ഭി​ന്ന​ശേ​ഷി​ക്കാ​ർ​ക്കും വ​യോ​ധി​ക​ർ​ക്കും സ​ർ​ക്കാ​ർ ഫീ​സു​ക​ളി​ൽ ഇ​ള​വ്

ദോ​ഹ: ഭി​ന്ന​ശേ​ഷി​ക്കാ​രും, വി​ര​മി​ച്ച​വ​രും, മു​തി​ർ​ന്ന പൗ​ര​ന്മാ​രും ഉ​ൾ​പ്പെ​ടെ​യു​ള്ള​വ​ർ​ക്ക് സ​ർ​ക്കാ​ർ സ​ർ​വി​സു​ക​ളി​ൽ ഫീ​സ് ഇ​ള​വു​ക​ൾ. സാ​​ങ്കേ​തി​ക സ​മി​തി​യു​ടെ റി​പ്പോ​ർ​ട്ടി​ന് ക​ഴി​ഞ്ഞ ദി​വ​സം ചേ​ർ​ന്ന മ​ന്ത്രി​സ​ഭ അ​നു​മ​തി ന​ൽ​കി​യ​തി​നു പി​ന്നാ​ലെ വി​വി​ധ മ​ന്ത്രാ​ല​യ​ങ്ങ​ളി​ലെ ഫീ​സ് ഇ​ള​വ് സം​ബ​ന്ധി​ച്ച് കൗ​ൺ​സി​ൽ ഓ​ഫ് മി​നി​സ്റ്റേ​ഴ്സ് സെ​ക്ര​ട്ടേ​റി​യ​റ്റ് ജ​ന​റ​ൽ അ​റി​യി​പ്പ് പു​റ​ത്തി​റ​ക്കി. ആ​ഭ്യ​ന്ത​ര മ​ന്ത്രാ​ല​യ​ത്തി​നു കീ​ഴി​ലെ റ​സി​ഡ​ന്റ്സ് പെ​ർ​മി​റ്റ്, ട്രാ​ഫി​ക് വി​ഭാ​ഗം സം​ബ​ന്ധി​ച്ച ഫീ​സു​ക​ൾ ഉ​ൾ​പ്പെ​ടെ ഇ​ള​വു​ക​ൾ ന​ൽ​കാ​നാ​ണ് തീ​രു​മാ​നം.

ഭി​ന്ന​ശേ​ഷി​ക്കാ​ർ, സാ​മൂ​ഹി​ക സു​ര​ക്ഷ ഗു​ണ​ഭോ​ക്താ​ക്ക​ൾ, സ​ർ​വി​സു​ക​ളി​ൽ​നി​ന്നും വി​ര​മി​ച്ച​വ​ർ, മു​തി​ർ​ന്ന പൗ​ര​ന്മാ​ർ എ​ന്നി​വ​ർ സ​ർ​ക്കാ​ർ ഫീ​സു​ക​ളി​ൽ ഇ​ള​വു​ക​ൾ​ക്ക് അ​ർ​ഹ​രാ​കും.

വി​വി​ധ മ​ന്ത്രാ​ല​യ​ങ്ങ​ൾ​ക്കു കീ​ഴി​ലെ സേ​വ​ന​ങ്ങ​ളു​ടെ ഫീ​സ് ഇ​ള​വ് സം​ബ​ന്ധി​ച്ച് ക​ഴി​ഞ്ഞ ദി​വ​സം സെ​ക്ര​ട്ടേ​റി​യ​റ്റ് ജ​ന​റ​ൽ വ്യ​ക്ത​മാ​ക്കി.

ആ​ഭ്യ​ന്ത​ര മ​ന്ത്രാ​ല​യ​ത്തി​നു കീ​ഴി​ൽ റ​സി​ഡ​ൻ​സി പെ​ർ​മി​റ്റ്, ട്രാ​ഫി​ക് വി​ഭാ​ഗം സം​ബ​ന്ധി​ച്ച ആ​വ​ശ്യ​ങ്ങ​ൾ​ക്ക് ഈ ​വി​ഭാ​ഗ​ങ്ങ​ൾ​ക്ക് ഫീ​സ് ഇ​ള​വ് ന​ൽ​കും. വി​ദേ​ശ​കാ​ര്യ മ​ന്ത്രാ​ല​യം, മു​നി​സി​പ്പാ​ലി​റ്റി മ​ന്ത്രാ​ല​യം, ആ​രോ​ഗ്യ മ​ന്ത്രാ​ല​യം, നീ​തി​ന്യാ​യം, വാ​ണി​ജ്യ-​വ്യ​വ​സാ​യ മ​ന്ത്രാ​ല​യം എ​ന്നി​വ​യു​ടെ തി​ര​ഞ്ഞെ​ടു​ത്ത സേ​വ​ന​ങ്ങ​ളി​ലാ​ണ് ഇ​ള​വു​ക​ൾ ന​ൽ​കു​ന്ന​ത്.

