ഈദുൽ ഫിത്വ്ർ: ഖത്തറിൽ ബാങ്കുകൾക്ക്​ 24 മുതൽ 28 വരെ അവധി 

ദോഹ: ഈ വർഷത്തെ ഈദുൽ ഫിത്വ്ർ അവധി ഖത്തർ സെൻട്രൽ ബാങ്ക് പ്രഖ്യാപിച്ചു. മെയ് 24 മുതൽ മെയ് 28  വരെയായിരിക്കും സെൻട്രൽ ബാങ്കിന് കീഴിലെ ധനകാര്യ സ്​ഥാപനങ്ങളുടെ ഈദ് അവധി. രാജ്യത്തെ ബാങ്കുകൾ, പണമിടപാട് സ്​ഥാപനങ്ങൾ, ഇൻഷുറൻസ്​ കമ്പനികൾ, ധനകാര്യ, നിക്ഷേപ സ്​ഥാപനങ്ങൾ, ഫിനാൻഷ്യൽ  കൺസൾട്ടൻറുകൾ എന്നിവയെല്ലാം ഈ ദിവസങ്ങളിൽ അവധിയായിരിക്കും. 

മെയ് 31 മുതൽ എല്ലാ ധനകാര്യ, സാമ്പത്തിക സ്​ഥാപനങ്ങളും പ്രവർത്തനം പുനരാരംഭിക്കുമെന്നും ഖത്തർ സെൻട്രൽ ബാങ്ക് അറിയിച്ചു. അവധി ദിവസങ്ങളിൽ രാജ്യത്തെ എല്ലാ ധനകാര്യസ്​ഥാപനങ്ങളും അവയുടെ ശാഖകളും പൂർണമായും അടച്ചിടണമെന്നും  ഖത്തർ സെൻട്രൽ ബാങ്ക് പുറത്തിറക്കിയ സർക്കുലറിൽ വ്യക്തമാക്കി.