പെരുന്നാൾ നമസ്​കാരം രാവിലെ 5.05ന്​, കോവിഡ്​ ചട്ടങ്ങൾ പാലിക്കണം

ദോഹ: ചെറിയപെരുന്നാൾ നമസ്​കാരം രാവിലെ 5.05നു​ നടക്കും. നമസ്​കാരിനെത്തുന്നവർ കോവിഡ്​ ചട്ടങ്ങൾ പൂർണമായി പാലിക്കണമെന്ന്​ ഔഖാഫ്​ ഇസ്​ലാമിക മതകാര്യമന്ത്രാലയം അറിയിച്ചു. പള്ളികൾ, മൈതാനങ്ങൾ എന്നിവിടങ്ങളിലായി ആകെ 1,028 ഇടങ്ങളിലാണ്​ രാജ്യത്ത്​ നമസ്​കാരം ഉണ്ടാവുക. ഇവയുടെ ലൊക്കേഷൻ അടക്കമുള്ള പൂർണവിവരങ്ങൾ മന്ത്രാലയത്തി​െൻറ സൈറ്റിൽ പ്രസിദ്ധീകരിച്ചിട്ടുണ്ട്​.

എല്ലാവരും മാസ്​ക്​ ധരിക്കണം. എല്ലാവരും സ്വന്തമായി നമസ്​കാരപായകൾ കൊണ്ടുവരണം. ഒന്നര മീറ്റർ സാമൂഹിക അകലം പാലിക്കണം. ഇഹ്​തിറാസ്​ ആപിൽ പച്ച സ്​റ്റാറ്റസ്​ കാണിക്കണം. പള്ളികളുടെയും നമസ്​കാരഗ്രൗണ്ടുകളുടെയും പ്രവേശനകവാടത്തിൽ ഇതു​ പരിശോധിക്കും. 12 വയസ്സിനു​ താഴെയുള്ളവർക്ക്​ പ്രവേശനമുണ്ടാകില്ല. പള്ളികള​ിലെയും മൈതാനങ്ങളിലെയും സ്​ത്രീകൾക്കുള്ള നമസ്​കാര ഇടങ്ങൾ അടഞ്ഞുതന്നെ കിടക്കും. സ്​ത്രീകൾ വീടുകളിൽനിന്ന്​ നമസ്​കാരം നിർവഹിക്കണമെന്നാണ്​ നിർദേശം. നമസ്​കാരത്തിന്​ വരുന്നവർ ഹസ്​തദാനം, ആലംഗനം എന്നിവ ഒഴിവാക്കണം. പള്ളിക്ക്​ പുറത്തും കവാടങ്ങളിലും കൂട്ടംകൂടി നിൽക്കരുത്​.

സലത്ത അൽജദീദ്​ ഭാഗത്ത്​ 12 പള്ളികൾ, അൽതുമാമ ഭാഗത്ത്​ പള്ളികളും ഗ്രൗണ്ടുകളുമായി 10 കേന്ദ്രങ്ങൾ, അൽസദ്ദിൽ 10 ഇടങ്ങൾ, അൽകർതിയാത്തിൽ 19, അൽഖോറിൽ 27 തുടങ്ങിയിടങ്ങളിൽ പെരുന്നാൾ നമസ്​കാരം നടക്കും. മേയ്​ ഒമ്പതു മുതൽ മേയ്​ 18 വരെയാണ്​ പൊതുഅവധി. മേയ്​ 19 മുത​േല​ ഇനി സർക്കാർ ഓഫിസുകൾ പ്രവർത്തിക്കൂ. ബാങ്കുകൾ, മണി എക്​സ്​ചേഞ്ചുകൾ, ഇൻഷുറൻസ്​ കമ്പനികൾ, മറ്റു സാമ്പത്തിക, നിക്ഷേപ സ്ഥാപനങ്ങൾ എന്നിവക്ക്​ മേയ്​ 12 മുതൽ മേയ്​ 16 വരെയാണ്​ അവധി.