കോവിഡ്​: ഖത്തറിൽ മരണം 21 ആയി

ദോഹ: ഖത്തറിൽ കോവിഡ്​ ബാധിച്ച്​ ചികിൽസയിലായിരുന്ന രണ്ടുപേർകൂടി ശനിയാഴ്​ച മരിച്ചു. 55ഉം 38ഉം പ്രായമുള്ളവരാണ്​ മരിച്ചതെന്ന്​ പൊതുജനാരോഗ്യമന്ത്രാലയം അറിയിച്ചു. 38കാരന്​ മറ്റ്​ ദീർഘകാല അസുഖങ്ങളും ഉണ്ടായിരുന്നു. ഇതോടെ ആകെ മരണം 21 ആയിട്ടുണ്ട്​. 1732 പേർക്കുകൂടി ശനിയാഴ്​ച പുതുതായി രോഗം സ്​ ഥിരീകരിച്ചിട്ടുണ്ട്​. നിലവിലുള്ള ആകെ രോഗികൾ 33679 ആണ്​. 

ഇതിൽ 1694 പേരാണ്​ ആശുപത്രിയിൽ ചികിൽസയിലുള്ളത്​, ഇവരിൽ 177 പേർ തീവ്രപരിചരണവിഭാഗത്തിലാണ്​. ബാക്കിയുള്ളവർ വിവിധ സമ്പർക്കവിലക്ക്​ കേന്ദ്രങ്ങളിലാണ്​. ശനിയാഴ്​ച 620 പേർക്കുകൂടി രോഗം മാറിയിട്ടുണ്ട്​. ആകെ രോഗം ഭേദമായവർ ഇതോടെ 8513ആയി.അതേസമയം കോവിഡ്–19 വ്യാപനം തടയുന്നതിനും പ്രതിരോധ പ്രവർത്തനങ്ങൾ ശക്തിപ്പെടുത്തുന്നതിനുമായി പൊതുജനങ്ങൾ ഈദ് ദിവസങ്ങളിൽ വീടുകളിൽ തന്നെ ഇരിക്കണമെന്നും അനിവാര്യ കാരണങ്ങൾക്കല്ലാതെ പുറത്തിറങ്ങരുതെന്നും ആഭ്യന്തര മന്ത്രാലയം നിർദേശം നൽകി.

കോവിഡ്–19നെതിരായ പോരാട്ടം രാജ്യത്തെ പൗരന്മാരുടെയും വിദേശികളുടെയും കൂട്ടുത്തരവാദിത്തമാണിത്​. ഈദ് അവധി ദിവസങ്ങളിൽ കുടുംബ സന്ദർശനങ്ങളും സാമൂഹിക ഒത്തുചേരലുകളും പാടേ ഒഴിവാക്കണമെന്ന്​ ആഭ്യന്തര മന്ത്രാലയം പബ്ലിക് റിലേഷൻസ്​ വകുപ്പ് മേധാവി ബ്രിഗേഡിയർ അബ്​ദുല്ല ഖലീഫ അൽ മുഫ്ത ഖത്തർ ടി വിക്ക് നൽകിയ അഭിമുഖത്തിൽ വ്യക്തമാക്കി.

രാജ്യത്തി​െൻറ ഒട്ടുമിക്ക ഭാഗങ്ങളിലും പേട്രാളിംഗ് ശക്തമാക്കും. സാമൂഹിക കൂടിച്ചേരലുകളും മറ്റു നിയമലംഘനങ്ങളും ശ്രദ്ധയിൽ പെട്ടാൽ 999 നമ്പറിൽ അധികൃതരെ വിവരമറിയിക്കണം.കോവിഡ്–19 മഹാമാരിയിൽ നിന്നും സമൂഹത്തി​െൻറ സംരക്ഷണവും സുരക്ഷയുമാണ് നാം ലക്ഷ്യമിടുന്നത്​. 
രോഗവ്യാപനം തടയുന്നതിനും പ്രതിരോധ പ്രവർത്തനങ്ങൾ ഊർജിതമാക്കുന്നതിനും എല്ലാവരും പ്രതിബദ്ധതയോടെ പ്രവർത്തിക്കണം. ജനങ്ങളുടെ ഭാഗത്ത് നിന്നുണ്ടാകുന്ന ചെറിയ വീഴ്ചകൾ പോലും ഈ പോരാട്ടത്തെ ദുർബലമാക്കും.