ഈദുൽഫിത്വർ: മേയ്​ രണ്ടിന്​ സാധ്യതയെന്ന്​ ഖത്തർ കലണ്ടർ ഹൗസ്​

ദോഹ: ഗോളശാസ്ത്ര കണക്കുകള്‍ പ്രകാരം ഈദുല്‍ ഫിത്വര്‍ മെയ് രണ്ടിന്​ ആവാൻ സാധ്യതയെന്ന്​ ഖത്തർ കലണ്ടർ ഹൗസ്​. മേയ്​ ഒന്നിന്​ റമദാൻ 30 പൂർത്തിയാവുമെന്നും അടുത്ത ദിവസം ശവ്വാൽ ഒന്നായിരിക്കുമെന്നും ഗോളശാസ്ത്ര നീരക്ഷണത്തിന്‍റെ അടിസ്ഥാനത്തിൽ കലണ്ടർ ഹൗസ്​ അറിയിച്ചു.

എന്നാല്‍, ഔദ്യോഗിക പ്രഖ്യാപനം മാസപ്പിറവിയുടെ അടിസ്ഥാനത്തിൽ ഖത്തര്‍ ഔഖാഫ്​ ഇസ്​ലാമികകാര്യ മന്ത്രാലയത്തിന്‍റെ മാസപ്പിറവി നിരീക്ഷണ സമിതി നടത്തും .

ഏപ്രിൽ 30ന്​ രാത്രി പ്രാദേശിക സമയം 11.29നാണ്​ ചന്ദ്രോദയം. അതിനാൽ, ആ ദിവസം ഖത്തറിലും അറബ്​ ലോകത്തും മാസപ്പിറവി ദൃശ്യമാവാൻ സാധ്യതയില്ലെന്ന്​ കലണ്ടർ ഹൗസ്​ വ്യക്​തമാക്കി.