ഡൽഹി-ദോഹ ഖത്തർ എയർവേസ് വിമാനത്തിന് അടിയന്തര ലാൻഡിങ്

ദോഹ: ന്യൂഡൽഹിയിൽനിന്ന് ദോഹയിലേക്കു പുറപ്പെട്ട ഖത്തർ എയർവേസ് വിമാനം അടിയന്തര സാഹചര്യത്തിൽ പാകിസ്താനിലെ കറാച്ചിയിൽ ഇറക്കി. തിങ്കളാഴ്ച രാവിലെ ന്യൂഡൽഹിയിൽനിന്നു പുറപ്പെട്ട ക്യു.ആർ 579 വിമാനമണ് ഇറക്കിയത്. കാർഗോ വഹിക്കുന്ന മേഖലയിൽനിന്ന് പുക ഉയർന്നത് ശ്രദ്ധയിൽപെട്ടതിനുപിന്നാലെയാണ് അടിയന്തരമായി കറാച്ചിയിൽ ലാൻഡ് ചെയ്തത്. തുടർന്ന് പ്രാദേശിക സമയം ഉച്ച രണ്ടു മണിയോടെ മറ്റൊരു വിമാനത്തിൽ യാത്രക്കാർ ദോഹയിലേക്കു പോയി. വൈകീട്ട് 4.15ഓടെ ഈ വിമാനം വഴി യാത്രികരെല്ലാം ദോഹയിലെത്തിയതായി ഖത്തർ എയർവേസ് മറ്റൊരു ട്വീറ്റിൽ അറിയിച്ചു.