ഫിഫ അറബ് കപ്പ്: മാച്ച് ഒഫിഷ്യലുകൾ ആയി
text_fieldsദോഹ: 2022 ലോകകപ്പിെൻറ വിളംബരമായി ഖത്തർ വേദിയൊരുക്കുന്ന ഫിഫ അറബ് കപ്പ് ചാമ്പ്യൻഷിപ്പിനുള്ള മാച്ച് ഒഫിഷ്യലുകളെ ഫിഫ പ്രഖ്യാപിച്ചു. 12 റഫറിമാർ, 24 അസിസ്റ്റൻറ് റഫറിമാർ, 16 വിഡിയോ മാച്ച് ഒഫിഷ്യൽ എന്നിവർ ഉൾപ്പെടെ 52 ഒഫിഷ്യലുകളെയാണ് പ്രഖ്യാപിച്ചത്. ആറ് കോൺഫെഡറേഷൻ പരിധിയിൽനിന്നുള്ള 27 രാജ്യക്കാർ പട്ടികയിൽ ഉണ്ട്. നവംബർ 30ന് കിക്കോഫ് കുറിച്ച് ഡിസംബർ 18 വരെ നീളുന്ന അറബ് കപ്പ് ചാമ്പ്യൻഷിപ്പിൻെറ മത്സരങ്ങൾ ഇവരാവും നിയന്ത്രിക്കുക. മത്സരങ്ങളുടെ നടത്തിപ്പും ചുമതലയുമെല്ലാം ഈ സംഘത്തിലായിരിക്കും.
വിഡിയോ അസിസ്റ്റൻറ് റഫറീയിങ് (വാർ) സംവിധാനവും അറബ് കപ്പിൽ അനുവദിക്കും. കഴിഞ്ഞ റഷ്യ ലോകകപ്പോടെ വിശ്വമേളയിലേക്ക് അരങ്ങേറിയ വാർ 2022 ഖത്തർ ലോകകപ്പിലും ഉൾപ്പെടുത്താൻ ഇതിനകം ഫിഫ തീരുമാനിച്ചിട്ടുണ്ട്. അതിന് മുന്നോടിയായാണ് അറബ് കപ്പിലും 'വാർ' നടപ്പാക്കാൻ തീരുമാനിച്ചത്. കളിക്കിടയിലെ ഓഫ്സൈഡ്, ഫൗൾ തുടങ്ങിയവ സംബന്ധിച്ച് വിഡിയോ അസിസ്റ്റൻറിൻെറ സഹായത്തോടെ റഫറിക്ക് അന്തിമ തീരുമാനം എടുക്കാവുന്ന സംവിധാനമാണ് 'വാർ'. ഗ്രൗണ്ടിൻെറ വിവിധ ഭാഗങ്ങളിലായി സ്ഥാപിക്കുന്ന കാമറകൾ വഴിയുള്ള ദൃശ്യവും വിഡിയോ മാച്ച് ഒഫിഷ്യലിൻെറ സഹായത്തോടെ അപഗ്രഥിച്ച് റഫറിക്ക് തീരുമാനം എടുക്കാൻ കഴിയും.
ഇറാനിൽനിന്നുള്ള അലി റിസ ഫഗാനി, ജപ്പാെൻറ യുജി സാട്ടോ എന്നിവരാണ് ഏഷ്യൻ കോൺഫെഡറേഷനിൽനിന്നുള്ള റഫറിമാർ. വിഡിയോ മാച്ച് ഒഫിഷ്യൽ അബ്ദുല്ല അൽ മറി മാത്രമാണ് പട്ടികയിൽ ഇടംപിടിച്ച ഏക ഖത്തരി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.