റെ​ക്കോ​ഡ് കു​റി​ച്ച് ക്രൂ​സ് സീ​സ​ൺ

ദോ​ഹ: യു​ദ്ധ​വും സം​ഘ​ർ​ഷ​വും ഉ​ൾ​പ്പെ​ടെ സ​ങ്കീ​ർ​ണ​മാ​യ സാ​ഹ​ച​ര്യ​ത്തി​ലും ഖ​ത്ത​റി​ലെ ക്രൂ​സ് സീ​സ​ണി​ൽ സ​ഞ്ചാ​രി​ക​ളു​ടെ ഒ​ഴു​ക്ക്. അ​ഞ്ചു മാ​സ​ത്തി​ലേ​റെ നീ​ണ്ടു നി​ന്ന ക്രൂ​സ് വി​നോ​ദ സ​ഞ്ചാ​ര സീ​സ​ൺ സ​മാ​പി​ച്ച​പ്പോ​ൾ ക​പ്പ​ലു​ക​ളു​ടെ​യും യാ​ത്ര​ക്കാ​രു​ടെ​യും വ​ര​വി​ൽ റെ​ക്കോ​ഡ് കു​റി​ച്ച​താ​യി മ​വാ​നി ഖ​ത്ത​ർ പു​റ​ത്തു​വി​ട്ട ക​ണ​ക്കു​ക​ൾ വ്യ​ക്ത​മാ​ക്കു​ന്നു. ന​വം​ബ​ർ ആ​ദ്യ വാ​ര​ത്തി​ൽ ആ​രം​ഭി​ച്ച ക്രൂ​സ് സീ​സ​ണി​ൽ ഇ​ത്ത​വ​ണ 87 ക​പ്പ​ലു​ക​ളി​ലാ​യി 3.96 ല​ക്ഷം യാ​ത്ര​ക്കാ​ർ ഖ​ത്ത​റി​ലെ​ത്തി. മു​ൻ സീ​സ​ണി​നെ അ​പേ​ക്ഷി​ച്ച് യാ​ത്ര​ക്കാ​രു​ടെ എ​ണ്ണ​ത്തി​ൽ അ​ഞ്ചു ശ​ത​മാ​നം വ​ർ​ധ​ന​യു​ണ്ടാ​യി. ക​പ്പ​ലു​ക​ളു​ടെ എ​ണ്ണ​ത്തി​ൽ 19 ശ​ത​മാ​ന​വും വ​ർ​ധ​ന​യു​ണ്ടാ​യി.

ക​ഴി​ഞ്ഞ വ​ർ​ഷ​ങ്ങ​ളി​ലാ​യി ക്രൂ​സ് വി​നോ​ദ സ​ഞ്ചാ​ര മേ​ഖ​ല​യി​ലെ ശ​ക്ത​മാ​യ കു​തി​പ്പാ​ണ് ക​ണ​ക്കു​ക​ൾ സാ​ക്ഷ്യ​പ്പെ​ടു​ത്തു​ന്ന​ത്. 95 ആ​ഡം​ബ​ര ക​പ്പ​ലു​ക​ള്‍ ഇ​ത്ത​വ​ണ​യെ​ത്തു​മെ​ന്നാ​യി​രു​ന്നു സീ​സ​ണി​ന്റെ തു​ട​ക്ക​ത്തി​ല്‍ അ​റി​യി​ച്ചി​രു​ന്ന​ത്. എ​ന്നാ​ല്‍, പ​ശ്ചി​മേ​ഷ്യ​യി​ലെ പ്ര​ക്ഷു​ബ്ധ​മാ​യ സാ​ഹ​ച​ര്യ​ങ്ങ​ള്‍ വി​ല​ങ്ങു​ത​ടി​യാ​യ​പ്പോ​ൾ എ​ണ്ണ​ത്തി​ൽ കു​റ​വു​ണ്ടാ​യി. എ​ന്നാ​ൽ, 2023നെ ​അ​പേ​ക്ഷി​ച്ച് ക​പ്പ​ലു​ക​ളു​ടെ എ​ണ്ണ​ത്തി​ല്‍ 19 ശ​ത​മാ​നം വ​ര്‍ധ​ന​യും രേ​ഖ​പ്പെ​ടു​ത്തി​യി​ട്ടു​ണ്ട്. 1800 സ​ഞ്ചാ​രി​ക​ളു​മാ​യി ഈ ​മാ​സം 12നെ​ത്തി​യ നോ​ര്‍വീ​ജി​യ​ന്‍ സ്കൈ ​ആ​ണ് അ​വ​സാ​ന​മെ​ത്തി​യ വ​മ്പ​ന്‍ ക​പ്പ​ല്‍.

