You are here

ഇ സേവനങ്ങൾ കേമമെന്ന്​ ഉപഭോക്​താക്കൾ 

  • സേ​വ​ന​ങ്ങ​ള്‍ മി​ക​ച്ചതെന്ന്​ 66% പേർ, ന​ല്ല​തെ​ന്ന്​ 21%, അപര്യാപ്​തമെന്ന്​ 5%, ഇ​നി​യും മെ​ച്ച​പ്പെടണമെന്ന്​ 9%  

ദോ​ഹ: ആ​ഭ്യ​ന്ത​ര മ​ന്ത്രാ​ല​യത്തി​​െൻറ (​എം​ഒ​ഐ) ഇ​ല​ക്ട്രോ​ണി​ക് സേ​വ​ന​ങ്ങ​ളി​ല്‍ ഭൂ​രി​പ​ക്ഷം ഉ​പ​ഭോ​ക്താ​ക്ക​ള്‍ക്കും സം​തൃ​പ്തി. നി​ല​വി​ല്‍ ഏ​ക​ദേ​ശം നാ​ലു ല​ക്ഷം ഇ​ സ​ര്‍വീ​സ് ഉ​പ​യോ​ക്താ​ക്ക​ളാ​ണ് സേ​വ​ന​ങ്ങ​ള്‍ ഉ​പ​യോ​ഗ​പ്പെ​ടു​ത്തു​ന്ന​ത്. മ​ന്ത്രാ​ല​യ​ത്തി​​​െൻറ വെ​ബ്സൈ​റ്റ്, മെ​ട്രാ​ഷ് 2 മൊ​ബൈ​ല്‍ ആ​പ്പ് എ​ന്നി​വ മു​ഖേ​ന ന​ല്‍കു​ന്ന സേ​വ​ന​ങ്ങ​ളി​ല്‍ പൂ​ര്‍ണ​തൃ​പ്തി​യു​ണ്ടെ​ന്ന് 87ശ​ത​മാ​നം പേ​രും അ​ഭി​പ്രാ​യ​പ്പെ​ടുന്നു. ആ​ഭ്യ​ന്ത​ര​മ​ന്ത്രാ​ല​യം വെ​ബ്സൈ​റ്റി​ല്‍ ന​ട​ത്തി​യ സ​ര്‍വേ​യി​ലാ​ണ് ഇത്​ തെളിഞ്ഞത്​. ഫോ​ണു​ക​ള്‍ക്കും സ്മാ​ര്‍ട്ട് ഡി​വൈ​സു​ക​ള്‍ക്കു​മാ​യി ജ​ന​റ​ല്‍ ഡ​യ​റ​ക്ട​റേ​റ്റ് ഓ​ഫ് ഇ​ന്‍ഫ​ര്‍മേ​ഷ​ന്‍ സി​സ്​റ്റം​സ് അ​ടു​ത്തി​ടെ മെ​ട്രാ​ഷ് 2​​െൻറ ​പു​തി​യ പ​തി​പ്പ് അ​വ​ത​രി​പ്പി​ച്ചി​രു​ന്നു. 


