ഖ​ത്ത​റി​ൽ നി​ന്ന് ഒ​മാ​നി​ലേ​ക്കും കു​വൈ​ത്തി​ലേ​ക്കും ക്രൂ​യി​സ്​ ക​പ്പ​ൽ സ​ർ​വീ​സ്​ ഉ​ട​ൻ

ദോ​ഹ: ഒ​മാ​നി​ലേ​ക്കും കു​വൈ​ത്തി​ലേ​ക്കും ആ​ഢം​ബ​ര ക്രൂ​യി​സ്​ ക​പ്പ​ൽ വ​ഴി ഒ​രു യാ​ത്ര​യാ​യാ​ലോ. അ​തി​ നു​ള്ള ത​യ്യാ​റെ​ടു​പ്പി​ലാ​ണ് ഖ​ത്ത​ർ ഗ​താ​ഗ​ത വാ​ർ​ത്താ​വി​ത​ര​ണ മ​ന്ത്രാ​ല​യം. ഖ​ത്ത​റി​ൽ നി​ന്നും ഒ​മാ ​നി​ലേ​ക്കും കു​വൈ​ത്തി​ലേ​ക്കു​മു​ള്ള ക്രൂ​യി​സ്​ ക​പ്പ​ൽ സ​ർ​വീ​സ്​ ര​ണ്ടാ​ഴ്ച​ക്ക​കം ആ​രം​ഭി​ക്കു​മെ​ ന്നാ​ണ് ഏ​റ്റ​വും പു​തി​യ റി​പ്പോ​ർ​ട്ടു​ക​ൾ സൂ​ചി​പ്പി​ക്കു​ന്ന​ത്. സ​ർ​വീ​സ്​ ആ​രം​ഭി​ക്കു​ന്ന​തോ​ടെ ഗ​ൾ​ഫ് മേ​ഖ​ല​യി​ലെ പ്ര​ഥ​മ അ​ന്താ​രാ​ഷ്ട്ര ക്രൂ​യി​സ്​ ക​പ്പ​ൽ സ​ർ​വീ​സാ​യി ഇ​ത് അ​റി​യ​പ്പെ​ടും. 870 യാ​ത്ര ​ക്കാ​രെ​യും 670 കാ​റു​ക​ളെ​യും വ​ഹി​ക്കാ​ൻ ശേ​ഷി​യു​ള്ള 145 മീ​റ്റ​ർ നീ​ള​മു​ള്ള ‘ഗ്രാ​ൻ​ഡ് ഫെ​റി’ ക്രൂ​യി​സ് ​ ക​പ്പ​ലാ​ണ് സ​ർ​വീ​സി​ന് ത​യ്യാ​റാ​യി​ട്ടു​ള്ള​ത്.