പ്ര​ധാ​ന​മ​ന്ത്രി​യും വി​ദേ​ശ​കാ​ര്യ മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​റ​ഹ്‌​മാ​ൻ ബി​ൻ ജാ​സിം ആ​ൽ​ഥാ​നി​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗ​ത്തി​ലാ​ണ് ചി​ല സ​ർ​ക്കാ​ർ സ്ഥാ​പ​ന​ങ്ങ​ൾ ന​ൽ​കു​ന്ന സേ​വ​ന​ങ്ങ​ളി​ലെ ഫീ​സ് ഒ​ഴി​വാ​ക്കു​ന്ന​തി​നും ഇ​ള​വ് ന​ൽ​കു​ന്ന​തി​നു​മു​ള്ള സാ​ധ്യ​ത​യെ​ക്കു​റി​ച്ച് പ​ഠി​ച്ച സാ​ങ്കേ​തി​ക സ​മി​തി​യു​ടെ ശി​പാ​ർ​ശ​ക​ൾ അം​ഗീ​ക​രി​ക്കാ​ൻ തീ​രു​മാ​നി​ച്ച​ത്.

മ​ന്ത്രാ​ല​യ​ങ്ങ​ളും ഫീ​സ് ഇ​ള​വു​ക​ളും

ആ​ഭ്യ​ന്ത​ര മ​ന്ത്രാ​ല​യം: ഭി​ന്ന​ശേ​ഷി​ക്കാ​ർ,സാ​മൂ​ഹി​ക സു​ര​ക്ഷ ഗു​ണ​ഭോ​ക്താ​ക്ക​ൾ, സ​ർ​വി​സു​ക​ളി​ൽ​നി​ന്നും വി​ര​മി​ച്ച​വ​ർ, മു​തി​ർ​ന്ന പൗ​ര​ന്മാ​ർ എ​ന്നി​വ​ർ​ക്ക് ചി​ല റ​സി​ഡ​ൻ​സി പെ​ർ​മി​റ്റ്, ട്രാ​ഫി​ക് വി​ഭാ​ഗ സേ​വ​ന​ങ്ങ​ൾ എ​ന്നി​വ​യി​ൽ ഫീ​സി​ള​വോ, ഒ​ഴി​വോ ന​ൽ​കും.

വി​ദേ​ശ​കാ​ര്യ​മ​ന്ത്രാ​ല​യം : വാ​ണി​ജ്യേ​ത​ര ​ഡോ​ക്യു​മെ​ന്റ് അ​റ്റ​സ്റ്റേ​ഷ​ൻ ഫീ​സി​ൽ​നി​ന്നും വൈ​ക​ല്യ​മു​ള്ള​വ​രെ​യും സാ​മൂ​ഹി​ക സു​ര​ക്ഷ സ്വീ​ക​ർ​ത്താ​ക്ക​ളെ​യും ഒ​ഴി​വാ​ക്കി. അ​തേ​സ​മ​യം, മു​തി​ർ​ന്ന​വ​ർ​ക്കും വി​ര​മി​ച്ച​വ​ർ​ക്കും 50 ശ​ത​മാ​നം വ​രെ ഫീ​സി​ൽ ഡി​സ്കൗ​ണ്ട് ന​ൽ​കും.

മു​നി​സി​പ്പാ​ലി​റ്റി മ​ന്ത്രാ​ല​യം: ഭി​ന്ന​ശേ​ഷി​ക്കാ​ർ, പ്രാ​യ​മാ​യ​വ​ർ, വി​ര​മി​ച്ച​വ​ർ എ​ന്നി​വ​ർ​ക്ക് പൊ​തു പാ​ർ​ക്കി​ങ്ങി​ലും, പാ​ർ​ക്കു​ക​ളി​ലും ഫീ​സ് ആ​വ​ശ്യ​മി​ല്ല.

ആ​രോ​ഗ്യ മ​ന്ത്രാ​ല​യം: ഹെ​ൽ​ത്ത് കാ​ർ​ഡ് അ​നു​വ​ദി​ക്കു​ന്ന​തി​നു​ള്ള ഫീ​സ് എ​ല്ലാ വി​ഭാ​ഗ​ക്കാ​ർ​ക്കും ഒ​ഴി​വാ​ക്കി.

നീ​തി​ന്യാ​യ മ​ന്ത്രാ​ല​യം: മ​ന്ത്രാ​ല​യ ജീ​വ​ന​ക്കാ​രു​ടെ ഓ​ഫ് സൈ​റ്റ് സ​ർ​വി​സ് ഫീ​സി​ൽ ഭി​ന്ന​ശേ​ഷി​ക്കാ​ർ​ക്കും, സാ​മൂ​ഹി​ക സു​ര​ക്ഷ ഗു​ണ​ഭോ​ക്താ​ക്ക​ൾ​ക്കും ഒ​ഴി​വാ​ക്കി. മു​തി​ർ​ന്ന​വ​ർ​ക്കും വി​ര​മി​ച്ച​വ​ർ​ക്കും 200 റി​യാ​ലാ​യി നി​ശ്ച​യി​ച്ചു.

വാ​ണി​ജ്യ മ​ന്ത്രാ​ല​യം: തം​വീ​ൻ കാ​ർ​ഡ് അ​നു​വ​ദി​ക്കു​ന്ന​തി​നു​ള്ള ഫീ​സി​ൽ​നി​ന്ന് മു​ക​ളി​ൽ പ​റ​ഞ്ഞ എ​ല്ലാ വി​ഭാ​ഗ​ത്തെ​യും ഒ​ഴി​വാ​ക്കി.