മ​ന്ത്രാ​ല​യ​ത്തി​​​െൻറ സേ​വ​ന​ങ്ങ​ള്‍ ഏ​തു​സ്ഥ​ല​ത്തി​രു​ന്നും ഏ​തു​സ​മ​യ​ത്തും വ​ള​രെ വേ​ഗ​ത്തി​ല്‍ ഉ​പ​യോ​ഗ​പ്പെ​ടു​ത്താ​ന്‍ ഈ ​സം​വി​ധാ​ന​ത്തി​ലൂ​ടെ സാ​ധി​ക്കും. നി​ല​വി​ല്‍ 174ല​ധി​കം ഇ​സേ​വ​ന​ങ്ങ​ളാ​ണ് മെ​ട്രാ​ഷി​ലൂ​ടെ ന​ല്‍കു​ന്ന​ത്.  പാ​സ്പോ​ര്‍ട്ട് ജ​ന​റ​ല്‍ ഡ​യ​റ്ക​ട​റേ​റ്റു​മാ​യി ബ​ന്ധ​പ്പെ​ട്ട്​ മാ​ത്രം പ്ര​തി​ദി​നം ഏ​ക​ദേ​ശം 7000 ഇ​ട​പാ​ടു​ക​ള്‍ ന​ട​ക്കു​ന്നു​ണ്ട്. ആ​റു ഭാ​ഷ​ക​ളി​ല്‍ നി​ല​വി​ല്‍ മെ​ട്രാ​ഷ് ടു ​ല​ഭ്യ​മാ​ണ്. അ​റ​ബി​ക്, ഇം​ഗ്ലീ​ഷ്, ഫ്ര​ഞ്ച്, സ്പാ​നി​ഷ്, ഉ​ര്‍ദു, മ​ല​യാ​ളം ഭാ​ഷ​ക​ളി​ലാ​ണ് ല​ഭ്യ​മാ​കു​ന്ന​ത്. ആ​ഴ്ച​യി​ല്‍ ഏ​ഴു ദി​വ​സ​വും 24 മ​ണി​ക്കൂ​റും മെ​ട്രാ​ഷ് 2 സേ​വ​നം പ്ര​യോ​ജ​ന​പ്പെ​ടു​ത്താം. താ​മ​സ​ക്കാ​ര്‍, വി​വി​ധ സ്ഥാ​പ​ന​ങ്ങ​ള്‍, എ​ല്ലാ​ത്ത​രം വി​സ​യു​ള്ള​വ​രും തു​ട​ങ്ങി​യ​വ​രാ​ണ് ഇ​തി​​​െൻറ ഗു​ണ​ഭോ​ക്താ​ക്ക​ള്‍. വെ​ബ്സൈ​റ്റ് മു​ഖേ​ന​യും മെ​ട്രാ​ഷ് ര​ണ്ടി​ലൂ​ടെ​യും വ​കു​പ്പി​​​െൻറ ഇ​ല​ക്ട്രോ​ണി​ക് സേ​വ​ന​ങ്ങ​ള്‍ ല​ഭി​ക്കും. മെ​ട്രാ​ഷ് 2, മ​ന്ത്രാ​ല​യം വെ​ബ്സൈ​റ്റ് എ​ന്നി​യി​ലൂ​ടെ നി​ല​വി​ല്‍ 211 ഇ​ല​ക്ട്രോ​ണി​ക് സേ​വ​ന​ങ്ങ​ളാ​ണ് ല​ഭ്യ​മാ​ക്കി​യി​രി​ക്കു​ന്ന​ത്. മെ​ട്രാ​ഷ് 2 വ​രി​ക്കാ​രു​ടെ എ​ണ്ണം 4,63,864 ആ​യി​ട്ടു​ണ്ട്. 


ആഭ്യന്തര മന്ത്രാലയത്തി​​െൻറ സ​ര്‍വേ​യി​ല്‍ പ​ങ്കെ​ടു​ത്ത​വ​രി​ല്‍ 66ശ​ത​മാ​നം പേ​ര്‍ സേ​വ​ന​ങ്ങ​ള്‍ മി​ക​ച്ച​താ​ണെ​ന്ന് അ​ഭി​പ്രാ​യ​പ്പെ​ട്ട​പ്പോ​ള്‍ 21 ശ​ത​മാ​നം പേ​ര്‍ക്ക് ന​ല്ല​തെ​ന്ന അ​ഭി​പ്രാ​യ​മാ​യി​രു​ന്നു. മ​ന്ത്രാ​ല​യം വെ​ബ്സൈ​റ്റി​ല്‍ മെ​യ് ആ​റി​ന്​ തു​ട​ങ്ങി​യ സ​ര്‍വേ പോ​ള്‍ ആഗസ്​റ്റ്​ ആ​റു​വ​രെ തു​ട​രും. ഇ​തി​നോ​ട​കം ഏ​ക​ദേ​ശം 600ഓ​ളം പേ​ര്‍ ഓ​ണ്‍ലൈ​ന്‍ സ​ര്‍വേ​യു​ടെ ഭാ​ഗ​മാ​യി​ട്ടു​ണ്ട്. ഇ​തി​ല്‍ 391 പേ​രാ​ണ്(66%) സേ​വ​ന​ങ്ങ​ള്‍ മി​ക​ച്ച​താ​ണെ​ന്ന അ​ഭി​പ്രാ​യം പ​ങ്കു​വ​ച്ച​ത്. 123പേ​ര്‍ക്ക്(21%) ന​ല്ല​താ​ണെ​ന്ന അ​ഭി​പ്രാ​യ​മാ​ണ്. 
ഇ​ സേ​വ​ന​ങ്ങ​ള്‍ അ​പ​ര്യാ​പ്ത​മാ​ണെ​ന്ന അ​ഭി​പ്രാ​യം കേ​വ​ലം അ​ഞ്ചു​ശ​ത​മാ​നം പേ​ര്‍ക്ക് മാ​ത്ര​മാ​ണ്. അ​തേ​സ​മ​യം ഒമ്പ​ത് ശ​ത​മാ​ന​ത്തോ​ളം പേ​ര്‍ സേ​വ​ന​ങ്ങ​ള്‍ ഇ​നി​യും മെ​ച്ച​പ്പെ​ടേ​ണ്ട​തു​ണ്ടെ​ന്ന് ക​രു​തു​ന്നു.

Loading...
COMMENTS