ഖത്തരി സുഗന്ധദ്രവ്യങ്ങളുടെ കയറ്റുമതി: ഖത്തർ എയർവേയ്സും ക്യു.ഡി.ബിയും കൈകോർക്കുന്നു
text_fieldsദോഹ: ഖത്തറിൽ ഉൽപാദിപ്പിക്കപ്പെടുന്ന സുഗന്ധ വസ്തുക്കളുടെ കയറ്റുമതി ലക്ഷ്യമിട്ടുള്ള സംരംഭത്തിന് ഖത്തർ എയർവേയ്സും ഖത്തർ ഡെവലപ്മെൻറ് ബാങ്കും തുടക്കം കുറിച്ചു.
ഖത്തരി സുഗന്ധ ഉൽപാദകർക്കും നിർമാതാക്കൾക്കും അന്താരാഷ്ട്ര വിപണികളിൽ ഉൽപന്നങ്ങൾ എത്തിക്കാൻ യഥാർഥ നിരക്കിനേക്കാൾ കുറഞ്ഞതുകയാണ് വാഗ്ദാനം ചെയ്യുന്നതെന്ന് ഖത്തർ എയർ എയർവേയ്സ് വ്യക്തമാക്കി.
പുതിയ സംരംഭത്തിലൂടെ ഖത്തർ എയർവേയ്സ് അംഗീകൃത കൊറിയർ കമ്പനികൾ വഴി ഖത്തരി സുഗന്ധ ഉൽപാദകർക്ക് തങ്ങളുടെ ഉൽപന്നങ്ങൾ കുറഞ്ഞ നിരക്കിൽ അന്താരാഷ്ട്ര വിപണികളിലെത്തിക്കാനും വ്യാപാരം വികസിപ്പിക്കാനും സാധിക്കും.
പ്രാദേശിക കയറ്റുമതിക്കാർക്ക് പിന്തുണ നൽകുന്നതിലും രാജ്യത്തിെൻറ സാമ്പത്തിക വൈവിധ്യവത്കരണത്തെ സഹായിക്കുന്നതിലും സന്തോഷമുണ്ടെന്ന് ഖത്തർ എയർവേയ്സ് കാർഗോ ചീഫ് ഗ്വിലോം ഹാലിയെക്സ് പറഞ്ഞു. ലോകത്തിലെ മുൻനിര കാർഗോ കാരിയറെന്ന നിലയിൽ അന്താരാഷ്ട്ര വിപണികളിൽ ഖത്തരി ഉൽപന്നങ്ങൾ എത്തിക്കുന്നതിന് ഖത്തർ എയർവേയ്സ് പ്രതിജ്്ഞാബദ്ധരാണെന്നും അദ്ദേഹം വ്യക്തമാക്കി.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.