യാത്രയയപ്പ് നൽകി

ദോഹ: ഖത്തറിലെ ദീർഘകാല പ്രവാസിയും ഖത്തർ ഇന്ത്യൻ ഇസ്‌ലാഹി സെന്റർ പ്രവർത്തകനുമായ അബ്ദുൽ കരീം നന്തിക്ക് ഇസ്‌ലാഹി സെന്റർ യാത്രയയപ്പ് നൽകി. മദീന ഖലീഫയിൽ നടന്ന യൂനിറ്റ്, മേഖല ഭാരവാഹികളുടെ യോഗത്തിൽ ഉപദേശകസമിതി അംഗം അബ്ദുള്ളക്കുട്ടി അരീക്കോട് ഉപഹാരം സമർപ്പിച്ചു.

ഇസ്‌ലാഹി സെന്റർ പ്രസിഡന്റ് കെ.എൻ. സുലൈമാൻ മദനി അധ്യക്ഷത വഹിച്ചു. ജനറൽ സെക്രട്ടറി റഷീദ് അലി, ട്രഷറർ ഷമീം, ഭാരവാഹികളായ അശ്ഹദ് ഫൈസി, ഡോ. അബ്ദുൽ അസീസ്, ഷമീർ വലിയവീട്ടിൽ, മുജീബ് മദനി, അലി ചാലിക്കര, അസ്‌ലം മാഹി എന്നിവർ സംസാരിച്ചു.