അമീർ ഫിൻലൻഡിൽ

ദോഹ: യൂറോപ്യൻ പര്യടനത്തിന്റെ ഭാഗമായി അമീർ ശൈഖ് തമീം ബിൻ ഹമദ് ആൽഥാനി മൂന്നാമത്തെ രാജ്യമായ ഫിൻലൻഡിലെത്തി.

സ്വീഡനു പിന്നാലെ, ബുധനാഴ്ച ​നോർവേയിലെയും സന്ദർശനം പൂർത്തിയാക്കിയാണ് അമീർ അടുത്ത ലക്ഷ്യ സ്ഥാനത്തെത്തിയത്. നോർവേ പ്രധാനമന്ത്രി ​ജൊനാസ് ​ഗർ സ്റ്റോറുമായി അമീർ കൂടിക്കാഴ്ച നടത്തി.

സന്ദർശനത്തിന്റെ ഭാഗമായി വിവിധ കരാറുകളിലും ഒപ്പുവെച്ചു. കൂടിക്കാഴ്ചയിൽ ഗസ്സയിലെ ഇസ്രായേൽ ആക്രമണം അവസാനിപ്പിക്കാനുള്ള ഖത്തറിന്റെ ഇടപെടലുകളെ നോർവേ പ്രധാനമന്ത്രി പ്രശംസിച്ചു.