കോവിഡ്​: പുതിയ രോഗികൾ 221

ദോഹ: ഖത്തറിൽ വെള്ളിയാഴ്​ച ആശ്വാസത്തിൻെറ കോവിഡ്​ കണക്കുകൾ. വ്യാഴാഴ്​ച രോഗികളുടെ എണ്ണം 300 കടന്നതിൻെറ ഞെട്ടലിലായിരുന്നെങ്കിൽ വെള്ളിയാഴ്​ച രോഗബാധ 221ലേക്ക്​ കുറഞ്ഞു. ഇതിൽ 193 പേർക്ക്​ സമൂഹവ്യാപനത്തിലൂടെയാണ്​ രോഗബാധ. 78 പേർ വിദേശത്തുനിന്ന്​ തിരിച്ചെത്തിയവരാണ്​. 193 പേരാണ്​​ ഇന്നലെ രോഗമുക്​തരായത്​. ​പുതിയ മരണങ്ങളില്ല.

നിലവിലുള്ള ആകെ രോഗികളുടെ എണ്ണം 2845 ആയി. 24,736 പേർക്കാണ്​ കഴിഞ്ഞ ദിവസം പരിശോധന നടത്തിയത്​. 94 പേർ വിവിധ ആശുപത്രികളിലായി ചികിത്സയിലുണ്ട്​. ഇതിൽ എട്ടു പേരെ കഴിഞ്ഞ 24 മണിക്കൂറിനുള്ളിൽ ​പ്രവേശിപ്പിച്ചതാണ്​. 19 പേർ തീവ്രപരിചരണ വിഭാഗത്തിൽ കഴിയുന്നുണ്ട്​. ഇതിൽ മൂന്നുപേരെ ഇന്നലെ പ്രവേശിപ്പിച്ചതാണ്​. 24 മണിക്കൂറിനിടെ 25,648 ഡോസ്​ വാക്​സിൻ നൽകി. ഇതുവരെ ആകെ 42.28 ലക്ഷം ഡോസ്​ വാക്​സിൻ നൽകിയതായി ആരോഗ്യ മന്ത്രാലയം അറിയിച്ചു.