ഫാൽകൻ ഫെസ്​റ്റിൽ അമീറെത്തി

ദോഹ: കതാറ കൾചറൽ വില്ലേജിൽ ആരംഭിച്ച സ്​ഹൈൽ ഫാൽകൻ ​ഫെസ്​റ്റിൻെറ മൂന്നാം ദിനം അമീർ ശൈഖ്​ തമിം ബിൻ ഹമദ്​ ആൽഥാനിയെത്തി. വ്യാഴാഴ്​ച രാവിലെയായിരുന്നു അമീറിൻെറ സന്ദർശനം. വിൽപനക്കും ലേലത്തിനുമായി വെച്ച ഫാൽകനുകളും വേട്ടക്കുള്ള ഉപകരണങ്ങളും മറ്റു പ്രദർശന വസ്​തുക്കളും വിവിധ സ്​റ്റാളുകളും അദ്ദേഹം സന്ദർശിച്ചു.

ഏഴിന്​ ആരംഭിച്ച അഞ്ചാമത്​ കതാറ ഇൻറർനാഷനൽ ഫാൽകൻ ഫെസ്​റ്റിവൽ വേദിയിൽ കഴിഞ്ഞ ദിവസങ്ങളിലും പ്രഗല്​​ഭരുടെ സന്ദർശനം തുടരുകയാണ്​. വിവിധ രാഷ്​ട്ര പ്രതിനിധികൾ, അംബാസഡർമാർ, മന്ത്രിമാർ എന്നിവർ കഴിഞ്ഞ ദിവസങ്ങളിൽ പ്രദർശന വേദിയി​െ​ലത്തി. 20 രാജ്യങ്ങളിൽനിന്ന്​ 160ലേറെ പ്രദേശിക, രാജ്യാന്തര സംഘങ്ങൾ പങ്കാളികളാവുന്ന പ്രദർശനം 11ന്​ അവസാനിക്കും. ഖത്തറിലെ സൗദി അംബാസഡർ മൻസൂർ ബിൻ ഖാലിദ്​ ബിൻ ഫർഹാൻ അൽ സൗദ്​, ആംഡ്​ ഫോഴ്​സ്​ ചീഫ്​ ശൈഖ്​ ഖാലിദ്​ ബിൻ ഹമദ്​ ആൽഥാനി, ഇറ്റാലിയൻ അംബാസഡർ അലസാ​േ​ന്ദ്രാ പ്രൂണാസ്​, കോസ്​റ്ററീക അംബാസഡർ മരിയാനോ സെഗുറ, കിർഗിസ്​താൻ അംബാസഡർ ചെങ്കിസ്​ എഷിം​െബകോവ്​ തുടങ്ങി പ്രമുഖർ എത്തി.

പ്രദർശനത്തിൻെറ ഭാഗമായി നടക്കുന്ന ഫാൽകൻ ലേലത്തിലും വന പങ്കാളിത്തമാണെന്ന്​ ​ഫെസ്​റ്റ്​ സംഘാടക സമിതി വൈസ്​ ചെയർമാൻ മുഹമ്മദ്​ ബിൻ അബ്​ദുൽലത്തീഫ്​ അൽ മിസ്​നദ്​ പറഞ്ഞു. ആദ്യ ദിനത്തിൽ 1.40 ലക്ഷം റിയാൽ​ ഏറ്റവും ഉയർന്ന വിലയായി ലഭിച്ചു.