Begin typing your search above and press return to search.
proflie-avatar
Login
exit_to_app
exit_to_app
Homechevron_rightGulfchevron_rightQatarchevron_rightഅമീർ യു.എസിൽ;...

അമീർ യു.എസിൽ; ബൈഡനുമായി കൂടിക്കാഴ്ച

text_fields
bookmark_border
അമീർ യു.എസിൽ; ബൈഡനുമായി കൂടിക്കാഴ്ച
cancel
camera_alt

അമീർ ശൈഖ്​ തമീം ബിൻ ഹമദ്​ ആൽഥാനി,  അമേരിക്കൻ പ്രസിഡന്‍റ്​ ജോ ബൈഡൻ

ദോഹ: അമീർ ശൈഖ്​ തമീം ബിൻ ഹമദ്​ ആൽഥാനിയുടെ ചരിത്രപ്രധാനമായ അമേരിക്കൻ സന്ദർശനത്തിന്​ ​ഞായറാഴ്ച തുടക്കമായി. ​

ജോ ബൈഡൻ പ്രസിഡന്‍റായി അധി​കാരമേറ്റ ശേഷം വൈറ്റ്​ ഹൗസിലേക്കുള്ള അമീറിന്‍റെ ആദ്യ ഔദ്യോഗിക സന്ദർശനത്തെ ഏറെ പ്രതീക്ഷയോടെയാണ്​ ​ഖത്തറും മേഖലയിലെ രാജ്യങ്ങളും ഉറ്റുനോക്കുന്നത്​. ശനിയാഴ്ച രാത്രിയിലാണ്​ അമീറിന്‍റെ നേതൃത്വത്തിലുള്ള ഉന്നതതല സംഘം വാഷിങ്​ടണിലേക്ക്​ പറന്നത്​. ​ഞായറാഴ്ച രാവിലെ ആൻഡ്ര്യൂസ്​ എയർഫോഴ്​സ്​ ബേസിൽ യു.എസ്​ പ്രോട്ടോകോൾ ചീഫ്​ റുഫുസ്​ ജിഫോഡ്​, അമേരിക്കയിലെ ഖത്തർ അംബാസഡർ ശൈഖ്​ മിഷാൽ ബിൻ ഹമദ്​ ആൽഥാനി എന്നിവരുടെ നേതൃത്വത്തിൽ ഉന്നതസംഘം സ്വീകരിച്ചു. അഫ്​ഗാനിൽനിന്നുള്ള അമേരിക്കൻ സേനയുടെ പിന്മാറ്റവും ഖത്തറിന്‍റെ നേതൃത്വത്തിലുള്ള ജീവൻരക്ഷാ ദൗത്യങ്ങളും മേഖലയിലെയും രാജ്യാന്തര തലത്തിലെയും ഖത്തറിറെ നയതന്ത്ര ഇടപെടലുകൾ റഷ്യ-യുക്രെയ്​ൻ പ്രതിസന്ധിക്കു പിന്നാലെ യൂറോപ്പിലെ ഇന്ധന പ്രതിസന്ധി തുടങ്ങിയ രാജ്യാന്തര പ്രാധാന്യമുള്ള വിഷയങ്ങൾക്കിടെയാണ്​ അമീറും അമേരിക്കൻ പ്രസിഡന്‍റും തമ്മിലെ കൂടിക്കാഴ്ച.

അഫ്ഗാനിസ്താനിലെ അമേരിക്കന്‍ സൈന്യത്തിന്‍റെ പിന്മാറ്റത്തിന് ശേഷമുള്ള സംഭവവികാസങ്ങളും ഖത്തറിന്‍റെ നേതൃത്വത്തിൽ നടത്തിയ ഒഴിപ്പിക്കലും ജീവൻരക്ഷാ ദൗത്യങ്ങളും അഫ്​ഗാന്‍റെ നിലവിലെ സ്ഥിതിഗതികളുമെല്ലാം ചർച്ചയാവുമെന്ന്​ 'അൽജസീറ' റിപ്പോർട്ട്​ ചെയ്തു. കഴിഞ്ഞ നവംബറിൽ ഖത്തറിനെ അഫ്​ഗാനിലെ നയതന്ത്ര പ്രതിനിധിയായി അമേരിക്ക പ്രഖ്യാപിച്ചിരുന്നു. ഇതോടൊപ്പം വ്യാപാര- വാണിജ്യ കരാറുകളിലും ഇരുരാജ്യങ്ങളും ഒപ്പുവെക്കാനിടയുണ്ട്.

യൂറോപ്യന്‍ വിമാന നിര്‍മാണ കമ്പനിയായ എയര്‍ബസുമായുള്ള ഖത്തര്‍ എയര്‍വേസിന്‍റെ തര്‍ക്കം രൂക്ഷമാവുകയും 600 കോടി ഡോളറിന്‍റെ ഇടപാട്​ എയർബസ്​ ഏകപക്ഷീയമായി റദ്ദാക്കുകയും ചെയ്ത പശ്ചാത്തലത്തിലാണ്​ അമീറിന്‍റെ അമേരിക്കൻ സന്ദർശനം.

യുക്രെയ്​ൻ-റഷ്യ സംഘർഷസാധ്യത വീണ്ടും ഉടലെടുത്തതോടെ യൂറോപ്പിലെ ഊർജ പ്രതിസന്ധി വീണ്ടും സജീവമായിരിക്കുകയാണ്​.

അതേസമയം, ലോകത്തെതന്നെ ഏറ്റവും സമ്പന്നമായ പ്രകൃതിവാതക ഉൽപാദകർ എന്ന നിലയിൽ ഖത്തർ വഴി പരിഹാര സാധ്യതയും തേടുന്നുണ്ട്​. കഴിഞ്ഞ ദിവസം അമേരിക്കൻ ​വിദേശകാര്യ സെക്രട്ടറി ആന്‍റണി ബ്ലിങ്കൻ ഖത്തർ വിദേശകാര്യമന്ത്രിയുമായി ഇതുസംബന്ധിച്ച്​ ടെലിഫോൺ സംഭാഷണം നടത്തിയതായി രാജ്യാന്തര മാധ്യമങ്ങൾ റിപ്പോർട്ട്​ ചെയ്തു.

ഊർജപ്രതിസന്ധി പരിഹരിക്കാൻ ഖത്തറിൽ ഇടപെടൽ സാധ്യത ചർച്ചയാവുമെന്ന്​ വൈറ്റ്​ഹൗസ്​ പ്രസ്​ സെക്രട്ടറി ജെൻ സാകിയെ ഉദ്ധരിച്ച്​ വാർത്ത ഏജൻസികൾ റിപ്പോർട്ട്​ ചെയ്തു. യുക്രെയ്​നെ ആക്രമിച്ചാൽ റഷ്യക്കെതിരെ ഉപരോധമേർപ്പെടുത്തുമെന്ന ഭീഷണിൽ, യൂറോപ്പിലെ വാതകക്ഷാമം രൂക്ഷമാക്കിയേക്കും. അതിന്​ ബദൽ ഒരുക്കാനുള്ള ശ്രമത്തിലാണ്​ യൂറോപ്യൻ യൂനിയനും അമേരിക്കയും.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Joe BidenQatar emiremir
News Summary - Emir in the U.S.; Meeting with Biden
Next Story