ദോ​ഹ തു​റ​മു​ഖ​ത്ത് ന​ങ്കൂ​ര​മി​ട്ടി​രി​ക്കു​ന്ന ഗ്രാ​ൻ​ഡ് ഫെ​റി ക​പ്പ​ലി​ലെ​ത്തി​യ ഗ​താ​ഗാ​ത വാ​ർ​ത്താ​വി​ത​ര​ണ മ​ന്ത്രി ജാ​സിം ബി​ൻ സൈ​ഫ് അ​ൽ സു​ലൈ​തി ക​പ്പ​ലി​നു​ള്ളി​ലെ സൗ​ക​ര്യ​ങ്ങ​ൾ കഴിഞ്ഞ ദിവസം വീ​ക്ഷി​ക്കു​ക​യും വി​ല​യി​രു​ത്തു​ക​യും ചെ​യ്തു. കൂ​ടു​ത​ൽ ആ​ളു​ക​ളെ അ​ങ്ങോ​ട്ടു​മി​ങ്ങോ​ട്ടും എ​ത്തി​ക്കു​ന്ന​തി​ലൂ​ടെ ഇ​രു​രാ​ജ്യ​ങ്ങ​ളു​മാ​യു​ള്ള ബ​ന്ധം ശ​ക്തി​പ്പെ​ടു​ത്താ​നാ​ണ് ഉ​ദ്ദേ​ശി​ക്കു​ന്ന​ത്​. ഗ​ൾ​ഫ് മേ​ഖ​ല​യി​ൽ ഇ​താ​ദ്യ​മാ​യാ​ണ് ക്രൂ​യി​സ്​ സ​ർ​വീ​സെ​ന്ന്​ ക​പ്പ​ലു​ട​മ ഫൈ​സ​ൽ മു​ഹ​മ്മ​ദ് അ​ൽ സു​ലൈ​തി പ​റ​ഞ്ഞു. പു​തി​യ സ​ർ​വീ​സ്​ വ​ലി​യ വി​ജ​യ​മാ​കു​മെ​ന്ന കാ​ര്യ​ത്തി​ൽ ഉ​റ​പ്പ് പ​റ​യാ​ൻ ക​ഴി​യു​ം. നി​ല​വി​ൽ ഇ​ത്ത​ര​ത്തി​ലു​ള്ള യാ​ത്ര​ക്ക് ആ​വ​ശ്യ​ക്കാ​രേ​റെ​യാ​ണ്​. പ്ര​ഥ​മ ഘ​ട്ട​ത്തി​ൽ ഒ​മാ​ൻ, കു​വൈ​ത്ത് രാ​ജ്യ​ങ്ങ​ളി​ലേ​ക്കാ​യി​രി​ക്കും ക​പ്പ​ൽ സ​ർ​വീ​സ്​. ആ​വ​ശ്യ​ക്കാ​രു​ണ്ടെ​ങ്കി​ൽ സാ​ധ്യ​ത​യ​നു​സ​രി​ച്ച് റൂ​ട്ട് ഇ​റാ​നി​ലേ​ക്ക് കൂ​ടി ദീ​ർ​ഘി​പ്പി​ക്കു​മെ​ന്നും ഫൈ​സ​ൽ അ​ൽ സു​ലൈ​തി വ്യ​ക്ത​മാ​ക്കി.
ഉ​പ​രോ​ധ​ത്തി​ന് ശേ​ഷം അ​തി​ർ​ത്തി വ​ഴി അ​യ​ൽ​രാ​ജ്യ​ങ്ങ​ളി​ലേ​ക്കു​ള്ള ൈഡ്ര​വിം​ഗി​ന് പ​രി​മി​തി​ക​ളു​ണ്ട്​. സ്വ​ന്തം കാ​റു​ക​ളി​ൽ അ​യ​ൽ​രാ​ജ്യ​ങ്ങ​ൾ സ​ന്ദ​ർ​ശി​ക്കാ​നു​ള്ള സു​വ​ർ​ണാ​വ​സ​രം കൂ​ടി​യാ​ണ് ക്രൂയിസ്​ കപ്പൽ വ​ഴി വ​രാ​നി​രി​ക്കു​ന്ന​തെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. 237 റൂ​മു​ക​ളു​ള്ള ബോ​ട്ടി​ൽ സി​നി​മ ഹാ​ൾ, മീ​റ്റിം​ഗ് റൂ​മു​ക​ൾ, റെ​സ്​​റ്റോ​റ​ൻ​റ്, ക​ഫേ, ഡോ​ക്ട​ർ​മാ​രും ന​ഴ്സു​മാ​രു​മു​ൾ​പ്പെ​ടു​ന്ന മെ​ഡി​ക്ക​ൽ സേ​വ​നം, അ​ടി​യ​ന്തര ഘ​ട്ട​ങ്ങ​ളി​ൽ ഉ​പ​യോ​ഗ​പ്പെ​ടു​ത്താ​ൻ വി​ധ​ത്തി​ൽ സ​ജ്ജീ​ക​രി​ച്ച ഹെ​ലി​പ്പാ​ഡ് എ​ന്നി​വ ഇൗ ഫ്ര​ഞ്ച് നി​ർ​മ്മി​ത ക​പ്പ​ലി​ൽ ല​ഭ്യ​മാ​ണ്.
