കോവിഡ്​: പുതിയ രോഗികൾ 256, നാലുമരണം

ദോഹ: ഖത്തറിൽ പുതിയരോഗികളുടെ എണ്ണം ഇന്ന​െലയും കുറഞ്ഞു​. ഞായറാഴ്​ച 256 പേർക്കാണ്​ പുതുതായി കോവിഡ്​ സ്ഥിരീകരിച്ചത്​. അതേസമയം, ചികിത്സയിലായിരുന്ന നാലുപേർ കൂടി മരിച്ചിട്ടുണ്ട്​. 56, 67, 74, 77 വയസ്സുള്ളവരാണ്​ മരിച്ചതെന്ന്​ പൊതുജനാരോഗ്യമന്ത്രാലയം അറിയിച്ചു. ഇതോടെ ആകെ മരണം 530 ആയി. ഞായറാഴ്​ച 770 പേർ കോവിഡിൽനിന്ന്​ മുക്തി നേടി​. ഞായറാ​ഴ്​ച സമ്പർക്കത്തിലൂടെ രോഗംബാധിച്ചവർ 144 പേർ ആണ്​. പുതിയ രോഗികളിൽ 112 പേർ വിദേശത്തുനിന്ന്​ തിരിച്ചെത്തിയവരുമാണ്​.

നിലവിലുള്ള ആകെ രോഗികൾ 5576 ആണ്​. ഞായറാഴ്​ച 10,782 പേരെയാണ്​ പരിശോധിച്ചത്​. ആകെ 19,70,800 പേർക്ക്​ പരിശോധന നടത്തിയപ്പോൾ 2,13,183 പേർക്കാണ്​ ഇതുവരെ വൈറസ്​ബാധയുണ്ടായത്​. മരിച്ചവരും രോഗം ഭേദമായവരും ഉൾപ്പെടെയാണിത്​. ആകെ 2,07,077 പേരാണ്​ രോഗമുക്തി നേടിയത്​. നിലവിൽ 364 പേരാണ്​ ആശുപത്രികളിൽ ചികിത്സയിലുള്ളത്​. ഇതിൽ 14 പേരെ ഞായറാഴ്​ച പ്രവേശിപ്പിച്ചതാണ്​. തീവ്രപരിചരണവിഭാഗത്തിലുള്ള 205 പേരിൽ ആറു പേരെ കഴിഞ്ഞ 24 മണിക്കൂറിനിടെ പ്രവേശിപ്പിച്ചതാണ്​. ആകെ 20,35,475 ഡോസ്​ കോവിഡ്​ വാക്​സിൻ ഇതുവരെ നൽകിക്കഴിഞ്ഞു. വാക്​സിനേഷൻ കാമ്പയിൻ ഊർജിതമാക്കിയത്​ രോഗികൾ കുറയുന്നതിൽ നിർണായക പങ്കുവഹിക്കുന്നുണ്ട്​. രാജ്യത്ത്​ നിലവിലുള്ള വിവിധ കോവിഡ്​ ചട്ടങ്ങൾ പാലിക്കാത്തവർക്കെതിരെയുള്ള നിയമനടപടി തുടരുകയാണ്​. പെരുന്നാൾ ദിനങ്ങളിൽ വിവിധയിടങ്ങളിൽ പരിശോധന കർശനമാണ്​. കഴിഞ്ഞ ദിവസം 901 പേർക്കെതിരെയാണ്​ നടപടിയുണ്ടായത്​.

പുറത്തിറങ്ങു​േമ്പാൾ മാസ്​ക്​ ധരിക്കണമെന്നത്​ രാജ്യത്ത്​ നിർബന്ധമായിരിക്കേ നിയമം പാലിക്കാത്ത 559 പേ​ർ​െക്കതിരെയാണ്​ നടപടിയെടുത്തത്​. ഇവരെ പബ്ലിക്​ പ്രോസിക്യൂഷനിലേക്ക്​ കൈമാറിയിട്ടുണ്ട്​. കാറിൽ കൂടുതൽ പേർ യാത്ര ചെയ്​തതിന്​ ഒരാൾക്കെതിരെയും നടപടിയുണ്ടായി. ഇഹ്​തിറാസ്​ ആപ്​ ഇല്ലാത്തവർ​െക്കതിരെയും നടപടിയെടുക്കുന്നുണ്ട്​. പാർക്കുകൾ, കോർണിഷ്​ എന്നിവിടങ്ങളിൽ കൂട്ടംകൂടി നിന്നതിന്​ 158 പേർക്കെതിരെയും നടപടിയെടുത്തു. മാസ്​ക് ധരിക്കുന്നതുമായി ബന്ധപ്പെട്ട് നിയമലംഘനം നടത്തുകയാണെങ്കിൽ സാംക്രമിക രോഗങ്ങൾ തടയുന്നതിനുള്ള 1990ലെ 17ാം നമ്പർ ഉത്തരവ് പ്രകാരമാണ്​ അധികൃതർ നടപടി സ്വീകരിക്കുക.

രണ്ടു ലക്ഷം റിയാൽ വരെ പിഴയോ അല്ലെങ്കിൽ മൂന്നു വർഷം വരെ തടവോ ആണ്​ ചുമത്തപ്പെടുക. നിലവിൽ കുറ്റക്കാർക്ക്​ 500 റിയാലും അതിനു​ മുകളിലുമാണ്​ മിക്കയിടത്തും പിഴ ചുമത്തുന്നത്​. എന്നാൽ, രണ്ടുലക്ഷം റിയാൽ വരെ പിഴ കിട്ടാവുന്ന സാംക്രമിക രോഗങ്ങൾ തടയൽ നിയമത്തിൻെറ പരിധിയിൽ വരുന്ന കുറ്റമാണിത്​. ഒരേ കുടുംബത്തിൽനിന്നുള്ളവരൊഴികെ കാറുകളിൽ നാലുപേരിൽ കൂടുതൽ പേർ യാത്ര ചെയ്യാൻ പാടില്ല. ഇതു​ ലംഘിച്ചാൽ ചുരുങ്ങിയ പിഴ 1000 റിയാൽ ആണ്​. ആളുകൾ കൂടുതലായെത്തുന്ന ഇടങ്ങളിൽ സാഹചര്യങ്ങൾ നിരീക്ഷിക്കുന്നതിനായി കാൽനടയായിട്ടുള്ള പൊലീസ്​ പ​േട്രാളിങ്ങുമുണ്ട്​. പൊലീസ്​ പരിശോധനയും പ​േട്രാളിങ്ങും 24 മണിക്കൂറാക്കിയിട്ടുണ്ട്​. സാമൂഹികഅകലം പാലിക്കാത്തവർക്കെതിരെയും പൊലീസ്​ നിരീക്ഷണവും ശക്തമാണ്​. ഇത്തരത്തിലുള്ള 164 പേർക്കെതിരെ കഴിഞ്ഞ ദിവസം നിയമനടപടി സ്വീകരിച്ചിട്ടുണ്ട്​. കാറിൽ കൂടുതൽപേർ യാത്ര ചെയ്​തതിന്​ 13 പേർക്കെതിരെയും ഇഹ്​തിറാസ്​ ആപ്​ ഫോണിൽ ഇല്ലാത്തതിന്​ ഏഴുപേർക്കെതിരെയും നിയമനടപടി സ്വീകരിച്ചിട്ടുണ്ട്​.