24 ല​ക്ഷം പ്ര​വാ​സി​ക​ൾ; വോട്ടർ പട്ടികയിൽ പേരുള്ളവർ 66584 പേർ മാത്രം

ദോഹ: 24 ല​ക്ഷം പ്ര​വാ​സി​ക​ളി​ൽ ആകെ വോട്ടർ പട്ടികയിൽ പേര്​ ഉള്ളവർ 66584 പേർ മാത്രം. 2019ലെ പൊതുതെരഞ്ഞെട​ുപ്പിനുള്ള സംസ്​ഥാനത്തെ വോട്ടർ പട്ടിക പ്രസിദ്ധീകരിച്ചപ്പോഴാണ്​ കണക്ക്​ പുറത്തുവന്നത്. നേരത്തേ പ്രവാസിവോട്ടർമാർ 23410 പേർ ആയിരുന്നു. ഇത്തവണ 43174 പേരുടെ വർധനവാണ്​ ഉണ്ടായത്​. കൂടുതൽ പ്രവാസി വോട്ടർമാർ ഉള്ളത്​ കോഴിക്കോട്ടാണ്​ ^22241.

രണ്ടാം സ്​ഥാനത്ത്​ മലപ്പുറം^15218. മൂന്നാംസ്​ഥാനത്ത്​ കണ്ണൂർ^11060. ആകെയുള്ള പ്രവാസി വോട്ടർമാരിൽ 62847 പേർ പുരുഷൻമാരും 3729 പേർ സ്​ത്രീകളും ആണ്​. എട്ട്​ പേർ ട്രാൻസ്​ജൻഡേ​ഴ്​സ്​ ആണ്​. വോട്ടർപട്ടികയിൽ പേര്​ ചേർക്കാനായി ഇത്തവണ 77000 പ്രവാസികളാണ്​ അപേക്ഷിച്ചിരുന്നത്​. ബൂത്ത്​ലെവൽ ഒാഫിസർമാർ വീടുകളിൽ എത്തി നടത്തിയ പരിശോധനയിലൂടെ ഉറപ്പുവരുത്തിയവരെയാണ്​ അന്തിമ പട്ടികയിൽ ഉൾപ്പെടുത്തിയിരിക്കുന്നത്​.
പല അ​പേ​ക്ഷകളും നി​ര​സി​ക്കപ്പെട്ടിട്ടുണ്ട്​. അ​ധി​കൃതർ ഉ​ന്ന​യി​ക്കു​ന്ന കാരണങ്ങൾ പലതാണ്​.

പ​ല​രും സ​മ​ർ​പ്പി​ച്ച ഫോ​ട്ടോ മൊ​ബൈ​ലി​ൽ നി​ന്നാ​ണ്. ഇ​ത്ത​രം അ​പേ​ക്ഷ ന​ട​പ​ടി​ക്ര​മ​ങ്ങൾ പൂ​ർ​ത്തി​യാ​ക്കി ഐ ​ഡി കാ​ർ​ഡ് അ​ടി​ക്കു​ന്ന സ​മ​യ​ത്ത് കമ്പ്യൂട്ടർ സംവിധാനം നി​ര​സി​ക്കുകയാണെന്നാണ്​ ബന്ധ​െപ്പട്ടവർ പറയുന്നത്​. പല അ​പേ​ക്ഷ​യി​ലും ന​ൽ​കി​യ വി​ലാ​സ​വും ബൂ​ത്തും ത​മ്മി​ൽ വ്യ​ത്യാ​സമുണ്ട്​. പൂ​ർ​ണ വി​വ​ര​ങ്ങ​ൾ ന​ൽ​കാ​ത്ത അ​പേ​ക്ഷ​ക​ളും നിരസിക്കപ്പെട്ടു.

പ്രവാസി വോട്ടർമാർക്ക്​ പകരക്കാരെ വച്ച്​ ​(മുക്​ത്യാർ) വോട്ടുചെയ്യാനുള്ള നിയമം പാർലമ​​െൻറി​​​െൻറ പരിഗണനയിൽ ആണ്​. നിയമത്തിന്​ അംഗീകാരം ലഭിച്ചാൽ ഇത്തവണത്തെ ലോക്​സഭാതെരഞ്ഞെടുപ്പിൽ തന്നെ പ്രവാസികൾക്ക്​ വോട്ടുചെയ്യാൻ സാധിക്കും. 24 ല​ക്ഷം മലയാളി പ്ര​വാ​സി​ക​ളാണ്​ ആകെയുള്ളത്​. ഇതിൽ ഭൂരിഭാഗവും ഗൾഫ്​നാടുകളിലാണ്​. എന്നാൽ ചെറിയ ശതമാനം പേർ മാത്രമാണ്​ വോട്ടർ പട്ടികയിൽ ഉള്ളൂ എന്നാണ്​ പുതിയ കണക്കുകൾ പറയുന്നത്​.
ജനുവരി 30നാണ്​ പുതിയ വോട്ടർപട്ടിക പ്രസിദ്ധീകരിച്ചത്​. ഇതിൽ തങ്ങളു​െട പേര്​ ഉണ്ടോ എന്നറിയാൻ www.ceo.kerala.gov.in/electoralrolls.html എന്ന ലിങ്ക്​​ സന്ദർശിക്കണം. ഒാരോബൂത്തിലെയും വോട്ടർപട്ടികയുടെ അവസാനം പ്രത്യേകമായാണ്​ പ്രവാസി വോട്ടർമാരുടെ പേരുകൾ ഉണ്ടാവുക.