സ​മാ​ധാ​ന​വും പ​രി​സ്ഥി​തി സ​ന്ദേ​ശ​വു​മാ​യി പ്രാ​വു​ക​ൾ പ​റ​ന്നു

ദോ​ഹ: പ​രി​സ്ഥി​തി​യും ജൈ​വ​വൈ​വി​ധ്യ​വും സം​ര​ക്ഷി​ക്കേ​ണ്ട​തി​ന്റെ പ്രാ​ധാ​ന്യം ബോ​ധ്യ​പ്പെ​ടു​ത്തി അ​ൽ റ​യ്യാ​ൻ മു​നി​സി​പ്പാ​ലി​റ്റി​യും കാ​യി​ക യു​വ​ജ​ന​കാ​ര്യ മ​ന്ത്രാ​ല​യ​വും ദോ​ഹ എ​ക്സ്​​പോ വേ​ദി​യി​ൽ പ്ര​തീ​കാ​ത്മ​ക പ​ക്ഷി പ​റ​ത്ത​ൽ ന​ട​ത്തി. ഖ​ത്ത​രി ഹോ​മി​ങ് പീ​ജി​യോ​ൺ അ​സോ​സി​യേ​ഷ​നു​മാ​യി സ​ഹ​ക​രി​ച്ചാ​യി​രു​ന്നു രാ​ജ്യ​ത്തി​ന്റെ പ​രി​സ്ഥി​തി, ജൈ​വ വൈ​വി​ധ്യ​ങ്ങ​ളു​ടെ സം​ര​ക്ഷ​ണ​ത്തി​ൽ ബോ​ധ​വ​ത്ക​ര​ണ​വു​മാ​യി പ്രാ​വു​ക​ളെ ആ​കാ​ശ​ത്തേ​ക്ക് തു​റ​ന്നു​വി​ട്ട​ത്. പ്രാ​ദേ​ശി​ക പ​രി​സ്ഥി​തി​യി​ൽ​നി​ന്നു​ള്ള ആ​യി​ര​ത്തോ​ളം പ​ക്ഷി​ക​ളെ ആ​കാ​ശ​ത്തേ​ക്ക് തു​റ​ന്നു​വി​ടു​ക എ​ന്ന​തും ഈ ​പ്ര​ചാ​ര​ണ കാ​മ്പ​യി​നി​ന്റെ ഭാ​ഗ​മാ​ണ്. വി​ദ്യാ​ർ​ഥി​ക​ളി​ൽ വ​ന്യ​ജീ​വി​ക​ളു​ടെ​യും ചു​റ്റു​പാ​ടു​മു​ള്ള ജീ​വ​ജാ​ല​ങ്ങ​ളു​ടെ​യും സം​ര​ക്ഷ​ണ​ത്തി​ന്റെ പാ​ഠ​ങ്ങ​ൾ പ​ക​രു​ക​യാ​ണ് ല​ക്ഷ്യ​​മെ​ന്ന് അ​ൽ റ​യാ​ൻ മു​നി​സി​പ്പാ​ലി​റ്റി ഡ​യ​റ​ക്ട​ർ ജ​ന​റ​ൽ ജാ​ബി​ർ അ​ൽ ജാ​ബി​ർ പ​റ​ഞ്ഞു. ഒ​പ്പം, പ്രാ​വു​ക​ളെ പ​റ​ത്തി​വി​ട്ട് ലോ​ക സ​മാ​ധാ​ന​മെ​ന്ന സ​ന്ദേ​ശ​വും ന​ൽ​കു​ന്നു.

ലോ​ക​ത്തി​നാ​കെ ഖ​ത്ത​റി​ൽ നി​ന്നു​ള്ള സ​​മാ​ധാ​ന സ​ന്ദേ​ശം പ​ക​രു​ക​യാ​ണെ​ന്ന് ഫ്ര​ണ്ട്സ് ഓ​ഫ് എ​ൻ​വ​യോ​ൺ​മെ​ന്റ് സെ​ന്റ​ർ എ​ക്സി​ക്യൂ​ട്ടി​വ് ഡ​യ​റ​ക്ട​ർ ഫ​ർ​ഹു​ദ് അ​ൽ ഹ​ജ്രി പ​റ​ഞ്ഞു.

പ്രാ​ദേ​ശി​ക പ​രി​സ്ഥി​തി​യും ജീ​വ​ജാ​ല​ങ്ങ​ളും സം​ര​ക്ഷി​ക്ക​പ്പെ​ടേ​ണ്ട​തി​ന്റെ സ​ന്ദേ​ശ​വും ഇ​തു​വ​ഴി ന​ൽ​കു​ന്നു​വെ​ന്നും അ​ദ്ദേ​ഹം വ്യ​ക്ത​മാ​ക്കി.