മയക്കുമരുന്ന്​ കടത്ത്​; ഒമാനിൽ നാലുപേർ പിടിയിൽ

മസ്കത്ത്​: ആയിരത്തിലധികം മയക്കുമരുന്ന്​ പാക്കറ്റുകളുമായി രാജ്യത്തേക്ക്​ കടക്കാൻ ശ്രമിച്ച നാലുപേരെ റോയൽ ഒമാൻ പൊലീസ്​ അറസ്റ്റ്​ ചെയ്തു.

ദോഫാർ ഗവർണറേറ്റ്​ തീരത്തുനിന്നാണ്​ കോസ്റ്റ്​ ഗാർഡ്​ പൊലീസ്​ ഇവരെ പിടികൂടുന്നത്​. 'ഖാട്ട്​' മയക്കുമരുന്നി‍െൻറ 1709 പാക്കറ്റുകൾ ഇവരിൽനിന്ന്​ കണ്ടെടുത്തു.

ഇവർക്കെതിരെ നിയമനടപടി പൂർത്തീകരിച്ചു​ വരുകയാണെന്ന്​ അധികൃതർ അറിയിച്ചു.