Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightQatarchevron_rightഇവൻ ഖത്തർ...

ഇവൻ ഖത്തർ യൂനിവേഴ്സിറ്റി റോബോട്ട്​: ഭക്ഷണം എത്തിക്കും, അണുനശീകരണം നടത്തും

text_fields
bookmark_border
ഇവൻ ഖത്തർ യൂനിവേഴ്സിറ്റി റോബോട്ട്​: ഭക്ഷണം എത്തിക്കും, അണുനശീകരണം നടത്തും
cancel
camera_alt

ഖത്തർ യൂനിവേഴ്സിറ്റി വികസിപ്പിച്ച റോബോട്ട്​

ദോഹ: ഭക്ഷണവും മരുന്നുമടക്കം എത്തിച്ചുനൽകുന്ന ഇവൻ അണുനശീകരണവും നടത്തും. ഖത്തർ യൂനിവേഴ്സിറ്റി വികസിപ്പിച്ച റോബോട്ടാണ്​ താരം. കോവിഡ് -19 കാലത്ത് സമ്പർക്കം ഒഴിവാക്കുന്നതിൽ നിർണായകമായേക്കാവുന്ന കണ്ടുപിടിത്തണ്​ ഖത്തർ യൂനിവേഴ്സിറ്റി നടത്തിയിരിക്കുന്നത്​. രോഗികൾക്ക് മരുന്നുകളും ഭക്ഷണവും എത്തിക്കാനും വ്യത്യസ്​ത സമയങ്ങളിൽ അന്തരീക്ഷത്തിലും നിരന്തരം സ്​പർശിക്കുന്ന പ്രതലങ്ങളിലും അണുനശീകരണം നടത്താനും പ്രാപ്തിയുള്ള അത്യാധുനിക റോബോട്ടാണിവൻ. യൂനിവേഴ്സിറ്റിയിലെ എൻജിനീയറിങ്​ കോളജാണ്​ പിന്നിൽ. വ്യത്യസ്​ത പ്രവർത്തനങ്ങൾ ചെയ്യുന്നതിനുള്ള ആധുനിക സംവിധാനങ്ങളാണ് റോബോട്ടിൽ ഘടിപ്പിച്ചിരിക്കുന്നത്.

ഖത്തറിലെ പ്രാദേശിക മാർക്കറ്റിൽ ലഭ്യമാകുന്നതും എളുപ്പത്തിലും വേഗത്തിലും ഉൽപാദിപ്പിക്കാവുന്നതുമായ ഘടകങ്ങൾ ഉപയോഗിച്ചാണ് റോബോട്ട് നിർമാണം. ഖത്തർ എൻജിനീയറിങ്​ കോളജിലെ മെക്കാനിക്കൽ ആൻഡ് ഇൻഡസ്​ട്രിയൽ എൻജിനീയറിങ്​ ഡിപ്പാർട്മെൻറാണ് നേതൃത്വം വഹിച്ചിരിക്കുന്നത്. റോബോട്ടിക് മേഖലയിൽ പ്രവർത്തിക്കുന്ന അന്താരാഷ്​ട്ര കമ്പനികളേക്കാൾ വിലക്കുറവാണ് തങ്ങളുടെ റോബോട്ടിനെന്ന്​ അധികൃതർ അറിയിച്ചു.

കൂടുതൽ മികവുറ്റ രീതിയിലും മോഡുലാർ കൺ​േട്രാളർ ഉപയോഗിച്ചും നിർമിച്ചതിനാൽ ഇൻറലിജൻറ് ഓട്ടോണമസ്​ കൺ​േട്രാൽ സിസ്​റ്റം കൂടി ചേർത്ത് പ്രവർത്തനം മെച്ചപ്പെടുത്താൻ നിർമാതാക്കൾക്ക് എളുപ്പമാകും. ഇത് ഓട്ടോമാറ്റിക്കലായി, മാനുഷിക ഇടപെടൽ ഒഴിവാക്കിക്കൊണ്ട് മുൻകൂട്ടിത്തന്നെ ആവശ്യമായ പോയൻറുകൾ തീരുമാനിക്കാനും റോബോട്ടിനെ പ്രാപ്തനാക്കും.

Show Full Article
TAGS:Qatar University Robot qatar news 
Next Story