ബം​ഗ​ളൂ​രു​വി​ൽ നി​ന്നു​ള്ള പ്ര​ധാ​ന യാ​ത്രാ​കേ​ന്ദ്ര​മാ​യി ദോ​ഹ

ദോ​ഹ: ബം​ഗ​ളൂ​രു രാ​ജ്യാ​ന്ത​ര വി​മാ​ന​ത്താ​വ​ള​ത്തി​ൽ​നി​ന്ന്​ ഏ​റ്റ​വും രാ​ജ്യാ​ന്ത​ര യാ​ത്ര​ക്കാ​ർ എ​ത്തു​ന്ന സ്ഥ​ല​ങ്ങ​ളു​ടെ പ​ട്ടി​ക​യി​ൽ ഇ​ടം​നേ​ടി ദോ​ഹ​യും.

ബാം​ഗ്ലൂ​ർ ഇ​ന്‍റ​ർ​നാ​ഷ​ന​ൽ എ​യ​ർ​പോ​ർ​ട്ട്​​ ലി​മി​റ്റ​ഡി​ന്​ കീ​ഴി​ലു​ള്ള കെം​പ​ഗൗ​ഡ രാ​ജ്യാ​ന്ത​ര വി​മാ​ന​ത്താ​വ​ള​ത്തി​ന്‍റെ യാ​ത്രി​ക​രു​ടെ പ​ട്ടി​ക പു​റ​ത്തു​വി​ട്ട​പ്പോ​ൾ ആ​കെ രാ​ജ്യാ​ന്ത​ര യാ​ത്രി​ക​രി​ൽ 70 ശ​ത​മാ​ന​വും ദോ​ഹ ഉ​ൾ​പ്പെ​ടെ ആ​റ്​ ന​ഗ​ര​ങ്ങ​ളി​ലേ​ക്കാ​ണു​ള്ള​ത്. ​​ദു​ബൈ, മാ​ലി, ല​ണ്ട​ൻ, ഫ്രാ​ങ്ക്​​ഫു​ർ​ട്ട്​ ന​ഗ​ര​ങ്ങ​ളാ​ണ്​ ബം​ഗ​ളൂ​രു​വി​ൽ​നി​ന്നു​ള്ള യാ​ത്ര​ക്കാ​രു​ടെ മ​റ്റ്​ ഇ​ഷ്ട രാ​ജ്യാ​ന്ത​ര ല​ക്ഷ്യ​സ്ഥാ​ന​ങ്ങ​ൾ.

കോ​വി​ഡി​ന്‍റെ ര​ണ്ടാം ത​രം​ഗ​ത്തി​ൽ രാ​ജ്യാ​ന്ത​ര യാ​ത്രാ മാ​ർ​ഗ​ങ്ങ​ളെ​ല്ലാം മു​ട​ങ്ങി​യ​പ്പോ​ൾ, ഇ​ന്ത്യ​ക്കാ​ർ​ക്ക്​ വ​ഴി തു​റ​ന്നു​ന​ൽ​കി​യാ​ണ്​ ദോ​ഹ ഇ​ന്ത്യ​ൻ ന​ഗ​ര​ങ്ങ​ളി​ൽ​നി​ന്നു​ള്ള പ്ര​ധാ​ന ഹ​ബാ​യി മാ​റി​യ​ത്. ​കോ​വി​ഡ്​ നി​യ​ന്ത്ര​ണ​ങ്ങ​ൾ പാ​ലി​ച്ചു​കൊ​ണ്ട്​ ഇ​ന്ത്യ​ക്കാ​ർ ഉ​ൾ​പ്പെ​ടെ എ​ല്ലാ രാ​ജ്യ​ക്കാ​രെ​യും ഖ​ത്ത​ർ സ്വാ​ഗ​തം ചെ​യ്ത​പ്പോ​ൾ, വി​ദേ​ശ യാ​ത്ര​ക​ളി​ലേ​ക്കു​ള്ള ട്രാ​ൻ​സി​റ്റ്​ ഹ​ബാ​യും ദോ​ഹ മാ​റി. സൗ​ദി, ഒ​മാ​ൻ, യു.​എ.​ഇ, കു​വൈ​ത്ത്​ തു​ട​ങ്ങി​യ ഗ​ൾ​ഫ്​ രാ​ജ്യ​ങ്ങ​ളി​ലേ​ക്കും കാ​ന​ഡ, യൂ​റോ​പ്പ്​ തു​ട​ങ്ങി​യ രാ​ജ്യ​ങ്ങ​ളി​ലേ​ക്കു​മു​ള്ള ഇ​ന്ത്യ​ക്കാ​ർ ഏ​റെ​യും ദോ​ഹ​യി​ലെ​ത്തി ക്വാ​റ​ന്‍റീ​ൻ പൂ​ർ​ത്തി​യാ​ക്കി​യാ​ണ്​ ക​ഴി​ഞ്ഞ വ​ർ​ഷ​ങ്ങ​ളി​ൽ ല​ക്ഷ്യ​സ്ഥാ​ന​ങ്ങ​ളി​ലേ​ക്ക്​ സ​ഞ്ച​രി​ച്ച​ത്.

