ഇനി ദോഹ വഴി യാത്ര ചെയ്യുന്നവർക്ക് സൗജന്യ സ്​റ്റോപ്പോവർ സൗകര്യം 

ദോഹ: രാജ്യത്തേക്ക്​ സഞ്ചാരികളെ സ്വാഗതം ചെയ്യുന്നതി​​െൻറ ഭാഗമായി, ഖത്തർ എയർവെയ്സ്​ വിമാനത്തിൽ ദോഹ വഴി യാത്ര ചെയ്യുന്നവർക്ക് സൗജന്യ സ്​റ്റോപ്പോവർ സൗകര്യം ഏർപ്പെടുത്തുന്നു.  ദോഹ വഴി കടന്നുപോകുന്നവർക്ക്​ ഇൗ പദ്ധതിയുടെ ഭാഗമായി സൗജന്യ ഹോട്ടൽ താമസമാണ്​ ടൂറിസം അതോറിറ്റിയുമായി സഹകരിച്ച് നൽകുന്നത്​. ഖത്തർ എയർവെയ്സ്​ വാർത്താ കുറിപ്പിൽ അറിയിച്ചതാണ്​ ഇക്കാര്യം. ഖത്തറിലേക്ക്​ കൂടുതൽ സന്ദർശകരെ ക്ഷണിക്കുന്നതി​​െൻറ ഭാഗമാണിതെന്നും ഖത്തർ എയർവെയ്സ് അധികൃതർ വാർത്താകുറിപ്പിൽ അറിയിച്ചു.  ദോഹ വഴി കടന്നുപോകുന്ന യാത്രികർക്ക്​ മാസങ്ങൾക്ക്​ മുമ്പ്​ മുതൽ ട്രാൻസിറ്റ് വിസ ഏർപ്പെടുത്തിയതോടെ മാർച്ചിൽ മുൻ വർഷത്തേക്കാൾ 53 ശതമാനം സന്ദർശകരുടെ വളർച്ചയാണ് രേഖപ്പെടുത്തിയത് ടൂറിസം അതോറിറ്റി ചീഫ് ടൂറിസം ഓഫീസർ ഹസൻ അൽ ഇബ്രാഹിം പറഞ്ഞു.

ഇൗ നേട്ടത്തി​െനാപ്പം സൗജന്യ സ്​റ്റോപ്പോവർ സൗകര്യം വരുന്നതും സഞ്ചാരികളുടെ കുത്തൊഴുക്കിന്​ കാരണമാകുമെന്നാണ്​ ടൂറിസം മേഖല കണക്കുകൂട്ടുന്നത്​്. പ്ലസ്​ ഖത്തർ ടുഡേ എന്ന പേരിൽ സൗജന്യസ്റ്റോപ്പ് ഓവർ യാഥാർത്ഥ്യമാകുന്നതോടെ, എയർപോർട്ട് വഴി യാത്ര ചെയ്യുന്ന 30 ദശലക്ഷം യാത്രക്കാരിൽ നല്ലൊരു പങ്കും രാജ്യത്തേക്ക്​ കടന്നുവരുമെന്നും 
പ്രതീക്ഷിക്കുന്നുണ്ട്​. സൗജന്യ സ്​റ്റോപ്പോവർ സൗകര്യ​ം ഉപയോഗപ്പെടുത്തുന്നവർക്ക്​ ഒരു ദിവസം ഖത്തറിൽ തങ്ങി സൗജന്യ  ഹോട്ടൽ താമസവും ഒരു ദിവസം രാജ്യത്തെ 
വിനോദ സഞ്ചാര മേഖലകൾ സന്ദർശിക്കാനും അവസരം ലഭിക്കും. ആഗസ്​റ്റ്​ 31ന് അകം ടിക്കറ്റ് ബുക്ക് ചെയ്യുന്നവർക്ക്​  ഹോട്ടൽ താമസം സപ്തംബർ 30 വരെ ഉപയോഗപ്പെടുത്താം. ഈദുൽ ഫിത്വർ, ഇദുൽ അദ്്ഹ അവധി ദിവസങ്ങളിൽ ഈ ഓഫർ ലഭിക്കില്ലെന്നും അധികൃതർ പറഞ്ഞു.

ഫസ്റ്റ്, ബിസിനസ്​ ക്ലാസ്​ യാത്രക്കാർക്ക് പഞ്ചനക്ഷത്ര ഹോട്ടലിലും എക്കോണമി ക്ലാസ്​ യാത്രക്കാർക്ക് ഫോർ സ്റ്റാർ ഹോട്ടലിലുമാണ് താമസം ലഭിക്കുക. തുടർന്നുള്ള യാത്രക്ക് ചുരുങ്ങിയത് 12 മണിക്കൂറെങ്കിലും സമയമുള്ളവർക്കാണ് ആനുകൂല്യം ലഭിക്കുക. 
ഇൗ ആനുകൂല്ല്യം 50 ഡോളർ നൽകി ഒരു ദിവസത്തേക്ക്​ കൂടി വർധിപ്പിക്കുകയും ചെയ്യാം. ഫോർ സീസൺ, മാരിയട്ട് മാർക്വിസ്​, റാഡിസൺ ബ്ലു, ഒറിക്സ്​ റൊട്ടാന  എന്നീ ഹോട്ടലുകളിലാണ് സഞ്ചാരികൾക്ക്​ താമസ സൗകര്യം ലഭിക്കുക. ഖത്തർ എയർവെയ്സ്​ വെബ്സൈറ്റിലെ ഗ്ലോബൽ 
ഹോം പേജിൽ മൾട്ടി സിറ്റി സെലക്ട് ചെയ്ത് ദോഹ വഴിയുള്ള യാത്രക്ക് ടിക്കറ്റ് ബുക്ക് ചെയ്യുന്നവർക്ക്​ ഇൗ സൗകര്യം ഉപയോഗപ്പെടുത്താം .ഖത്തർ എയർവെയ്സ്​ രൂപം നൽകിയ ഡിസ്​കവർ ഖത്വർ ഡസ്റ്റിനേഷൻ മാനേജ്മെൻ്റ് കമ്പനിയാണ് ടൂറിസം അതോറ്റിയുമായി ചേർന്ന് പുതിയ ആകർഷണീയമായ സേവനങ്ങൾ യാഥാർത്ഥ്യമാക്കുന്നത്​.