ലോ​ക​ത്തെ പ്ര​മു​ഖ ആ​ഡം​ബ​ര ക​പ്പ​ലു​ക​ളെ​ല്ലാം ഇ​ത്ത​വ​ണ ഖ​ത്ത​ര്‍ തീ​ര​ത്ത് എ​ത്തി​യി​രു​ന്നു. മെ​യി​ൻ ഷീ​ഫ് ഫോ​ർ, എം.​എ​സ്.​സി യു​റി​ബി​യ, എ​യ്ഡ​പ്രി​മ, കോ​സ്റ്റ സ്മെ​റാ​ൾ​ഡ, സെ​ല​സ്റ്റി​യ​ൽ ജേ​ണി എ​ന്നീ അ​ത്യാ​ഡം​ബ​ര ക​പ്പ​ലു​ക​ൾ ​പ്ര​ധാ​ന സാ​ന്നി​ധ്യ​മാ​യി. അ​ഞ്ച് ക​പ്പ​ലു​ക​ൾ​ക്ക് ഇ​ത്ത​വ​ണ ദോ​ഹ തീ​ര​ത്തേ​ക്ക് ക​ന്നി​യാ​ത്ര​ക്കു​ള്ള അ​വ​സ​ര​വു​മു​ണ്ടാ​യി​രു​ന്നു.

ക്രൂ​സ് സ​ഞ്ചാ​രി​ക​ളെ പ്രോ​ത്സാ​ഹി​പ്പി​ക്കു​ന്ന​തി​ന്റെ ഭാ​ഗ​മാ​യി വി​പു​ല​മാ​യ ത​യാ​റെ​ടു​പ്പാ​ണ് ദോ​ഹ തു​റ​മു​ഖ​ത്ത് ഒ​രു​ക്കി​യ​ത്. ഗ​താ​ഗ​ത സൗ​ക​ര്യ​ങ്ങ​ൾ, ആ​ധു​നി​ക സ്വീ​ക​ര​ണ കേ​ന്ദ്രം, വേ​ഗ​ത്തി​ലു​ള്ള ന​ട​പ​ടി ക്ര​മ​ങ്ങ​ൾ, വി​വി​ധ ഭാ​ഷ​ക​ളി​ലെ ഇ​ൻ​ഫ​ർ​മേ​ഷ​ൻ പോ​യ​ന്റു​ക​ൾ എ​ന്നി​വ ല​ഭ്യ​മാ​ക്കി. ദേ​ശീ​യ മ്യു​സി​യം, സൂ​ഖ് വാ​ഖി​ഫ്, മു​ഷൈ​രി​ബ് ഡൗ​ൺ​ടൗ​ൺ ഉ​ൾ​പ്പെ​ടെ വേ​ഗ​ത്തി​ൽ എ​ത്തി​ച്ചേ​രാ​ൻ ക​ഴി​യു​ന്ന വി​നോ​ദ സ​ഞ്ചാ​ര കേ​ന്ദ്ര​ങ്ങ​ൾ പ്ര​ധാ​ന സ​വി​ശേ​ഷ​ത​യാ​ണ്.