ഇൗ സീസണിൽ ദോഹ തുറമുഖത്ത് എത്തുക 42 ആഢംബരക്കപ്പലുകൾ
text_fieldsദോഹ: രാജ്യത്തേക്ക് ഇൗ സീസണിൽ ആഢംബരക്കപ്പലുകളിൽ എത്തുന്ന സഞ്ചാരികളുടെ എണ്ണത്തിൽ വൻ വർധനയുണ്ടാകും. ഒക്ടോബർ രണ്ടിന് ആരംഭിച്ച ക്രൂയിസ് സീസൺ മേയ് പത്തിന് അവസാനിക്കുേമ്പാേഴക്കും 42 ആഢംബരക്കപ്പലുകളാണ് ദോഹ തുറമുഖത്ത് അടുക്കുകയെന്ന് ഖത്തർ പോർട്ട്സ് മാനേജ്മെൻറ് കമ്പനി (മവാനി ഖത്തർ) അറിയിച്ചു. ഒക്ടോബർ രണ്ടിന് ബൗഡിക്ക എന്ന ആഢംബര കപ്പൽ എത്തിയതോടെയാണ് സീസൺ തുടങ്ങിയത്. നവംബർ അഞ്ചിന് അസാമാര ഗസ്റ്റ് തുറമുഖത്തെത്തും. 2019 മേയ് പത്തിന് സീബോൺ എൻകോർ ദോഹ തുറമുഖത്ത് എത്തുന്നതോടെയാണ് സീസണിന് അവസാനമാകുക. മേയ്ൻ ഷിഫ് 4 എന്ന ആഢംബര കപ്പൽ സഞ്ചാരികളുമായി പത്ത് തവണ ദോഹ തുറമുഖത്ത് നങ്കൂരമിടുേമ്പാൾ എം.എസ്.സി ലിറിക, എ.െഎ.ഡി.എ പ്രിമ എന്നിവ എട്ട് തവണ വീതം രാജ്യത്തേക്ക് എത്തും. ഡിസംബറിലാണ് ഏറ്റവും കൂടുതൽ കപ്പലുകൾ എത്തുക. ഒമ്പത് ആഢംബര കപ്പലുകളാണ് സഞ്ചാരികളുമായി ഡിസംബറിൽ ദോഹയിലേക്ക് എത്തുന്നത്. ക്രൂയിസ് സഞ്ചാരികൾക്കായി വലിയ തോതിലുള്ള സൗകര്യങ്ങളാണ് ഏർപ്പെടുത്തിയിട്ടുള്ളത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.