ഫ​ല​സ്തീ​നി​ക​ളെ പ​​ങ്കെ​ടു​പ്പി​ച്ച് ഫെ​ൻ​സി​ങ് ഫെ​സ്റ്റി​വ​ൽ

ദോ​ഹ: ഗ​സ്സ​യി​ൽ​നി​ന്നു​ള്ള ഫ​ല​സ്തീ​നി​ക​ളെ പ​​ങ്കെ​ടു​പ്പി​ച്ച് ഖ​ത്ത​ർ ഒ​ളി​മ്പി​ക് ക​മ്മി​റ്റി സാ​മൂ​ഹി​ക വി​ക​സ​ന കു​ടും​ബ മ​ന്ത്രാ​ല​യ​ത്തി​ന്റെ​യും ഖ​ത്ത​ർ ഫെ​ൻ​സി​ങ് ഫെ​ഡ​റേ​ഷ​ന്റെ​യും സ​ഹ​ക​ര​ണ​ത്തോ​ടെ ഫെ​ൻ​സി​ങ് ഫെ​സ്റ്റി​വ​ൽ സം​ഘ​ടി​പ്പി​ച്ചു.

ക്യു.​എ​ഫ്.​എ​ഫ് പ​രി​ശീ​ല​ന ഹാ​ളി​ൽ ന​ട​ന്ന പ​രി​പാ​ടി​യി​ൽ 20 ഫ​ല​സ്തീ​നി​ക​ൾ പ​​ങ്കെ​ടു​ത്തു. യു​ദ്ധ​ത്തി​ന്റെ​യും ഇ​സ്രാ​യേ​ൽ അ​ധി​നി​വേ​ശ​ത്തി​ന്റെ​യും പ​ശ്ചാ​ത്ത​ല​ത്തി​ൽ കാ​യി​ക പ്ര​വ​ർ​ത്ത​ന​ങ്ങ​ൾ അ​സാ​ധ്യ​മാ​യ ഫ​ല​സ്തീ​ൻ ജ​ന​ത​യോ​ടു​ള്ള ഐ​ക്യ​ദാ​ർ​ഢ്യ​മാ​യാ​ണ് ‘എ​ല്ലാ​വ​ർ​ക്കും സ്​​പോ​ർ​ട്സ്’ ത​ല​ക്കെ​ട്ടി​ൽ ഫെ​സ്റ്റി​വ​ൽ സം​ഘ​ടി​പ്പി​ച്ച​ത്.

സ​മാ​ധാ​നം പ്രോ​ത്സാ​ഹി​പ്പി​ക്കു​ന്ന​തി​ലും സ​ഹി​ഷ്ണു​ത​യും പ​ര​സ്പ​ര ബ​ഹു​മാ​ന​വും ഉ​റ​പ്പാ​ക്കു​ന്ന​തി​ലും സ്​​പോ​ർ​ട്സ് വ​ലി​യ സ്വാ​ധീ​നം ചെ​ലു​ത്തു​ന്ന​താ​യി ഇ​വ​ൻ​റ്​ ഡ​യ​റ​ക്ട​ർ അ​ബ്ദു​ല്ല ഈ​സ അ​ൽ ഹ​റ​മി പ​റ​ഞ്ഞു. യു​ദ്ധ​ത്തി​ൽ പ​രി​ക്കേ​റ്റും മാ​താ​പി​താ​ക്ക​ൾ​ക്കൊ​പ്പ​വു​മെ​ത്തി​യ ഫ​ല​സ്തീ​നി കു​ട്ടി​ക​ൾ​ക്കാ​യി ‘ജ​ന​റേ​ഷ​ൻ അ​മേ​സി​ങ്’ ത​ല​ക്കെ​ട്ടി​ൽ മ​ക്ത​ബ സ​മ്മ​ർ ക്യാ​മ്പ് ന​ട​ത്തു​ന്നു​ണ്ട്.

ര​ണ്ട് ഘ​ട്ട​മാ​യാ​ണ് ക്യാ​മ്പ് ന​ട​ത്തു​ക. നാ​ല് മു​ത​ൽ എ​ട്ടു​വ​യ​സ്സ് വ​രെ​യു​ള്ള കു​ട്ടി​ക​ൾ​ക്കാ​യി ന​ട​ത്തു​ന്ന ആ​ദ്യ ക്യാ​മ്പ് ആ​രം​ഭി​ച്ച് ക​ഴി​ഞ്ഞു. ജൂ​ലൈ 25ന് ​സ​മാ​പി​ക്കും. ഒ​മ്പ​ത് മു​ത​ൽ 16 വ​രെ പ്രാ​യ​മു​ള്ള​വ​ർ​ക്കാ​യി ആ​ഗ​സ്റ്റ് നാ​ലു​മു​ത​ൽ 22 വ​രെ​യാ​ണ് ര​ണ്ടാ​മ​ത്തെ ക്യാ​മ്പ്.