ഇൻഡസ്​ട്രിയൽ ഏരിയ ഇന്ന് മുതൽ ഭാഗികമായി തുറക്കും

ദോഹ: കോവിഡ്–19 പടർന്ന് പിടിച്ചതിനെ തുടർന്ന് പ്രതിരോധ പ്രവർത്തനങ്ങളുടെ ഭാഗമായി അടച്ചുപൂട്ടിയ ഇൻഡസ്​ട്രിയൽ ഏരിയയുടെ ചില ഭാഗങ്ങൾ ഇന്ന് മുതൽ ഭാഗികമായി തുറക്കും.സ്​ട്രീറ്റ് നമ്പർ 1, 2 എന്നിവയും വക്കാലത് സ്​ട്രീറ്റുമാണ് ആദ ്യമായി തുറക്കുക. ജനങ്ങളുടെ താൽപര്യത്തിൽ മെഡിക്കൽ വിഭാഗത്തി​െൻറ നിർദേശങ്ങൾക്കനുസൃതമായി മേഖലയിലെ മറ്റു സ്​ട്രീറ്റുകൾ തുറക്കുന്നത് സംബന്ധിച്ച പ്രവർത്തനങ്ങൾ പുരോഗമിക്കുകയാണ്​.

ദേശീയ ദുരന്തനിവാരണ ഉന്നതാധികാര സമിതി വക്താവ് ലുൽവ ബിൻത് റാഷിദ് അൽ ഖാതിർ വാർത്താസമ്മേളനത്തിൽ അറിയിച്ചതാണ്​ ഇക്കാര്യം. അടച്ചുപൂട്ടിയ ഭാഗങ്ങൾ തുറക്കുന്നതി​െൻറ ഭാഗമായി പ്രദേശത്ത് നിന്നും 6500ഓളം തൊഴിലാളികളെ രോഗലക്ഷണങ്ങളില്ലെങ്കിലും നിരീക്ഷണത്തിനായി സമ്പർക്ക വിലക്ക് കേന്ദ്രങ്ങളിലേക്ക് മാറ്റിയിട്ടുണ്ട്​.

തൊഴിലാളികളുടെയും മറ്റുള്ളവരുടെയും സുരക്ഷ ലക്ഷ്യമാക്കിയാണിത്​. മാർച്ചിൽ ഖത്തറിൽ രോഗം കണ്ടെത്തിയതിന് പിന്നാലെ രോഗാവസ്​ഥയിൽ സ്​ഥിരത കൈവരിച്ചിരുന്നു. എന്നാൽ അതിന് ശേഷം ഇൻഡസ്​ട്രിയൽ ഏരിയയിൽ ഞെട്ടിപ്പിക്കുന്ന രീതിയിൽ രോഗം പടർന്ന് പിടിച്ചതിന് പിന്നാലെയാണ് 1 മുതൽ 32 സ്​ട്രീറ്റ് വരെ അധികൃതർ പൂർണമായും അടച്ചിട്ടത്.