ഫലസ്തീൻ; ആരോഗ്യമേഖലയിലെ ഇസ്രായേൽ നിയന്ത്രണം അവസാനിപ്പിക്കണം -ആരോഗ്യമന്ത്രിമാർ

ദോ​ഹ: അ​ധി​നി​വി​ഷ്ട ഫ​ല​സ്തീ​ൻ പ്ര​ദേ​ശ​ങ്ങ​ളി​ൽ ആ​രോ​ഗ്യ​പ്ര​വ​ർ​ത്ത​ക​ർ​ക്കും ആം​ബു​ല​ൻ​സു​ക​ൾ​ക്കു​മെ​തി​രാ​യ ഇ​സ്രാ​യേ​ൽ അ​ധി​നി​വേ​ശ സേ​ന​യു​ടെ മ​നു​ഷ്യ​ത്വ​ര​ഹി​ത​മാ​യ ന​ട​പ​ടി​ക​ൾ അ​വ​സാ​നി​പ്പി​ക്കാ​ൻ ലോ​കാ​രോ​ഗ്യ സം​ഘ​ട​ന അ​ടി​യ​ന്ത​ര​മാ​യി ഇ​ട​പെ​ട​ണ​മെ​ന്ന് അ​റ​ബ് ആ​രോ​ഗ്യ മ​ന്ത്രി​മാ​രു​ടെ സ​മി​തി ആ​വ​ശ്യ​പ്പെ​ട്ടു. ആ​രോ​ഗ്യ പ്ര​വ​ർ​ത്ത​ക​രു​ടെ​യും മെ​ഡി​ക്ക​ൽ ഉ​ദ്യോ​ഗ​സ്ഥ​രു​ടെ​യും ചു​മ​ത​ല​ക​ൾ ഇ​സ്രാ​യേ​ൽ അ​തി​ക്ര​മ​ങ്ങ​ൾ മൂ​ലം ത​ട​സ്സ​പ്പെ​ടു​ന്നു​വെ​ന്നും കൂ​ടാ​തെ ആ​ശു​പ​ത്രി​ക​ളി​ലേ​ക്കും ആ​രോ​ഗ്യ കേ​ന്ദ്ര​ങ്ങ​ളി​ലേ​ക്കും ഇ​ന്ധ​ന​വും വൈ​ദ്യു​തി​യും വി​ത​ര​ണം ചെ​യ്യു​ന്ന​ത് ത​ട​സ്സ​പ്പെ​ടു​ത്തു​ക​യും ചെ​യ്യു​ന്നു​വെ​ന്നും അ​റ​ബ് ആ​രോ​ഗ്യ മ​ന്ത്രി​മാ​രു​ടെ സ​മി​തി ചൂ​ണ്ടി​ക്കാ​ട്ടി.

ഞാ​യ​റാ​ഴ്ച ജ​നീ​വ​യി​ൽ അ​ൾ​ജീ​രി​യ​യു​ടെ അ​ധ്യ​ക്ഷ​ത​യി​ൽ ചേ​ർ​ന്ന അ​റ​ബ് ആ​രോ​ഗ്യ​മ​ന്ത്രി​മാ​രു​ടെ കൗ​ൺ​സി​ലി​ന്റെ 59ാമ​ത് റെ​ഗു​ല​ർ സെ​ഷ​ൻ യോ​ഗ​ത്തി​ലാ​ണ് ഇ​ക്കാ​ര്യം ഉ​ന്ന​യി​ച്ച​ത്. ഖ​ത്ത​റി​നെ പ്ര​തി​നി​ധീ​ക​രി​ച്ച് പൊ​തു​ജ​നാ​രോ​ഗ്യ മ​ന്ത്രി ഡോ. ​ഹ​നാ​ൻ മു​ഹ​മ്മ​ദ് അ​ൽ കു​വാ​രി​യു​ടെ നേ​തൃ​ത്വ​ത്തി​ലു​ള്ള സം​ഘം യോ​ഗ​ത്തി​ൽ പ​ങ്കെ​ടു​ത്തു. കി​ഴ​ക്ക​ൻ ജ​റൂ​സ​ലം, അ​ധി​നി​വി​ഷ്ട സി​റി​യ​ൻ ഗോ​ലാ​ൻ എ​ന്നി​വ​യു​ൾ​പ്പെ​ടു​ന്ന ഫ​ല​സ്തീ​ൻ പ്ര​ദേ​ശ​ങ്ങ​ളി​ലെ ആ​രോ​ഗ്യ പ്ര​ശ്‌​ന​ങ്ങ​ളും പ്ര​തി​സ​ന്ധി​ക​ളും അ​റ​ബ് മേ​ഖ​ല​യി​ലെ മാ​താ​ക്ക​ൾ, കു​ട്ടി​ക​ൾ, കൗ​മാ​ര​ക്കാ​രാ​യ പെ​ൺ​കു​ട്ടി​ക​ൾ എ​ന്നി​വ​രു​ടെ ആ​രോ​ഗ്യം മെ​ച്ച​പ്പെ​ടു​ത്തു​ന്ന​തു​മാ​യി ബ​ന്ധ​പ്പെ​ട്ടും യോ​ഗ​ത്തി​ൽ ച​ർ​ച്ച ചെ​യ്തു.