‘ഫ​ത്ഹു​ൽ ഖൈ​ർ’ ക​ട​ൽ യാ​ത്ര​ക്ക് ഇ​ന്ന് തു​ട​ക്കം

ദോ​ഹ: ക​താ​റ പാ​യ്ക്ക​പ്പ​ൽ മേ​ള​യോ​ട​നു​ബ​ന്ധി​ച്ച് (ദൗ ​ഫെ​സ്റ്റി​വ​ൽ) ക​താ​റ ക​ൾ​ച​റ​ൽ വി​ല്ലേ​ജ് ഫൗ​ണ്ടേ​ഷ​ൻ അ​വ​ത​രി​പ്പി​ക്കു​ന്ന ഫ​ത്ഹു​ൽ ഖൈ​ർ യാ​ത്ര​യു​ടെ ആ​റാം പ​തി​പ്പി​ന് വെ​ള്ളി​യാ​ഴ്ച തു​ട​ക്കം കു​റി​ക്കും.

പാ​യ്ക്ക​പ്പ​ൽ മേ​ള​യു​ടെ തെ​ക്ക​ൻ വേ​ദി​യി​ൽ​നി​ന്ന് ആ​രം​ഭി​ക്കു​ന്ന യാ​ത്ര​യി​ൽ ക​ഴി​ഞ്ഞ കാ​ല​ത്തെ ച​രി​ത്ര​പ​ര​മാ​യ സ​മു​ദ്ര​വ്യാ​പാ​ര യാ​ത്ര​ക​ളെ ചി​ത്രീ​ക​രി​ക്കു​ന്ന പ്ര​ത്യേ​ക ഓ​പ​റ​റ്റ​യും അ​വ​ത​രി​പ്പി​ക്കും. മാ​സ​ങ്ങ​ൾ നീ​ണ്ട സ​മു​ദ്ര​യാ​ത്ര​യി​ൽ പ​രി​മി​ത​മാ​യ ആ​ശ​യ​വി​നി​മ​യ​വും തി​രി​ച്ചു​വ​ര​വി​ന്റെ അ​നി​ശ്ചി​ത​ത്വ​വും കാ​ര​ണം കു​ടും​ബ​ങ്ങ​ളോ​ടു​ള്ള വൈ​കാ​രി​ക​മാ​യ വി​ട​പ​റ​ച്ചി​ലു​ക​ളും ഓ​പ​റ​റ്റ​യി​ൽ അ​ട​യാ​ള​പ്പെ​ടു​ത്തും. സ​മു​ദ്ര​വും ഖ​ത്ത​രി, ഗ​ൾ​ഫ് സ​മൂ​ഹ​ങ്ങ​ളു​ടെ വ്യ​ക്തി​ത്വ​വും ത​മ്മി​ലു​ള്ള ദൃ​ഢ​ബ​ന്ധ​ത്തെ പ്ര​ക​ട​മാ​ക്കു​ന്ന പാ​യ്ക്ക​പ്പ​ൽ മേ​ള​യി​ലേ​ക്ക് തു​ട​ക്കം മു​ത​ൽ വ​ൻ ജ​ന​ക്കൂ​ട്ട​മാ​ണ് എ​ത്തു​ന്ന​ത്. ഖ​ത്ത​റി​ന്റെ സ​മ്പ​ന്ന​മാ​യ സാം​സ്‌​കാ​രി​ക, ക​ലാ പൈ​തൃ​ക ആ​ഘോ​ഷ​ത്തി​ന് കൂ​ടി​യാ​ണ് മേ​ള വേ​ദി​യാ​കു​ന്ന​ത്.

യാ​ത്ര​ക്കാ​ർ​ക്കും അ​വ​രു​ടെ പ്രി​യ​പ്പെ​ട്ട​വ​ർ​ക്കു​മി​ട​യി​ലെ നീ​ണ്ട കാ​ത്തി​രി​പ്പ് കാ​ല​ത്തെ വൈ​കാ​രി​ക സ​ന്ദ​ർ​ഭ​ങ്ങ​ൾ ഓ​പ​റ​റ്റ ചി​ത്രീ​ക​രി​ക്കും.

ശ​നി​യാ​ഴ്ച​യോ​ടെ ദൗ ​ഫെ​സ്റ്റി​വ​ലി​ന് തി​ര​ശ്ശീ​ല വീ​ഴു​മ്പോ​ൾ നി​ര​വ​ധി ക​ലാ, സാം​സ്‌​കാ​രി​ക പ്ര​ക​ട​ന​ങ്ങ​ളും പ​രി​പാ​ടി​ക​ളു​മാ​ണ് സം​ഘാ​ട​ക​ർ ആ​സൂ​ത്ര​ണം ചെ​യ്തി​രി​ക്കു​ന്ന​ത്. മേ​ള​യോ​ട​നു​ബ​ന്ധി​ച്ച് ന​ട​ക്കു​ന്ന ക​ളേ​ഴ്‌​സ് ഓ​ൺ സെ​യി​ൽ​സ് ആ​ക്ടി​വി​റ്റി​യി​ൽ വി​വി​ധ രാ​ജ്യ​ങ്ങ​ളി​ൽ നി​ന്നു​ള്ള ച​രി​ത്ര​കാ​ര​ന്മാ​രാ​ണ് പ​ങ്കെ​ടു​ക്കു​ന്ന​ത്. നേ​രി​ട്ട് പാ​യ്ക്ക​പ്പ​ലു​ക​ളെ കാ​ൻ​വാ​സു​ക​ളി​ലാ​ക്കു​ന്ന ഇ​വ​ർ, പ്രേ​ക്ഷ​ക​ർ​ക്കു​മു​ന്നി​ൽ ത​ത്സ​മ​യം പെ​യി​ന്റ് ചെ​യ്യു​ക​യും സ​ജീ​വ​മാ​യി മേ​ള​യി​ൽ ഇ​ട​പ​ഴ​കു​ക​യും ചെ​യ്യു​ന്നു​ണ്ട്.

പ്ര​ദേ​ശ​ത്തി​ന്റെ സ്വ​ത്വ​ത്തി​ന്റെ കേ​ന്ദ്ര​ബി​ന്ദു​ക്ക​ളി​ലൊ​ന്നാ​യ മ​സു​ദ്ര പൈ​തൃ​കം ആ​ഘോ​ഷി​ക്കു​ന്ന ദൗ ​ഫെ​സ്റ്റി​വ​ൽ, ഗ​ൾ​ഫി​നെ​യും പു​റം​ലോ​ക​ത്തെ​യും നി​ർ​വ​ചി​ക്കു​ന്ന അ​തു​ല്യ​മാ​യ സ​മു​ദ്ര​ക​ല​ക​ളും പാ​ര​മ്പ​ര്യ​ങ്ങ​ളും അ​നു​ഭ​വി​ക്കാ​ൻ സ​ന്ദ​ർ​ശ​ക​ർ​ക്ക് അ​വ​സ​രം ന​ൽ​കു​ക​യും ചെ​യ്യു​ന്നു.