എം.ടി. യൂസുഫിന് യാത്രയയപ്പ്

ദോഹ: 30 വർഷത്തെ ഖത്തർ പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന എം.ടി. യൂസുഫ് ശാന്തപുരത്തിന് സി.ഐ.സി ബിൻ മഹ്മൂദ് യൂനിറ്റ് യാത്രയയപ്പ് നൽകി. ഇന്ത്യൻ ഇസ്ലാമിക് അസോസിയേഷൻ ഷാരെ ഖലീജ്, സി.ഐ.സി ബിൻ മഹ്മൂദ് ഘടകങ്ങളുടെ നേതൃനിരയിൽ പ്രവർത്തിച്ചിരുന്ന എം.ടി. യൂസുഫ് ശാന്തപുരം സ്വദേശിയാണ്. 28 വർഷമായി പെട്രോ ടെക് കമ്പനിയിൽ പി.ആർ.ഒ ആയിരുന്നു.

ബിൻ മഹ്മൂദിൽ ചേർന്ന യാത്രയയപ്പ് യോഗത്തിൽ യൂനിറ്റ് പ്രസിഡൻറ് മുഹമ്മദ് സലിം അധ്യക്ഷത വഹിച്ചു. പി.സി. മൂസ, ഹൈദരലി, അലവിക്കുട്ടി, സി.വി. ഇസ്മാഈൽ, അബ്ദുന്നാസർ, റഷീദ്, ഫാറൂഖ്, നിസാർ, ശിഹാബ് എന്നിവർ സംസാരിച്ചു. എം.ടി. യൂസുഫ് മറുപടി പ്രസംഗം നിർവഹിച്ചു.