വേ​ഗ​പ്പോ​രെ​ത്തും മു​മ്പേ ‘ദി ​റേ​സ് ഈ​സ് ഓ​ൺ' പ്ര​ദ​ർ​ശ​നം

ദോ​ഹ: വേ​ഗ​പ്പോ​രാ​ട്ട​ങ്ങ​ളു​ടെ ഉ​ത്സ​വ​മാ​യ​ ഫോ​ർ​മു​ല വ​ൺ ചാ​മ്പ്യ​ൻ​ഷി​പ്പു​ക​ൾ​ക്ക് ഖ​ത്ത​ർ ഒ​രു​ങ്ങ​വെ വേ​ഗ​പ്പോ​രി​ന്റെ ച​രി​ത്രം പ​റ​യു​ന്ന പ്ര​ദ​ർ​ശ​ന​വു​മാ​യി ഖ​ത്ത​ർ ഒ​ളി​മ്പി​ക്സ് ആ​ൻ​ഡ് സ്​​പോ​ർ​ട്സ് മ്യൂ​സി​യ​ത്തി​ൽ ‘ദി ​റേ​സ് ഈ​സ് ഓ​ൺ’ വ​രു​ന്നു. ന​വം​ബ​ർ ആ​റി​ന് പൊ​തു​ജ​ന​ങ്ങ​ൾ​ക്കാ​യി തു​റ​ന്നു കൊ​ടു​ക്കു​ന്ന പ്ര​ദ​ർ​ശ​നം 2025 ഏ​പ്രി​ൽ ഒ​ന്ന് വ​രെ മ്യൂ​സി​യ​ത്തി​ലെ ഇ-8 ​എ​ക്‌​സി​ബി​ഷ​ൻ ഗാ​ല​റി​യി​ൽ തു​ട​രും.

ഫോ​ർ​മു​ല വ​ൺ റാ​ലി​യു​ടെ ച​രി​ത്ര​ത്തോ​ടൊ​പ്പം ഖ​ത്ത​റി​ന്റെ ഫോ​ർ​മു​ല വ​ൺ യാ​ത്ര​യും പ്ര​ദ​ർ​ശ​ന​ത്തി​ൽ ഉ​ൾ​പ്പെ​ടു​ത്തും. 1975ൽ ​ഖ​ത്ത​റി​ൽ ന​ട​ന്ന ആ​ദ്യ​ത്തെ ഖ​ത്ത​ർ മോ​ട്ടോ​ർ റാ​ലി മു​ത​ൽ ലു​സൈ​ൽ ഇ​ന്റ​ർ​നാ​ഷ​ന​ൽ സ​ർ​ക്യൂ​ട്ടി​ൽ ക​ഴി​ഞ്ഞ വ​ർ​ഷം ന​ട​ന്ന ഫോ​ർ​മു​ല വ​ൺ ഖ​ത്ത​ർ ഗ്രാ​ൻ​ഡ് പ്രി​ക്‌​സ് വ​രെ സ​ന്ദ​ർ​ശ​ക​ർ​ക്ക് ഒ​രു കു​ട​ക്കീ​ഴി​ൽ നേ​രി​ട്ട​റി​യാ​നു​ള്ള അ​വ​സ​ര​വും പ്ര​ദ​ർ​ശ​നം വാ​ഗ്ദാ​നം ന​ൽ​കും.

ക​ഴി​ഞ്ഞ ഒ​രു ദ​ശ​ക​ത്തി​ൽ സാം​സ്‌​കാ​രി​ക​വും കാ​യി​ക​വു​മാ​യ നി​ര​വ​ധി അ​ന്താ​രാ​ഷ്ട്ര ചാ​മ്പ്യ​ൻ​ഷി​പ്പു​ക​ൾ​ക്ക് ആ​തി​ഥ്യം വ​ഹി​ച്ച ഖ​ത്ത​ർ ഇ​പ്പോ​ൾ ഫോ​ർ​മു​ല വ​ൺ മ​ത്സ​ര​ങ്ങ​ളു​ടെ ആ​സ്ഥാ​ന​മാ​യി മാ​റി​യ​താ​യി ഒ​ളി​മ്പി​ക് സ്‌​പോ​ർ​ട്‌​സ് മ്യൂ​സി​യം പ്ര​സി​ഡ​ന്റ് ശൈ​ഖ് മു​ഹ​മ്മദ് അ​ബ്ദു​ല്ല ആ​ൽ​ഥാ​നി പ​റ​ഞ്ഞു.

ഫോ​ർ​മു​ല വ​ൺ, റാ​ലി ചാ​മ്പ്യ​ന്മാ​രു​ടെ റേ​സി​ങ് സ്യൂ​ട്ടു​ക​ൾ, ട്രോ​ഫി​ക​ൾ, മു​ൻ റേ​സു​ക​ളി​ൽ ഉ​പ​യോ​ഗി​ച്ച ട​യ​റു​ക​ൾ, വാ​ഹ​ന​ങ്ങ​ൾ, ലു​സൈ​ൽ സ​ർ​ക്യൂ​ട്ടി​ന്റെ മാ​തൃ​ക, ഹെ​ൽ​മ​റ്റു​ക​ൾ തു​ട​ങ്ങി​യ​വ പ്ര​ദ​ർ​ശി​പ്പി​ക്കും.

1970ക​ളി​ലെ ആ​ദ്യ റാ​ലി മ​ത്സ​ര​ങ്ങ​ൾ മു​ത​ൽ ഇ​ന്ന​ത്തെ ഹൈ-​ഒ​ക്ടേ​ൻ ഫോ​ർ​മു​ല വ​ൺ ചാ​മ്പ്യ​ൻ​ഷി​പ്പു​ക​ൾ വ​രെ​യു​ള്ള നി​മി​ഷ​ങ്ങ​ളെ ബ​ന്ധി​പ്പി​ക്കു​ന്ന മോ​ട്ടോ​ർ സ്‌​പോ​ർ​ട്‌​സി​ന്റെ ഒ​രു ടൈം​ലൈ​നും സ​ന്ദ​ർ​ശ​ക​ർ​ക്കാ​യി പ്ര​ദ​ർ​ശ​ന​ത്തി​ൽ ഉ​ൾ​പ്പെ​ടു​ത്തും. സി​ൽ​വ​ര്‍‌​സ്റ്റോ​ൺ മ്യൂ​സി​യ​ത്തി​ന് പു​റ​മേ, ഖ​ത്ത​ർ ഓ​ട്ടോ മ്യൂ​സി​യം, സ്‌​റ്റോ​ർ 974, അ​ൽ ഹ​സ്ം, സീ​ഷോ​ർ ഗ്രൂ​പ് എ​ന്നി​വ​യും പ്ര​ദ​ർ​ശ​ന​ത്തി​ന് പി​ന്തു​ണ ന​ൽ​കു​ന്നു.