പു​തു​മോ​ടി​യി​ൽ അ​റി​വി​ന്റെ ഗോ​പു​രം

ദോ​ഹ: ഖ​ത്ത​റി​ന്റെ​യും പേ​ർ​ഷ്യ​ൻ ഗ​ൾ​ഫ് മേ​ഖ​ല​യു​ടെ​യും ആ​ദ്യ​പുസ്തകാലയ​മാ​യ ദാ​ർ അ​ൽ കു​തു​ബ് അ​ൽ ഖ​ത്ത​രി​യ ന​വീ​ക​ര​ണ​ത്തി​നു ശേ​ഷം വീ​ണ്ടും തു​റ​ന്നു. പ്ര​ധാ​ന​മ​ന്ത്രി​യും വി​ദേ​ശ​കാ​ര്യ​മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​ർ​റ​ഹ്മാ​ൻ ബി​ൻ ജാ​സിം ആ​ൽ ഥാ​നി ഉ​ദ്ഘാ​ട​നം നി​ർ​വ​ഹി​ച്ചു.

സാം​സ്കാ​രി​ക മ​ന്ത്രി ശൈ​ഖ് അ​ബ്ദു​ർ​റ​ഹ്മാ​ൻ ബി​ൻ ഹ​മ​ദ് ആ​ൽ ഥാ​നി, മു​തി​ർ​ന്ന ഉ​ദ്യോ​ഗ​സ്ഥ​ർ എ​ന്നി​വ​ർ പ​​ങ്കെ​ടു​ത്ത ച​ട​ങ്ങി​ലാ​യി​രു​ന്നു മേ​ഖ​ല​യു​ടെ​ത്ത​ന്നെ ആ​ദ്യ​ത്തെ വാ​യ​ന​കേ​ന്ദ്രം തു​റ​ന്നു ന​ൽ​കി​യ​ത്. ഉ​ദ്ഘാ​ട​ന​​ത്തോ​ട​നു​ബ​ന്ധി​ച്ച് ‘ഖ​ത്ത​രി പ​ബ്ലി​ഷി​ങ് ഹൗ​സ​സ്’ എ​ന്ന പേ​രി​ൽ പ്ര​ദ​ർ​ശ​ന​വും സം​ഘ​ടി​പ്പി​ച്ചു.

ഖ​ത്ത​റി​ലെ അ​പൂ​ർ​വ​മാ​യ പു​സ്ത​ക ശേ​ഖ​ര​ങ്ങ​ൾ, കൈ​യെ​ഴു​ത്ത് രേ​ഖ​ക​ൾ ഉ​ൾ​പ്പെ​ടെ അ​മൂ​ല്യ​മാ​യ പു​സ്ത​ക​ങ്ങ​ളും എ​ഴു​ത്തു​പ്ര​തി​ക​ളും പ്ര​ദ​ർ​ശി​പ്പി​ച്ചു.

ഖ​ത്ത​റി​ലെ​യും ഗ​ൾ​ഫ് മേ​ഖ​ല​യി​ലെ​യും ഏ​റ്റ​വും പ​ഴ​ക്കം ചെ​ന്ന ലൈ​ബ്ര​റി​ക​ളി​ൽ ഒ​ന്നാ​ണ് ദാ​ർ അ​ൽ കു​തു​ബ്. 2012ൽ ​ഖ​ത്ത​ർ ദേ​ശീ​യ ലൈ​ബ്ര​റി തു​റ​ക്കു​ന്ന​തു വ​രെ രാ​ജ്യ​ത്തി​ന്റെ നാ​ഷ​ന​ൽ ലൈ​ബ്ര​റി എ​ന്ന പ​ദ​വി​യും ദാ​ർ അ​ൽ കു​തു​ബി​നാ​യി​രു​ന്നു.

1962 ഡി​സം​ബ​റി​ൽ കോ​ർ​ണി​ഷി​ൽ​നി​ന്ന് അ​ധി​കം ദൂ​രെ​യ​ല്ലാ​തെ ഗ്രാ​ൻ​ഡ് ഹ​മ​ദ് സ്ട്രീ​റ്റി​ൽ ആ​രം​ഭി​ച്ച ഈ ​അ​ക്ഷ​ര സ​മു​ച്ച​യം ഗ​ൾ​ഫ് മേ​ഖ​ല​യി​ലെ​ത്ത​ന്നെ ആ​ദ്യ​ത്തെ പൊ​തു പു​സ്ത​കാ​ല​യ​ങ്ങ​ളി​ൽ ഒ​ന്നാ​യി മാ​റി. 1982ലാ​യി​രു​ന്നു നാ​ഷ​ന​ൽ ലൈ​ബ്ര​റി പ​ദ​വി അ​മീ​രി ഉ​ത്ത​ര​വി​ലൂ​ടെ ല​ഭി​ക്കു​ന്ന​ത്.

പു​സ്ത​ക ശേ​ഖ​ര​ങ്ങ​ൾ വ​ർ​ധി​ക്കു​ക​യും, വാ​യ​ന​ക്കാ​രു​ടെ എ​ണ്ണം പെ​രു​കു​ക​യും ചെ​യ്ത​തോ​ടെ പു​തി​യ കാ​ല​ത്തി​നൊ​ത്ത ലൈ​ബ്ര​റി​യാ​യി ഖ​ത്ത​ർ നാ​ഷ​ന​ൽ ലൈ​ബ്ര​റി എ​ജു​ക്കേ​ഷ​ൻ സി​റ്റി​യി​ൽ ഉ​യ​രാ​ൻ തു​ട​ങ്ങി​യ​തോ​ടെ​യാ​ണ് ദാ​ർ അ​ൽ കു​തു​ബ് നി​റം മ​ങ്ങി​ത്തു​ട​ങ്ങി​യ​ത്. 2012ൽ ​ക്യു.​എ​ൻ.​എ​ൽ ഉ​ദ്ഘാ​ട​നം ചെ​യ്യ​പ്പെ​ട്ട​തോ​ടെ ദാ​ർ അ​ൽ കു​തു​ബി​ന്റെ ദേ​ശീ​യ ലൈ​ബ്ര​റി പ​ദ​വി മാ​റി.

തു​ട​ർ​ന്ന് ലൈ​ബ്ര​റി മ്യൂ​സി​യ​മാ​യി നി​ല​നി​ർ​ത്താ​നു​ള്ള നി​ർ​ദേ​ശ​ത്തെ തു​ട​ർ​ന്നാ​ണ് ന​വീ​ക​ര​ണം പൂ​ർ​ത്തി​യാ​ക്കി പു​തു​മോ​ടി​യും പ്ര​താ​പ​വും ഉ​ൾ​ക്കൊ​ണ്ട് ദാ​ർ അ​ൽ കു​തു​ബ് വീ​ണ്ടും ത​ല​യു​യ​ർ​ത്തു​ന്ന​ത്. രാ​ജ്യ​ത്തി​ന്റെ സാം​സ്കാ​രി​ക- ബൗ​ദ്ധി​ക പൈ​തൃ​കം സം​ര​ക്ഷി​ക്കു​ന്ന​തി​ന്റെ ഭാ​ഗ​മാ​യി ആ​ധു​നി​ക സാ​ങ്കേ​തി​ക സം​വി​ധാ​ന​ങ്ങ​ൾ​കൂ​ടി ഉ​ൾ​ക്കൊ​ണ്ടാ​ണ് ദാ​ർ അ​ൽ കു​തു​ബ് ന​വീ​ക​രി​ച്ച​ത്.