17.7 ദ​ശ​ല​ക്ഷം യാ​ത്ര​ക്കാ​രാ​ണ്​ 2021ൽ ​ദോ​ഹ ഹ​മ​ദ്​ രാ​ജ്യാ​ന്ത​ര വി​മാ​ന​ത്താ​വ​ള​ത്തി​ലെ​ത്തി​യ​ത്​ എ​ന്നാ​ണ്​ റി​പ്പോ​ർ​ട്ട്.

മു​ൻ വ​ർ​ഷ​ങ്ങ​ളേ​ക്കാ​ൾ 41.37 ശ​ത​മാ​നം വ​ർ​ധ​ന​വാ​ണി​ത്. നി​ല​വി​ൽ ദോ​ഹ​യി​ൽ​നി​ന്നും 156 ന​ഗ​ര​ങ്ങ​ളി​ലേ​ക്ക്​ വി​മാ​സ സ​ർ​വി​സു​ക​ളു​ണ്ട്.

ധാ​ക്ക, മാ​ലി, ​കാ​ഠ്​​മ​ണ്ഡു, ല​ണ്ട​ൻ എ​ന്നീ ന​ഗ​ര​ങ്ങ​ളാ​ണ്​ ദോ​ഹ​യി​ൽ​നി​ന്ന്​ ഏ​റ്റ​വും കൂ​ടു​ത​ൽ​പേ​ർ യാ​ത്ര​ചെ​യ്ത വി​മാ​ന​ത്താ​വ​ള​ങ്ങ​ൾ.

2021ലെ ​പ്ര​തീ​ക്ഷ ന​ൽ​കു​ന്ന സാ​ഹ​ച​ര്യ​ത്തി​ൽ​നി​ന്ന്​ 2022ൽ ​രാ​ജ്യാ​ന്ത​ര യാ​ത്ര​ക​ൾ കൂ​ടു​ത​ൽ സു​ഖ​മാ​വു​മെ​ന്ന്​ പ്ര​തീ​ക്ഷി​ക്കു​ന്ന​താ​യി 'ബി​യാ​ൽ' എം.​ഡി​യും സി.​ഇ.​ഒ​യു​മാ​യ ഹ​രി മാ​രാ​ർ പ​റ​ഞ്ഞു. ആ​ഭ്യ​ന്ത​ര യാ​ത്ര​ക​ളി​ൽ 40 ശ​ത​മാ​ന​വും ഡ​ൽ​ഹി, കൊ​ൽ​ക്ക​ത്ത, ഹൈ​ദ​രാ​ബാ​ദ്​ ഗോ​വ ന​ഗ​ര​ങ്ങ​ളി​ലേ​ക്കാ​യി​രു​ന്നു.