Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightQatarchevron_rightകേരളം കുടുംബസമേതം...

കേരളം കുടുംബസമേതം ഖത്തറിൽ

text_fields
bookmark_border
കേരളം കുടുംബസമേതം ഖത്തറിൽ
cancel

ദോഹ: അൽപം അതിശയോക്​തിയോടെ തന്നെ പറയാം. കേരളം ഇപ്പോൾ കുടുംബസമേതം ഖത്തറിലാണ്​. പ്രവാസികൾ മാതാപിതാക്കളെ മാത്രമല്ല വല്ല്യുമ്മമാരെയും വല്ല്യുപ്പമാരെയുമടക്കമാണ്​ ​ പ്രവാസമണ്ണിൽ എത്തിച്ചിരിക്കുന്നത്​. ഇന്ത്യക്കാർക്ക്​ ഇവിടേക്ക്​ വിസാരഹിതയാത്ര നടത്താമെന്ന ഖത്തർ സർക്കാറി​​​​െൻറ ഇളവിനെ രണ്ടും കൈയും നീട്ടി സ്വീകരിച്ചിരിക്കുകയാണ്​ മലയാളി. നാട്ടിൽ ഇപ്പോൾ മധ്യവേനൽ അവധിക്കാലമാണ്​. പള്ളിക്കൂടങ്ങളൊക്കെ അടച്ചു. അപ്പോൾ പിന്നെ എല്ലാവർക്കുമായി ഒരു വിനോദയാത്ര നടത്തുന്ന ശീലമുണ്ട്​ പലർക്കും.

പലരും ഖത്തറിലെ സുഹൃത്തുക്കളെ വിളിച്ചുകാര്യങ്ങൾ ഏർപ്പാടാക്കി. അങ്ങിനെ ഇത്തവണത്തെ യാത്ര ഖത്തറിലേക്കാക്കിയവരുമുണ്ട്​. ഖത്തറിലെ നിരത്തുകളിലും മാളുകളിലും പാർക്കുകളിലുമൊക്കെ മാതാപിതാക്കളുമായി കറങ്ങുന്ന മലയാളികൾ ഇപ്പോൾ സ്​ഥിരം കാഴ്​ചയാണ്​. എല്ലാ കാലത്തും ഖത്തറിൽ വർകിട പരിപാടികളും പ്രദർശനങ്ങളുമൊക്കെ നടക്കുന്നതിനാൽ നാട്ടിൽ നിന്നെത്തുന്നവർക്ക്​ നിരാശപ്പെടേണ്ടി വരുന്നുമില്ല. 
ഖത്തറിലെ അവധി ക്രമീകരിച്ച്​ നാടുപിടിക്കുകയായിരുന്നു പ്രവാസികളുടെ പതിവ്​. ഇപ്പോൾ സംഗതി നേരേ തിരിച്ചായി. അവിടുന്നി​േങ്ങാട്ടായി യാത്ര. ഒരേ ഗ്രാമങ്ങളിലുള്ളവർ സംഘമായി ഖത്തറിലേക്ക്​ യാത്ര നടത്തുന്നുമുണ്ട്​. പുന്നയൂർകുളം പഞ്ചായത്തിലെ കടിക്കാട്ടിയിൽ കുടുംബത്തിലുള്ള 30ഒാളം പേരാണ്​ കഴിഞ്ഞ ദിവസം ദോഹയിൽ എത്തിയത്​. അതും ഒറ്റവിമാനത്തിൽ.

തെക്കേപാട്ടയിൽ കുടുംബത്തിലെ നിരവധി പേരും ഇങ്ങ​െന എത്തി. ഹൗസ്​ ഡ്രൈവർമാർക്ക്​ മു​െമ്പാക്കെ കുടുംബത്തെ കൊണ്ടുവരിക എന്നത്​ സ്വപ്​നം മാത്രമായിരുന്നു. അവരുടെ സ്വപ്​നവും പൂവണിയുകയാണ്​. നിരവധി ഹൗസ്​ഡ്രൈവർമാർ കുടുംബങ്ങളെ ഇങ്ങനെ എത്തിച്ചിട്ടുണ്ട്​. ടുകളിൽതൊഴിലെടുക്കുന്ന മലയാളി സ്​ത്രീകൾക്ക്​ അവരുടെ മക്കളെ കൊണ്ടുവരാൻ തൊഴിൽ ഉടമകൾ സമ്മതിക്കുന്നതിനാൽ അവർക്കും ഇൗഅവസരം ഉപയോഗിക്കാനാകുന്നുണ്ട്​. മുമ്പ്​ ഖത്തർ വിസിറ്റിങ്​ വിസക്ക്​ 600 റിയാലോളം (10,000ലധികം രൂപ) ചെലവുണ്ടായിരുന്നു. എന്നാൽ ഇന്ത്യക്കാർക്ക്​ വിസയില്ലാതെ ഖത്തറിലേക്ക്​ യാത്ര ചെയ്യാമെന്നായതോടെ ഇൗയിനത്തിൽ പണച്ചെലവില്ലാതായി. ഇത്തരം വിസയിൽ (ഒാൺ അറൈവൽ വിസ) ഒരു മാസം ഖത്തറിൽ തങ്ങാം. പിന്നീട്​ ഒരു മാസം വരെ പുതുക്കുകയും ചെയ്യാം. താമസവും ഭക്ഷണവും ഖത്തറിലെ സുഹൃത്തുക്കളും ബന്ധുക്കളുമൊക്കെ നോക്കുമെന്നുകൂടി ആയപ്പോൾ, എല്ലാവരും ടിക്കറ്റുമെടുത്ത്​ വിമാനമേറി നേരെ ഖത്തറിലേക്ക്​...

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Gulf Newsmalayalam news
News Summary - Family Tour- Qatar Gulf News
Next Story