ദോ​ഹ​യി​ൽ നി​ന്നും ഒ​മാ​നി​ലേ​ക്ക് 20 മു​ത​ൽ 25 മ​ണി​ക്കൂ​ർ വ​രെ​യാ​ണ് യാ​ത്രാ സ​മ​യം പ്ര​തീ​ക്ഷി​ക്കു​ന്ന​ത്. ഇ​തോ​ടൊ​പ്പം ത​ന്നെ കാ​ർ​ഗോ നീ​ക്ക​ത്തി​ലും ക​പ്പ​ൽ നി​ർ​ണാ​യ​ക സ്വാ​ധീ​നം ചെ​ലു​ത്തു​മെ​ന്നാ​ണ് ക​രു​ത​പ്പെ​ടു​ന്ന​ത്. ക​പ്പ​ൽ സ​ർ​വീ​സിെ​ൻ​റ യാ​ത്രാ ചാ​ർ​ജു​മാ​യി ബ​ന്ധ​പ്പെ​ട്ട് ഇ​തു​വ​രെ അ​ന്തി​മ തീ​രു​മാ​ന​ത്തി​ലെ​ത്തി​യി​ട്ടി​ല്ലെ​ന്നും ഉ​ട​ൻ ത​ന്നെ പ്ര​ഖ്യാ​പ​ന​മു​ണ്ടാ​കു​മെ​ന്നും ഉ​ട​മ അ​ൽ സു​ലൈ​തി പ​റ​ഞ്ഞു.
ഖ​ത്ത​റി​ലെ വി​ദേ​ശി​ക​ളു​ടെ യാ​ത്ര​യു​മാ​യി ബ​ന്ധ​പ്പെ​ട്ട് വി​സ ഇ​ള​വ് അ​നു​വ​ദി​ക്കു​ന്ന​തി​ന് ക​പ്പ​ലു​ട​മ ഉ​ൾ​പ്പെ​ടെ​യു​ള്ള മാ​നേ​ജ്മെ​ൻ​റ് ഒ​മാ​നി​ലെ​യും കു​വൈ​ത്തി​ലെ​യും ബ​ന്ധ​പ്പെ​ട്ട അ​തോ​റി​റ്റി​ക​ളു​മാ​യി ച​ർ​ച്ച ന​ട​ത്തി​ക്കൊ​ണ്ടി​രി​ക്കു​ക​യാ​ണ്. അ​ത് സാ​ധ്യ​മാ​കു​ന്ന പ​ക്ഷം രാ​ജ്യ​ത്തെ പ്ര​വാ​സി​ക​ൾ​ക്കും പ്ര​തീ​ക്ഷ​യുണ്ട്​.
കാ​ർ, ട്ര​ക്ക്, ഹെ​വി ട്ര​ക്കു​ൾ​പ്പെ​ടെ​യു​ള്ള ച​ര​ക്കു​ക​ൾ വ​ഹി​ക്കാ​ൻ ത​ക്ക ശേ​ഷി​യു​ള്ള​താ​ണ് ക​പ്പൽ. മി​ക​ച്ച സൗ​ക​ര്യ​ങ്ങ​ളാ​ണ് ക​പ്പ​ലി​ൽ അ​തി​ഥി​ക​ൾ​ക്കാ​യി സ​ജ്ജീ​ക​രി​ച്ചി​രി​ക്കു​ന്ന​തെ​ന്നും ക്യാ​പ്റ്റ​ൻ മ​നോ​ലി​സ്​ മൗ​സാ​റ്റ്സോ​സ്​ പ​റ​ഞ്ഞു.