‘മാ​ന​സി​ക സ​മ്പ​ത്ത്’ പ്ര​മേ​യ​ത്തി​ൽ ച​ർ​ച്ച സം​ഗ​മ​ങ്ങ​ൾ

ദോ​ഹ: ആ​ധു​നി​ക ലോ​ക​ത്ത് ശാ​രീ​രി​ക ആ​രോ​ഗ്യം​പോ​ലെ ത​ന്നെ അ​തി​പ്ര​ധാ​ന​മാ​ണ് മാ​ന​സി​ക ആ​രോ​ഗ്യ​മെ​ന്ന സ​ന്ദേ​ശ​വു​മാ​യി രി​സാ​ല സ്റ്റ​ഡി സ​ർ​ക്കി​ളി​ന്റെ നേ​തൃ​ത്വ​ത്തി​ൽ ച​ർ​ച്ച സം​ഗ​മ​ങ്ങ​ൾ സം​ഘ​ടി​പ്പി​ച്ചു. ജോ​ലി, കു​ടും​ബം, മ​ക്ക​ൾ എ​ന്നി​ങ്ങ​നെ വ്യ​ത്യ​സ്ത ചു​റ്റു​പാ​ടു​ക​ളി​ൽ നി​ര​ന്ത​രം ഇ​ട​പെ​ടു​ന്ന പ്ര​വാ​സി​ക​ൾ​ക്കി​ട​യി​ൽ ‘സ​മൃ​ദ്ധ​മാ​യ മ​ന​സ്സ്, മാ​ന​സി​ക സ​മ്പ​ത്ത്’ എ​ന്ന പ്ര​മേ​യ​ത്തി​ലാ​യി​രു​ന്നു സം​ഗ​മ​ങ്ങ​ൾ. പ്ര​വാ​സി​ക​ളി​ലെ മാ​ന​സി​ക സം​ഘ​ർ​ഷ​ങ്ങ​ൾ, ജോ​ലി​യി​ലെ പി​രി​മു​റു​ക്ക​ങ്ങ​ൾ തു​ട​ങ്ങി​യ​വ മ​ന​സ്സി​നെ നി​യ​ന്ത്രി​ക്കാ​ൻ പ​ഠി​ക്കു​ന്ന​തി​ലൂ​ടെ പ​രി​ഹ​രി​ക്കാ​ൻ ക​ഴി​യു​മെ​ന്ന് വി​ദ​ഗ്ധ​ർ അ​ഭി​പ്രാ​യ​പ്പെ​ട്ടു.

ഡോ. ​ടോ​ക്ക്, സ്റ്റു​ഡ​ന്റ​സ് ടോ​ക്ക്, സോ​ഷ്യ​ൽ ടോ​ക്ക് എ​ന്നി​ങ്ങ​നെ​യാ​യി വി​വി​ധ സെ​ഷ​നു​ക​ൾ​ക്ക് പ്ര​മു​ഖ ഡോ​ക്ട​ർ​മാ​ർ, അ​ധ്യാ​പ​ക​ർ, സാ​മൂ​ഹി​ക സാം​സ്കാ​രി​ക നേ​താ​ക്ക​ൾ തു​ട​ങ്ങി​യ​വ​ർ നേ​തൃ​ത്വം ന​ൽ​കി. രി​സാ​ല സ്റ്റ​ഡി സ​ർ​ക്കി​ൾ 22 രാ​ജ്യ​ങ്ങ​ളി​ൽ ഒ​രു മാ​സ​ക്കാ​ല​മാ​യി ന​ട​ന്നു​വ​രു​ന്ന ‘മൈ​ൻ​ഡ് യു​വ​ർ മൈ​ൻ​ഡ്’ കാ​മ്പ​യി​നോ​ട്‌ അ​നു​ബ​ന്ധ​മാ​യി ഖ​ത്ത​റി​ൽ പ്ര​ഫ​ഷ​ന​ൽ മീ​റ്റ്, ലേ​ബ​ർ ക്യാ​മ്പ്‌ വി​സി​റ്റ്, സ്റ്റു​ഡ​ന്റ​സ് മീ​റ്റ്, ഫാ​മി​ലി ഹാ​ർ​മ​ണി മീ​റ്റ്, മോ​റാ​ലി​സ് മീ​റ്റ്, പാ​ര​ന്റ്സ് മീ​റ്റ്, വാ​ക്ക​ത്ത​ൺ എ​ന്നീ പ​രി​പാ​ടി​ക​ൾ സം​ഘ​ടി​പ്പി​ച്ചു. കാ​മ്പ​യി​ൻ സ​മാ​പ​ന സം​ഗ​മം ‘മൈ​ൻ​ഡ് വെ​ൽ മീ​റ്റ്’ ഖ​ത്ത​റി​ലെ 14 കേ​ന്ദ്ര​ങ്ങ​ളി​ൽ ന​ട​ന്നു.