Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightQatarchevron_rightസ്​ഥാപനങ്ങളും...

സ്​ഥാപനങ്ങളും ഇഹ്​തിറാസ്​ ആപ്പ്​ നിർബന്ധമാക്കുന്നു

text_fields
bookmark_border
സ്​ഥാപനങ്ങളും ഇഹ്​തിറാസ്​ ആപ്പ്​ നിർബന്ധമാക്കുന്നു
cancel

ദോഹ: ഖത്തറിൽ വിവിധ സ്​ഥാപനങ്ങളും പ്രവേശനത്തിന്​ ഇഹ്​തിറാസ്​ ആപ്പ്​ നിർബന്ധമാക്കുന്നു. ആപ്പ്​ ഫോണിൽ ഇല്ലാത്തവർക്ക്​ പ്രവേശനം അനുവദിക്കാത്ത നടപടികളിലേക്ക്​ നീങ്ങുകയാണ്​ വിവിധ സ്​ഥാപനങ്ങൾ. സിദ്റ മെഡിസിൻ സന്ദർശിക്കുന്നവർക്ക് ഇഹ്തിറാസ്​ ആപ്പ് ഇതിനകം നിർബന്ധമാക്കി. കോവിഡ്–19 പശ്ചാത്തലത്തിൽ രോഗികളുടെയും കുടുംബങ്ങളുടെയും ജീവനക്കാരുടെയും ആരോഗ്യ സുരക്ഷ കണക്കിലെടുത്താണ് ആപ്പ് നിർബന്ധമാക്കിയത്​. ഇതി​െൻറ ഭാഗമായി സിദ്റ മെഡിസിനിലെത്തുന്ന രോഗികളുടെ കൂടെയുള്ളവർക്കും രക്ഷാധികാരികൾക്കും സന്ദർശകർക്കും പ്രാരംഭ സ്​ക്രീനിംഗ് നിർബന്ധമാക്കിയിട്ടുണ്ട്. ശരീരോഷ്മാവ് പരിശോധന, കോവിഡുമായി ബന്ധപ്പെട്ട ചോദ്യാവലിക്ക് ഉത്തരം നൽകുക, ഇഹ്തിറാസ്​ ആപ്പിലെ ആരോഗ്യ നില കാണിക്കുക എന്നീ നടപടികൾക്ക് ശേഷമേ അകത്തേക്ക് പ്രവേശിപ്പിക്കൂ.

രോഗികളുടെ കൂടെ താമസിക്കുന്ന ആളുകളെ കോവിഡ്–19 പരിശോധനക്ക് വിധേയമാക്കും. സ്​ത്രീകളായ രോഗികളുടെ കൂടെ ഒരാൾക്കും കുട്ടികളുടെ കൂടെ രണ്ട് പേർക്കും മാത്രമാണ് പ്രവേശനം. രോഗികളുടെയും കുടുംബങ്ങളുടെയും ആശുപത്രി ജീവനക്കാരുടെയും സുരക്ഷ ഉറപ്പുവരുത്തുന്നതിന് എല്ലാവരുടെയും സഹകരണം ആവശ്യമാണെന്നും സിദ്റ മെഡിസിൻ അറിയിച്ചു. ഫോൺ ഉപയോക്താവിന്​ കോവിഡ്​ രോഗം സംബന്ധിച്ച് ജാഗ്രതാ മുന്നറിയിപ്പ് ലഭിക്കുമെന്നതാണ്​ കോവിഡിൻെറ മേൻമ. ബ്ലൂടൂത്ത്​ സാ​​ങ്കേതിക വിദ്യയാണ്​ ഇഹ്​തിറാസിൽ ഉപയോഗിക്കുന്നത്​. നമ്മുടെ ഒന്നര മീറ്റർ അടുത്തുകൂടി ​കഴിഞ്ഞ 14 ദിവസത്തിനുള്ളിൽ ഒരു കോവിഡ്​ രോഗി കടന്നുപോയിട്ടുണ്ടെങ്കിൽ ഇത്​ സംബന്ധിച്ച ജാഗ്രതനിർദേശം ആപ്പിലൂടെ ലഭിക്കും. കോവിഡ്​ പോസിറ്റീവായ രോഗി ഏതെങ്കിലും ആശുപത്രിയിൽ ചികിൽസക്കായി എത്തുന്നതോടെയാണിത്​. ഉടൻ തന്നെ അയാളുടെ അടുത്തുകൂടി ഈ ദിനങ്ങളിൽ കടന്നുപോയ എല്ലാവർക്കും ജാഗ്രതാനിർദേശം ലഭിക്കും.

അയാളുടെ ആപ്പിലെ ബാർകോഡിൻെറ നിറം ചുവപ്പാവുകയും ചെയ്യും. മറ്റുള്ളവരുടെ ആപ്പിലും നിറ വ്യത്യാസം വന്നിരിക്കും. ഗ്രേ ആണ്​ ഒരാൾക്ക്​ കിട്ടുന്നതെങ്കിൽ നമ്മുടെ അടുത്തുകൂടി പോയ ഏതോ ഒരാൾ​ കോവിഡ്​ പോസിറ്റീവ്​ ആണ്​ എന്നാണർഥം. ഇതോടെ നമുക്ക്​ ജാഗ്രത പാലിച്ച്​ പുറത്തിറങ്ങാതെ വീട്ടിൽ തന്നെ കഴിയാം. വീട്ടിലുള്ളവർക്കടക്കം രോഗം നമ്മളാൽ പകരില്ലെന്ന്​ ഇതിലൂടെ ഉറപ്പിക്കാം. അതേസമയം ചുവപ്പ്​ ആണ്​ കളറെങ്കിൽ നമ്മളെ ആരോഗ്യപ്രവർത്തകർ ചികിൽസാകേന്ദ്രങ്ങളിലേക്ക്​ കൊണ്ടുപോകും, നമ്മളും പോസിറ്റീവ്​ ആയി എന്നർഥം. ഓറഞ്ച്​ നിറം ആണെങ്കിൽ നമ്മൾ സമ്പർക്കവിലക്കിലേക്ക്​ മാറും. ആപ്പിലൂടെ ജനങ്ങളു​െട സ്വകാര്യവിവരങ്ങൾ ശേഖരിക്കുന്നില്ലെന്നും സ്വകാര്യതയെ ഹനിക്കുന്നില്ലെന്നും അധികൃതർ നേരത്തേ തന്നെ വ്യക്​തമാക്കിയിരുന്നു.

Show Full Article
TAGS:Ehteraz Health Status qatar gulf news 
Next Story