടം

ദോഹ: കോൺകകാഫ്​ ഫുട്​ബാളിലെ മിന്നും പ്രകടനവുമായി ഖത്തർ ദേശീയ ടീം ഫിഫ റാങ്കിങ്ങിൽ മികച്ച മുന്നേറ്റം സ്വന്തമാക്കി. 16 സ്​ഥാനം കയറി, ലോക റാങ്കിങ്ങിൽ 42ലെത്തി. റഷ്യക്ക്​ തൊട്ടുപിന്നിലായാണ്​ സ്​ഥാനം. അമേരിക്കയിൽ നടന്ന കോൺകകാഫ്​ ചാമ്പ്യൻഷിപ്പിൽ സെമി ഫൈനലിൽ പ്രവേശിച്ച പ്രകടനമാണ്​ ഖത്തറിന്​ ഗുണമായത്​.

ടീമിൻെറ ചരിത്രത്തിലെ ഏറ്റവും മികച്ച സ്​ഥാനം കൂടിയാണിത്​. റാങ്കിങ്ങിൽ 58ാം സ്​ഥാനക്കാരായാണ്​ ഖത്തർ ​കോൺകകാഫിന്​ പുറപ്പെട്ടത്​. സെമിവരെ തോൽവി അറിയാതെ മുന്നേറിയവർ, അവസാന​ം അമേരിക്കക്ക്​ മുന്നിൽ വീണെങ്കിലും റാങ്കിങ്ങിൽ ഏറ്റവും മികച്ച നേട്ടം കൊയ്​തു. 1993ൽ 51ലെത്തിയതായിരുന്നു ഇതിന്​ മുമ്പത്തെ മികച്ച റാങ്ക്​.