സംസ്​കൃതി- സി.വി. ശ്രീരാമൻ പുരസ്​കാരം ദിവ്യ പ്രസാദിന്​

ദോഹ: സി.വി ശ്രീരാമ​​​െൻറ സ്​മരണാർഥം സംസ്​കൃതി ഏർപ്പെടുത്തിയ സംസ്​കൃതി^ സി.വി. ശ്രീരാമൻ സാഹിത്യ പുരസ്​കാരത്തിന്​ ഒമാനിലെ മസ്​കത്തിൽ താമസിക്കുന്ന ദിവ്യ പ്രസാദ്​ അർഹയായി. മലപ്പുറം ജില്ലയിലെ ചങ്ങരംകുളം സ്വദേശിനിയായ ദിവ്യയുടെ ​‘പോർച്ചിലമ്പ്​’ എന്ന ചെറുകഥയാണ്​ അവാർഡിന്​ അർഹത നേടിയതെന്ന്​ സംഘാടകർ വാർത്തസമ്മേളനത്തിൽ അറിയിച്ചു. 50000 രൂപയും പ്രശസ്​തി പത്രവും അടങ്ങുന്ന പുരസ്​കാരം നവംബർ രണ്ടിന്​ ​െഎ.സി.സി അശോക ഹാളിൽ നടക്കുന്ന കേരളോത്സവം പരിപാടിയിൽ അശോകൻ ചരുവിൽ സമ്മാനിക്കും. ആറ്​ ജി.സി.സി രാജ്യങ്ങളിൽ നിന്ന്​ 55ഒാളം കഥകളിൽ നിന്നാണ്​ ദിവ്യ പ്രസാദി​​​െൻറ കഥ തെരഞ്ഞെടുക്കപ്പെട്ടത്​. അശോകൻ ചരുവിൽ, പ്രൊഫ. സി.പി. അബൂബക്കർ, ശ്രീകുമാർ മേനോത്ത്​ എന്നിവർ അടങ്ങിയ ജൂറിയാണ്​ അവാർഡ്​ ​േജതാവിനെ തെരഞ്ഞെടുത്തത്​. കേര​േളാത്സവത്തിൽ സംസ്​കൃതി അംഗങ്ങളുടെ മക്കളിൽ നിന്ന്​ ഉന്നത വിജയം നേടിയവരെ ആദരിക്കും. ഇതോടൊപ്പം വിവിധ കലാപരിപാടികളും അരങ്ങേറും. സംസ്‌കൃതി പ്രസിഡൻറ്​ എ.സുനിൽ , ജനറൽ സെക്രട്ടറി വിജയകുമാർ, കേരള പ്രവാസി ക്ഷേമനിധി ബോർഡ് ഡയറക്ടർ കെ.കെ ശങ്കരൻ , സംസ്‌കൃതി കലാ വിഭാഗം കൺവീനർ ഇ.എം സുധീർ എന്നിവർ വാർത്തസമ്മേളനത്തിൽ സംബന്ധിച്ചു.