ഖത്തറിലെ എക്​സിറ്റ്​ പെർമിറ്റ്​ ഇന്ന്​ മുതൽ ഇല്ലാതാകുന്നു

ദോഹ: രാജ്യത്തെ പ്രവാസികൾക്ക്​ ഏറെ ആശ്വാസകരമായ ​എക്​സിറ്റ്​ പെർമിറ്റ്​ റദ്ദാക്കൽ ഞായറാഴ്​ച മുതൽ പ്രാബല്യത് തിലാകുന്നു. ഇതോടെ രാജ്യത്തെ ബഹുഭൂരിപക്ഷം തൊഴിലാളികൾക്കും സ്​പോൺസറുടെ അനുമതിയില്ലാ​തെ നാട്ടിലേക്ക്​ യാത്ര ചെയ്യാനാകും. തൊഴിൽ നിയമത്തിലെ പുതിയ വ്യവസ്ഥകൾ പ്രകാരം ഒാരോ സ്ഥാപനത്തിനും അഞ്ച്​ ശതമാനം ജീവനക്കാരെ മാത്രമേ എക്​സിറ്റ്​ ആവശ്യമുള്ളവരുടെ ഗണത്തിൽ ഉൾപ്പെടുത്താനാകൂ. ഇൗ അഞ്ച്​ ശതമാനം പേരെ പൂർണമായും സ്ഥാപനത്തിന്​ തീരുമാനിക്കാനാകും. കമ്പനികളുടെയും സ്ഥാപനങ്ങളുടെയും പ്രവർത്തനം സുഗമമാക്കുന്നതിനാണ്​ അഞ്ച്​ ശതമാനം പേരെ എക്​സിറ്റ്​ പട്ടികയിൽ നിലനിർത്താൻ സ്ഥാപനങ്ങൾക്ക്​ അനുമതി നൽകിയത്​. അതേസമയം, എക്​സിറ്റ്​ പെർമിറ്റ്​ ഒഴിവാക്കൽ സർക്കാർ^ അർധ സർക്കാർ ജീവനക്കാർ, വീട്ടുജോലിക്കാർ എന്നിവർക്ക്​ ബാധകമല്ല.
എക്​സിറ്റ്​ പെർമിറ്റ്​ ആവശ്യമുള്ള ജീവനക്കാരുടെ വിവരങ്ങൾ കമ്പനികളും തൊഴിലുടമകളും ഇലക്​ട്രോണിക്കലി അയക്കണമെന്ന്​ അഡ്​മിനിസ്​ട്രേറ്റീവ്​ ഡെവലപ്​മ​​െൻറ്​, തൊഴിൽ, സാമൂഹിക കാര്യ മന്ത്രാലയം തങ്ങളുടെ ഫേസ്​ബുക്ക്​ അക്കൗണ്ട്​ വഴി അറിയിച്ചു. ഇതിന്​ ​പ്രത്യേക പ്ലാറ്റ്​ഫോം മന്ത്രാലയം ഒരുക്കിയിട്ടുണ്ട്​.
2018 സെപ്​റ്റംബർ ആദ്യവാരം അമീർ ശൈഖ്​ തമീം ബിൻ ഹമദ്​ ആൽഥാനിയാണ്​ എക്​സിറ്റ്​ പെർമിറ്റ്​ ഒഴിവാക്കൽ പ്രഖ്യാപിച്ചത്​. ഇൗ തീരുമാനത്തിന്​ ലോകതലത്തിൽ വലിയ സ്വീകാര്യതയാണ്​ ലഭിച്ചത്​.