സംസ്​കൃതി–സി.വി. ശ്രീരാമൻ സാഹിത്യപുരസ്​കാരം ബീനക്ക്​

ദോഹ: സാഹിത്യകാരൻ സി.വി. ശ്രീരാമ​െൻറ സ്​മരണാർഥം ഖത്തർ സംസ്​കൃതി ഏർ​െപ്പടുത്തിയ ഏഴാമത്​ സംസ്​കൃതി സി.വി. ശ്രീരാമൻ സാഹിത്യപുരസ്​കാരത്തിന്​ സൗദി പ്രവാസി എഴുത്തുകാരി ബീന അർഹയായി.'സെറാമിക്​ സിറ്റി' എന്ന ചെറുകഥക്കാണ്​ പുരസ്​കാരം. കാസർകോട്​ കാഞ്ഞങ്ങാട്​ സ്വദേശിനിയായ ബീന 14 വർഷമായി സൗദിയിലെ റിയാദ്​ ഇൻറർനാഷനൽ ഇന്ത്യൻ സ്​കൂൾ അധ്യാപികയാണ്​.'തീരെ ചെറിയ ചിലർ ജീവിച്ചതി​െൻറ മുദ്രകൾ', 'ഒസ്സാത്തി' എന്നീ നോവലുകളാണ്​ ബീനയുടെ ഇതുവരെ പ്രസിദ്ധീകരിച്ച കൃതികൾ. 50,000 രൂപയും പ്രശസ്​തിഫലകവുമടങ്ങുന്ന പുരസ്​കാരം നവംബർ 20ന്​ ദോഹ സമയം വൈകീട്ട്​ 5.30ന്​ സൂമിലൂടെ നടക്കുന്ന സംസ്​കൃതി കേരളോത്സവം പരിപാടിയിൽ സമ്മാനിക്കും. സംസ്​കൃതി അംഗങ്ങളുടെ വിവിധ കലാപരിപാടികളും ഉണ്ടാകും.

ജി.സി.സി രാജ്യങ്ങളിൽ താമസക്കാരായ 18 വയസ്സിനുമുകളിലുള്ള പ്രവാസിമലയാളികളുടെ മുമ്പ്​ പ്രസിദ്ധീകരിച്ചിട്ടില്ലാത്ത മൗലിക രചനകളാണ്​ അവാർഡിന്​ പരിഗണിച്ചത്​. ഖത്തർ, യു.എ.ഇ, സൗദി, ബഹ്​റൈൻ, ഒമാൻ എന്നീ രാജ്യങ്ങളിൽനിന്നായി 62 കഥകളാണ്​ ഇത്തവണ മത്സരത്തിനുണ്ടായിരുന്നത്​.എഴുത്തുകാരായ അശോകൻ ചരുവിൽ, ഇ.പി. രാജഗോപാലൻ, ചെറുകഥാകൃത്ത്​ അഷ്​ടമൂർത്തി എന്നിവരടങ്ങുന്ന ജൂറിയാണ്​ പുരസ്​കാരജേതാവിനെ തെരഞ്ഞെടുത്തത്​.വാർത്തസമ്മേളനത്തിൽ സംസ്​കൃതി പ്രസിഡൻറ്​ എ. സുനിൽകുമാർ, ട്രഷറർ സന്തോഷ്​ തൂണേരി, പുരസ്​കാരസമിതി കൺവീനർ ഇ.എം. സുധീർ എന്നിവർ പ​ങ്കെടുത്തു.