Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightQatarchevron_rightഫിഫ അറബ്​ കപ്പ്​:...

ഫിഫ അറബ്​ കപ്പ്​: സെമിയിൽ ഖത്തർ വീണു; അൽജീരിയ x തുനീഷ്യ ഫൈനൽ

text_fields
bookmark_border
fifa arab cup 161221
cancel

ദോഹ: ലോകകപ്പിനൊരുങ്ങുന്ന സ്വന്തം മുറ്റത്ത്​ കിരീടത്തോടെ അണിഞ്ഞൊരുങ്ങാമെന്ന ഖത്തറിൻെറ സ്വപ്​നങ്ങൾക്ക്​ സെമി ഫൈനലിൽ അൽജീരിയയുടെ പൂട്ട്​. ഫിഫ അറബ്​ കപ്പിലെ ആതിഥേയരുടെ സ്വപ്​നങ്ങൾ അൽ തുമാമ സ്​റ്റേഡിയത്തിലെ പച്ചപ്പുൽ മൈതാനിയിൽ തച്ചുടച്ച്​ (2-1) അൽജീരിയ ഫിഫ അറബ്​ കപ്പ്​ ഫൈനലിൽ. അടിമുടി നാടകീയമായമായിരുന്നു സെമി​ൈഫനൽ. 59ാം മിനിറ്റിലെ ഗോളുമായി അൽജീരിയയു​െട ലീഡ്​. ഒമ്പതു മിനിറ്റ്​ പ്രഖ്യാപിച്ച ഇഞ്ചുറി ടൈമിൻെറ എട്ടാം മിനിറ്റിൽ ഖത്തറിൻെറ സമനില ഗോൾ. എക്​സ്​ട്രാടൈമിലേക്ക്​ സമയം തള്ളിനീക്കുന്നതിനിടെ 18 മിനിറ്റ്​ നീണ്ട ഇഞ്ചുറി ടൈമിൻെറ സായാഹ്​നത്തിൽ പെനാൽറ്റിയിലൂടെ അൽജീരിയൻ വിജയം. ഒടുവിൽ ആരവങ്ങളുമായി ഗാലറി നിറഞ്ഞ ആതിഥേയ കാണികളെ കണ്ണീരണിയിച്ച്​ ഖത്തറിൻെറ പുറത്താകൽ.

തോൽവിയറിയാതെ കുതിച്ച ഖത്തറിനു മേൽ പൂർണാധിപത്യംപുലർത്തികൊണ്ടായിരുന്നു കിക്കോഫ്​ വിസിൽ മുതൽ അൽജീരിയൻ പോരാട്ടം. ഗോൾരഹിതമായിരുന്നു ഒന്നാം പകുതിയെങ്കിലും അൽജീരിയക്കാർ മികച്ച ഒരുപിടി അവസരങ്ങൾ തീർത്ത്​ മേധാവിത്വം സ്​ഥാപിച്ചു.

കളിയുടെ 59ാം മിനിറ്റിൽ ജമിൽ ബെൻലാമ്രിയുടെ ഉശിരൻ ഗോളിലൂടെ മുന്നിലെത്തിയ അൽജീരിയയുടെ ബൂട്ടിലായി കളി. ഗോൾവഴങ്ങിയ ശേഷം ലോങ്​ ​േ​ക്രാസുകളി​ലൂടെ തിരിച്ചുവരവിന്​ ശ്രമിച്ച ഖത്തറിന്​ പക്ഷേ, കാര്യങ്ങളൊന്നും മനസ്സിൽകണ്ടപോലെയായില്ല. ഒടുവിൽ ഒമ്പത്​ മിനിറ്റ്​ പ്രഖ്യാപിച്ച ഇഞ്ചുറി​ടൈമിൻെറ എട്ടാം മിനിറ്റിൽ മുഹമ്മദ്​ മുൻതാരി സമനില സമ്മാനിച്ചു. ബോക്​സിനുള്ളിലെ മിന്നുന്ന ഹെഡ്​ഡറിലുടെ വലകുലുങ്ങിയതോടെ ഗാലറി അ​ണപൊട്ടി. കളി എക്​സ്ട്രാടൈമിലേക്ക്​ ഉറപ്പിച്ച സമയങ്ങൾ. പക്ഷേ, പരിക്കും, വാഗ്വാദങ്ങളും നിറഞ്ഞതോടെ ഇഞ്ചുറി ടൈം നീണ്ടു. ഇത്​ ആതിഥേയർക്കും തിരിച്ചടിയായി. ഒടുവിൽ 17ാം മിനിറ്റിൽ ലഭിച്ച പെനാൽറ്റി കിക്കായി അൽജീരിയയുടെ തുരുപ്പുശീട്ട്​. യുസുഫ്​ ബിലൈലിയുടെ ഷോട്ട്​ ഖത്തർ ഗോളി സാദ്​ അൽ ഷീബ്​ തടഞ്ഞെങ്കിലും, റീബൗണ്ട്​ കിക്ക്​ ബിലൈലി തന്നെ വലയിലാക്കി ടീമിന്​ വിജയം സമ്മാനിച്ചു.

അൽ തുമാമയിൽ ഖത്തറിൻെറയും, നിറഞ്ഞു കവിഞ്ഞ ഗാലറിയുടെ കണ്ണീരിനുംമേൽ, അൽജീരിയയുടെ വിജയാഘോഷം.

ഡിസംബർ 18ന്​ അൽ ബെയ്​ത്​ സ്​റ്റേഡിയത്തിൽ നടക്കുന്ന കലാശപ്പോരാട്ടത്തിൽ അൽജീരിയ തുനീഷ്യയെ നേരിടും. ബുധനാഴ്​ച നടന്ന ആദ്യ സെമിയിൽ പ്രബലരായ ഈജിപ്​തിനെ മറുപടിയില്ലാത്ത ഒരു ഗോളിന്​ വീഴ്​ത്തിയാണ്​ തുനീഷ്യ ഫൈനലിൽ ഇടം പിടിച്ചത്​.

മൂന്നാം സ്​ഥാനക്കാർക്കുവേണ്ടിയുള്ള ലൂസേഴ്​സ്​ ഫൈനലിൽ 18ന്​ ഉച്ച ഒരു മണിക്ക്​ ഖത്തറും ഈജിപ്​തും തമ്മിൽ ഏറ്റുമുട്ടും. സ്​റ്റേഡിയം 974ലാണ്​ ഈ മത്സരം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:fifa arab cupFIFA Arab Cup 2021
News Summary - fifa arab cup
Next Story